Todos os podcast | En xogo motor

Tito Lesende debulla o cartel da cuarta edición do Emigrason, un festival musical que a diáspora galega organiza en Bruxelas esta fin de semana. Escoitamos a colaboración de 9Louro e Ortiga, un dos remixes do último disco de Baiuca e o último avance do novo álbum de The Rapants.

Malores Villanueva comenta ‘Tortura branca’, da Premio Nobel da Paz Narges Mohammadi. No libro, catorce mulleres (a autora entre ellas) comparten as súas experiencias de encarceramento en Irán: acosadas, golpeadas, illadas e privadas de calquera estímulo sensorial. Traducido ao galego por Fe González para Hércules de Ediciones.

A escritora Lorena Souto esculca a identidade e a perda, a reconstrución e a linguaxe no libro de poemas de "Exuvia e saliva", publicado por Chan da pólvora

Facemos unha previa dos Goya con Moncho Lemos

Carlos Crespo tráenos ao grovense Dani Cornes, sresidente en Barcelona, que publica o seu segundo disco o 27 deste mes : “Aquí sempre tes casa”, a través de dotbeat.

Treixadura publica novo traballo discográfico. Portalén é un disco que dialoga coa historia do grupo e coa tradición que sempre o acompañou, pero que mira cara adiante con novos camiños sonoros.

Mónica Maneiro comenta a exposición ' Arrieire no camiño Arrieire no lughare se che arrieire morre que camiño has de levare' de Sergio Marey, que pode visitarse na Fundación Granell, en Santiago, ata o 5 de abril.

Begoña fálanos da estrea en Agalega.gal de "Chichi e máis eu", o documental no que Nico Campos retrata ao seu pai, unha figura case esquecida da cultura galega, militante comunista, humorista e galerista. Tamén fala de "Contou Rosalía", unha película protagonizado por Melania Cruz que narra a vida da poeta e escritora en madrid.

Laboratorio Escénico estrea o espectáculo de música e danza “Monte”. E ademais a tradución de "Noites brancas".

Andrea Jamardo comenta ’O mundo de Jane Austen’, unha obra de Raquel C. Pico publicada por Sushi Books. O libro aborda de maneira accesible a vida e obra da escritora inglesa e está dirixido tanto a público adolescente coma adulto. Tamén nos fala do álbum ilustrado ‘Elmer e as baleas’, unha aventura do elefante multicolor creado por David McKee.  A tradución ao galego é de Xosé Manuel González e e...

Na sección de motor desta semana lembraron a conversa cun campión de España de sim-racing de Oia, co actual presidente da FGA, Toño Troitiño, e co alma máter do circuito de Forcarei e copiloto Jose Murado.

Afonso Becerra comenta o espectáculo de danza ‘Quando ven a taciturna de limiar en limiar o presente frágil’, unha creación de Joana von Mayer Trindade e Hugo Calhim Cristóvão. Estreouse este mes no marco do GUIdance, en Guimarães, e o 30 de maio estará no Rosalía de Castro da Coruña.

O Centro Galego de Arte Contemporánea organiza o curso New Fashion de moda experimental e perfomance

Begoña Vázquez fala con Ramón Nicolás, docente no centro e autor de 'A nena que perdeu un zapato na lama'

Moncho Lemos fálanos de ‘As liñas descontinuas’, de Anxos Fazáns, e adiántanos que mañá estará no Galicia por Diante a súa protagonista feminina, Mara Sánchez. E outra estrea, ‘El agente secreto’, unha película brasileira de Kleber Mendonça Filho.

Percorrido pola programación do Día de Rosalía na conmemoración do 189 aniversario do nacemento da escritora Rosalía de Castro.

Tito Lesende traénos dúas primicias de artistas galegas que publican disco, Agoraphobia e Antía Muíño. E, ademais, os concertos vindeiros en Santiago de Pastor Eléctrico, Muaré e Anabel Lee.

Malores Villanueva comenta ‘Descifrando o Entroido. Manual básico para entender o Entroido galego’, do antropólogo Rafael Quintía. En Ab Origine Edicións, un libro de divulgación para sabérmolo todo desta festa.

“Que pasa coa nosa memoria colectiva?” Chévere estrea “Ictus. Anatomía da derradeira lección de Castelao”, un espectáculo sobre como se constrúen as narrativas da memoria. E despois a rodaxe de “As augas”

Carlos Crespo tráenos a Los Jinetes del Trópico e o seu segundo disco: ‘A calor é un dereito’. Ritmos latinos en galego dende hai unha década.