Todos os podcast | En xogo motor

A última produción de Nova Galega de Danza "Dique" será a encargada de abrir a 40 edición do MIT de Ribadavia o 19 de xullo

Arranca na Coruña Mundos dixitais, o Congreso Internacional de Animación, Efectos Visuais e Novos Media. Falamos co seu director, Manuel Meijide, e con Jorge Morais, finalista no festival e relator no congreso

Moncho Lemos tráenos dúas estreas de cine español: Mala persona e El bus de la vida. Teñen en común o seren comedias dramáticas e xiraren en torno ao cancro

Tito Lesende estrea os novos temas de De Ninghures e de Baiuca. Avanzamos tamén o festival Portamérica, con música de León Benavente e Sarria. 

Esta noite faleceu aos 82 anos o historiador, ensaísta, profesor e articulista Justo Beramendi. Ana Romaní traza o seu perfil e falamos del con Ramón Villares, Luís Álvarez Pousa e Concha Losada. Co seu libro "De provincia a nación. Historia do galeguismo político" gañou o Premio Nacional de Ensaio en 2008. A obra xa recibira o Premio da Crítica de Galicia.

Repaso polos artistas que este ano anunciaron despedida: de Nación Quilombo a Leilía

Exploramos algunhas das opcións culturais ao dispor da rapazada e mocidade durante o verán. Campamentos musicais como o San Simón Fiddle, obradoiros artísticos e laboratoratorio de arquitectura no MARCO  e oportunidades para descubrir disciplinas como o circo co colectivo Circonove.

Estíbaliz Espinosa fala da cara oculta da Lúa e doutros obxectos cósmicos e conflitos ocultos. Con versos do libro 'Cantos de dor e liberdade. Voces galegas por Palestina'

A Fundación Pazos Cuchillo en Oza-Cesuras abre a exposición «Suplantación»Esta experiencia está comisariada por Nilo Casares. O colectivo Tronante, formado polo artista visual Juan Lesta e o arquitecto Xosé Suárez, desenvolve o proxecto Suplantación, a unión da obra de ámbolos creadores por xunto e por separado.  

As mulleres da Idade Media en Galicia fronte aos malos casamentos: denuncias, fuxidas, infelicidade e morte.

O Festival Internacional de Narración Oral Atlántica espalla a súa duodécima edición por 30 cidades, vilas e aldeas de Galicia e Portugal. Por primeira vez, a programación para público adulto supera en número á infantil e familiar. Con nomes como Paula Carballeira ou Cándido Pazó. Escoitamos a directora do encontro, Soledad Felloza, e a dous dos máis de cincuenta narradores participantes, Anxo Mou...

O filólogo Vicente Feijoo falános hoxe da información histórica, lingüística e cultural que levan consigo os topónimos e da campaña 'Toponimízate', que busca concienciar a poboación da importancia desta riqueza patrimonial

Falamos coa directora luguesa Olga Osorio da rodaxe da súa nova película en Elciego. El secreto del orfebre, con Mario Casas e Michelle Jenner, adapta a novela do mesmo título de Elia Barceló. -------------------------------------

A igrexa lucense de Vilar de Donas, en Palas de Rei, chega aos oitocentos anos. Coñecemos algunhas das moitas curiosidades desta xoia do Románico

Luís Miguel Crespo avánzanos o programa da cuarta edición do Galaico Brass Festival, que acolle a parroquia dezá de Merza entre 7 e 12 de xullo. Un encontro arredor dos instrumentos de vento metal que inclúe concertos, formación e convivencia, coa presenza de músicos de orquestras internacionais. 

No Galicia en Xogo desta fin de semana falaron varios protagonistas da sexta cita do CGR, desputada no Carballiño. Ademais, repasouse o máis salientable da presentación do Rally Rías Baixas, proba valedeira para o Supercampionato de España de Rallys.

A deseñadora Uqui Permui, alzouse co reputado Premio Europeo de Deseño, polas coloristas bolsas de sementes que creou para a empresa “Sementares”. Bolsas actractivas na aparencia externa e feitas con criterio sostible, xa que se fabrican a partir de fibras de tomate. A maiores, outros 3 estudios galegos recibiron galardóns por deseños de lámpadas de teito feitas con granito, libros bordados ou a w...

Dende Lyon, o noso experto en Artes Escénicas recoméndanos "Blondi", un espectáculo do bailarín e coreógrafo David Loira, co que reivindicar o Orgullo

Inclusión e convivencia son os eixos da 41 edición da Mostra de Teatro de Cangas, que se celebra dende hoxe ata o 7 de xullo. O programa inclúe a última produción de Chévere: Helen Keller, a muller marabilla e 7 estreas absolutas. Falamos coa pregoeira, a actriz Patricia Vázquez, e coa directora artística, María Armesto.

Hoxe falamos de dúas novidades na carteleira: *Casa en llamas, de Dani de la Orden. *Kind of kindness, de Yorgos Lanthimos

'De Vilatriste a Vilalegre' é o título da nova obra da compañía Teatro Ó Cubo, da que falamos con Sofía Espiñeira e Roberto Casal. Unha coprodución co Centro Dramático Galego que percorre o país nun escenario móbil, o camión “A utópica rodante”. O domingo 30 de xuño estará na Mostra de Teatro Cómico festivo de Cangas.

Tito Lesende comeza o repertorio deste xoves con Maricarme, o trío folk formado por Cibrán Seixo, Migui Carballido e Antía Amexeiras, que ademais participa con Sabela Caamaño na canción 'As vidas caladas' de Antía Muíño.

Comeza en Viveiro o RESU 2024, que vai pola súa edición número 19. A estrela desta xornada de apertura é Alice Cooper pioneiro do heavy-glam e historia viva do rock aos seus 76 anos. Falamos con Esteban Girón, director de comunicación do Resurrection Fest, consolidado coma referente mundial da música metal, punk, rock e hardcore

Carlos Crespo fálanos de proxectos musicais conformados por artistas galegos que xa teñen os seus propios grupos.

Conversamos coa artista visual e investigadora María Ruido, á que a Mostra de Cangas recoñece co premio 'Mulleres en Acción' pola súa "contra-narrativa feminista e de clase".  A Mostra proxecta este mércores o seu último filme, 'Las reglas del juego' e expón as súas primeiras creacións na mostra '4 Performances'.