Todos os podcast | Ao contraataque

Toni López conversa coa pontevedresa Tere Abelleira na véspera de que a selección feminina de fútbol voe a Galicia para xogar o seu partido en Pasarón. No hóckey, analizamos con Juan Copa, o adestrador do Liceo, o comezo dos coruñeses na Liga de Campións visitando o Barça. E no baloncesto, o Basquet Coruña cae por un punto en Burgos, 76-75.

O vigués Rubén Albés, técnico do 'Albescete', é o convidado á mesa de debate a uns días de que os manchegos xoguen na Malata. No baloncesto, dúas olladas: en Ourense escoitamos os adestradores do COB 72-Tizona 79 da LEB; e en Lugo charlamos con Tito Díaz, o director xeral do Breogán. E no balonmán, conectamos con Dinamarca para conversar coa naronesa Alicia Fernández, fixa na selección,...

Sempre é proveitoso escoitar a Carlos Mouriz. O director xeral e deportivo do Racing de Ferrol quítalle ferro ás críticas aos árbitros e confirma que Carlos Vicente é un dos xogadores con ofertas de Primeira División. Este luns, ademais, xoga Ao contraataque o presidente do Ourense CF, líder da 2ª RFEF, e felicitamos ao ciclista Andrés Taboada, que ficha polo equipo profesional portugués Mortágua...

Nesta xornada poñemos sobre a mesa de debate a continuidade de Rafa Benítez no Celta e de Imanol Idiakez no Deportivo, que seguen acumulando malos resultados. En contraste, imos en directo á Malata, onde afeccionados do Racing decidiron recibir o equipo tralo empate en Leganés.

O presidente da Federación Galega de Fútbol dá explicacións trala polémica pola venda das entradas para o partido de España en Pasarón. Conversamos con Borja Jiménez, o ex do Deportivo, antes de recibir o Racing agora como técnico do líder Leganés. No baloncesto, previa da xornada da LEB do venres e do derbi Celta-Ensino. E no espazo olímpico visítanos o triatleta vigués Antonio Serrat.

O adestrador do Celta Fortuna, o porriñés Claudio Giráldez, responde ás preguntas sobre a actualidade do filial e as súas opcións de chegar ao primeiro equipo. No baloncesto, o Breogán superou ao Hapoel Holon na Liga de Campións. E no 'Díxencho eu' o gran Luis Moya revive un dos momentos icónicos da historia do deporte, cando quedou a uns metros de gañar o mundial de rallys con Carlos Sa...

O delegado de AFE en Galicia, Borja Yebra, e o ex do Racing de Ferrol, David Darmon, participan no coloquio sobre a actualidade do fútbol. Logo, escoitamos protagonistas dos tres equipos galegos de fútbol sala, Noia, Burela e O Parrulo, tras quedar eliminados na Copa. E, no baloncesto, preparamos o partido do Breogán na Liga de Campións co Hapoel de Israel.

Os nosos expertos discuten se os futbolistas xogan demasiados partidos e, por iso, hai tantas lesións. No repaso da xornada, atendemos ao tropezo, no último suspiro, do Racing na Malata e aos resultados da 1ª RFEF. Na segunda hora, como sempre, o resumo máis completo da xornada da Terceira División.

Noite de análise de todo o que nos deixou a xornada de fútbol, con especial atención ao Racing 1-Burgos 1 e á 1ª RFEF. En Ourense, felicitamos a Amin Abaradan, o máximo goleador da Segunda Federación. E no fútbol sala conversamos con Juanma Marruba ante a súa volta a Burela agora como adestrador rival.

Imanol Idiakez xoga Ao Contraataque para avaliar o inicio de temporada do Deportivo e contestar as preguntas do equipo do programa. No Fica coa Bola temos a Lino Estévez, o novo adestrador do CD Barco, e no Galicia en París poñemos as zapatillas para conversar con Tariku Novales.

Ángel Castro, presidente do Sestao River e de pais de Noia, fálanos da eliminatoria co Celta na segunda rolda da Copa e Manuel Abalo, o presidente do Arosa, celebra o cruzamento co Valencia. No baloncesto, o Breogán perdeu co Holon e escoitamos voces do Ensino, o Uni e o Celta antes dos seus partidos do xoves. No balonmán, o Guardés venceu o Rocasa e o Porriño caeu en Málaga e, no fútbol sala, o N...

Mesa de debate á que convidamos a Francisco Javier Villaverde, o axente de Fran Vieites, trala actuación do porteiro de Pontecesures no derbi Sevilla-Betis, e na que tamén recibimos o ex do Dépor, Lugo, Racing e Pontevedra, Diego Seoane. Na ximnasia Melania Rodríguez volve con sabor agridoce do Mundial de trampolín, onde gañou un ouro pero quedou a unhas décimas da praza olímpica. E no baloncesto,...

Xogan Ao Contraataque dous ex xogadores agora adestradores: o ex do Celta Patxi Salinas comenta os problemas dos de Benítez; e Luis César destaca as virtudes do Racing, como equipo e como club, ademais de lembrar as súas experiencias no Deportivo e no CD Lugo. E na vela felicitamos a Támara Echegoyen polo seu bronce nos Europeos de Portugal.

Noite de análise dos partidos dos equipos galegos na principais categorías: os problemas sin fin do Celta, a enerxía do Racing, os triunfos do Deportivo e do Celta Fortuna, o empate do Arenteiro ou a derrota do Lugo no Anxo Carro.

Kevin, un dos capitáns do RC Celta, admite os problemas do equipo sen querer buscar desculpas nas arbitraxes. Dende Ferrol, Álvaro Giménez repasa a súa contribución no Racing pero recoñece que debe facer máis goles. O repaso ao resto do fútbol e tamén baloncesto coas previas da LEB e a vitoria da selección feminina de Miguel Méndez.

O adestrador do Club Deportivo Lugo, Pedro Munitis, é o convidado á mesa de debate sobre a actualidade futbolística. No baloncesto, falamos da derrota do Breogán, 86-71 en Bonn na Liga de Campións, e conversamos coa ourensá Paula Ginzo, pivote do FCB; e no balonmán, o Cangas perdeu en Cuenca, 33-28.

Conversamos sobre a actualidade do fútbol co técnico do Pontevedra, Yago Iglesias, que nos falará do grande inicio dos granates na 2ª RFEF. No baloncesto, miramos cara a Lugo na véspera da visita do Breogán ao Bonn na cuarta xornada da BCL.

Debatimos se o Celta debe protestar ou non polas últimas arbitraxes, sobre o futuro de Carlos Vicente e sobre a situación do Deportivo na 1ª RFEF. Ademais, xoga Ao Contraataque a marinense Irene Trabazo, líder da Copa de España de ciclocross.

Os expertos do programa debaten se teñen fundamento as queixas do Celta sobre as arbitraxes e analizan o resto dos resultados da fin de semana, entre eles o Racing 1-Andorra 0 e o Real Unión 3-Deportivo 0.

O presidente do Arosa explica en directo a decisión de club de Vilagarcía de presentar recurso pola suposta aliñación indebida do porteiro do filial do Granada na vitoria dos andaluces, 0-3, na Lomba. Ademais, a previa dos partidos do Ensino, o Uni Ferrol e o Celta na liga feminina de baloncesto e a conversa coa ximnasta Melania Rodríguez no Galicia en París.

No fútbol, falamos en directo con Gazzaniga despois de gañar co Racing en Marbella e repasamos as eliminatorias do Celta, o Deportivo, o Lugo, o Arenteiro, o Boiro e o Compostela. No baloncesto, chegou a primeira derrota do Basquet Coruña e felicitamos a Patri Corral pola clasificación do Castro para final a 8 da Copa da Raíña de fútbol sala.

A última hora dos sete partidos de Copa que xogan o mércores os equipos galegos: Celta, Racing, Lugo, Deportivo, Arenteiro, Compostela e Boiro. Ademais, repasamos o 1-7 da selección feminina en Suíza con dúas asistencias da pontevedresa Teresa Abelleira.

A máis completa mesa de debate dos luns para avaliar os resultados da xornada no fútbol á que convidamos o presidente do Turégano, rival do Celta na Copa. Ademais, falamos con Juan Copa polo mal inicio de temporada do Liceo da Coruña na OK Liga.

Escoitamos os protagonistas do Racing de Ferrol despois de gañaren 1-3 no campo do Racing de Santander. Ademáis, reunimos a habitual mesa de debate dos domingos para avaliar o resto da xornada deportiva da fin de semana.

Preparamos co galego Richi, que foi capitán do Girona, a visita do Celta a Montilivi. No Galicia en París visítanos a atleta Ester Navarrete, logo de bater o récord da medio maratón da gran Julia Vaquero. E no Terceiro Tempo... pelexa de galos.