Todos os podcast | Ao contraataque

O 'galego' Sebastián Méndez achégase ao estudio para falarnos da súa etapa no Vélez arxentino, onde non renovou tras conseguir a salvación, e, por suposto, comentar a situación do RC Celta. No fútbol, escoitamos tamén as voces do día (Vadillo, Quique Fornos...) e analizamos a fichaxe do porteiro Eric Puerto no Deportivo. E na sección de baloncesto saudamos ao xogador do Breogán Albert Ve...

O luns toca exame en Ao contraataque: os expertos do programa revisan as citas que tiveron os equipos galegos nas principais categorías de fútbol, con especial interese nas eliminatorias da Copa do Rei. Ademais, na segunda hora do programa saimos en bici con Carlos Canal, a principal baza do pelotón galego que esta temporada correrá no potente Movistar.

Primeira mesa de debate do ano para analizar o triunfo do Celta sobre a lama de Amorebieta e a derrota, que vendeu ben cara, do Racing diante do Sevilla. Ademais, repasamos as outras novas salientables da fin de semana.

Con Roberto Carlos Carballo e Víctor López analizamos a vitoria no último suspiro do Celta. As palabras de Javi Rey tras a derrota do Arenteiro. A Gestopedia con Álex Gesto. Con Alfonso Pardo e Carlos Cotovad falamos da derrota europea do Breogán. Lembramos no #DixenchouEuAoContraataque o ouro olímpico de Cristian Toro en Río 2016. Pechamos co Terceiro tempo, da man de Guilherme Zapata.

Comezamos ollando a Vigo para valorar a presentación do mexicano Marco Garcés como novo director deportivo do RC Celta. En Riazor, escoitamos os protagonistas tralo Dépor 2-Real Sociedad B 1 e miramos para a xornada de Copa do Rei da fin de semana, con especial atención ao Racing-Sevilla.

Previa do Celta-Betis. Análise da vitoria do Celta Fortuna no Anxo Carro por 0-1 ante o Lugo. Mesa de debate con Peli, Álex Gesto, Rafa Cabeleira e Toni López. O Mundo do baloncesto con Millán Gómez. Conversa coa xogadora do Uni Ferrol Gala Mestres. O Bestiario de Martiño Suárez. Peche co Terceiro Tempo da man de Guilherme Zapata e Perico Balado

Xa é oficial: o mediocentro brasileiro Jailson Marques asina polo Celta. Mentres, dende Vitoria, chegan as primeiras palabras de Carlos Vicente tras deixar o Racing. No baloncesto, escoitamos a Moncho, a Mrsic, a Epi e a Félix Alonso nas previas da última xornada do ano na ACB e na LEB Ouro. E no Galicia en París charlamos co cangués Rodrigo Corrales das perspectivas de cara aos Xogos de 2024.

Comezamos xogando Ao contraataque coa paratriatleta viguesa Susana Rodríguez Gacio, despois de saber que foi elixida Premio Nacional do Deporte. No fútbol, conectamos co Brasil, onde dan por feito que Jailson Marques fichará no Celta, e escoitamos a Paulo Alves no seu inicio no CD Lugo. E no baloncesto, conversamos co dominicano Mendoza polo seu gran regreso ao Obradoiro coa vitoria no derbi co Br...

Contactamos con Chipre co técnico galego David Caneda para coñecer mellor o novo director deportivo do RC Celta, Marco Garcés, co que coincidiu no Tecos mexicano. En Lugo, o portugués Paulo Alves empeza adestrar o equipo e no baloncesto analizamos os problemas do Breogán na ilga doméstica.

A noite de Nadal xogamos Ao contraataque repasando algúns dos episodios máis salientables de 2023: a despedida de Carlos Mouriño no Celta, o Mundial de Teresa Abelleira ou a clasificación olímpica de Támara Echegoyen, ademais do Terceiro Tempo e o Fica coa bóla.

Os de Rafa Benítez perderon por 3-2 cunha curiosidade, foi o partido que máis minutos de engadido tivo na historia da Liga: quince foi o tempo suplementario que se xogou. Pleno de vitorias no polideportivo: gañou o Breogán na prórroga e fai historia clasificando para seguir adiante na competición europea, gañou o Burela fútbol sala feminino por 3-1 diante do Benfica portugués na Champions, e tamén...

Arrincamos en directo dende o José Zorrilla para escoitar a Cristóbal Parralo valorando o éxito do Racing, subcampión de inverno en Segunda. Logo Raúl Villares fala tamén con Jon García e con David Castro. No fútbol, comentamos a sentenza que lle dá vía libre á Superliga. E no fútbol sala, Jozi Oliveira comenta a derrota do Burela na final da copa de Europa amigable diante das italianas do Bitonto...

Última xornada do ano en 1ª e 2ª división: o Celra recupera a Starfeld para viaxar a Vila-real e o Racing irá a Valladolid a por un posto de ascenso directo. No fútbol sala, escoitamoa a Aroa Rodríguez e a Emily Marcondes tralo 6-0 do Burela no primeiro partido da Liga de Campioas amigable. E no baloncesto convidamos a Erik Quintela, do Breogán, e a Álex Suárez, do Obradoiro, a uns días de que se...

Repasamos como chegan a fin de ano os equipos galegos das principais categorías de fútbol e reparamos na situación do CD Lugo e as posibles razóns do despedimento do seu adestrador. Na 2ª RFEF saudamos a Churre, capitán do líder Pontevedra. E no fútbol sala, escoitamos o adestrador do Burela FS no inicio da Liga de Campioas amigable que van xogar as da Mariña esta semana na casa.

Empezamos xogando Ao contraataque dende o estadio da Malata para escoitar en directo a Cristóbal Parralo e a Íker Losada tralo Racing de Ferrol 3-Tenerife 1. Na análise da xornada detémonos na primeira vitoria do Celta na casa, o triunfo salvador do Dépor no Carballiño e a destitución, sorpresa, de Pedro Munitis no Club Deportivo Lugo.

Analizamos as ideas avanzadas por Marián Mouriño como nova presidenta do RC Celta. Na Segunda conversamos co atacante do Racing de Ferrol Sabin Merino. E na 1ª RFEF convidamos a Álex Vázquez, o director deportivo do Arenteiro, para preparar a visita do Dépor ao Espiñedo. Ademais, no hóckey sobre patíns recollemos as reaccións do Liceo despois de perder co Barcelos na Liga de Campións.

Comezamos co resumo da xornada da Liga de Campións de fútbol. No balonmán o Cangas desperdicia tres goles de vantaxe no último minuto. No hóckey, preparamos o Liceo-Barcelos de competición europea. E no ciclismo conversamos con Sabino Cortizo, o impulsor dun novo equipo ciclista de categoría junior que empezará a rodar en 2024.

Conectamos en directo coa xunta de accionistas do RC Celta na que se fai oficial o cambio na presidencia do club e escoitamos a Marián Mouriño e ao seu pai, Carlos. Imos a Carballo á celebración centenario do Bergantiños para conversar co presidente Luis Calvo. E no baloncesto temos cita co 'rapaz para todo' do Breogán, Sergi Quintela.

Empezamos en directo dende o estadio de Vallecas para escoitar as opinións de Rafa Benítez, Unai Núñez e Renato Tapia tralo empate do Celta co Rayo. No fútbol, repasamos tamén como lles foron as cousas ao Racing na Segunda e aos galegos da 1ª RFEF e saudamos o técnico do Vilalbés, Simón Lamas. E no fútbol sala, felicitamos a David Pazos pola vitoria do Noia sobre o Inter.

A mesa do domingo compara a situación do primeiro equipo do Celta co gran momento do filial e do seu adestrador, Claudio Giráldez. Na Segunda, conectamos co Alcoraz para falar en directo con Héber Pena, Jon García e o galego do Huesca Miguel Loureiro. E tamén analizamos o empate do Dépor e as opcións de continuidade de Imanol Idiakez.

Imos en directo a Sestao no post-partido do sufrido triunfo do Celta na segunda eliminatoria da Copa para escoitar a Benítez e a Agustín Marchesín. Logo, viaxamos a Ferrol para recoller as valoracións de Cristóbal e de Borja Jiménez tralo Racing 1-Leganés 0. E no tenis convidamos a xogadora de Vilagarcía Jéssica Bouzas.

Revisamos os partidos do mércores da segunda eliminatoria da Copa do Rei: o Lugo gañoulle 2-0 ao Mirandés mentres que o Deportivo perdía 2-3 co Tenerife e o Arenteiro 1-3 co Burgos. Na Liga de Campións de Baloncesto o Breogán caeu en Turquía e na OK Liga o Liceo plantouse polos insultos racistas en Voltregá.

Empezamos en directo na Lomba conversando co presidente do Arosa SC, Manolo Abalo, e co adestrador, Luisito, despois de que o equipo de Vilagarcía caese 0-1 cun 'Primeira' na Copa do Rei. Logo ollamos para as eliminatorias que xogarán os outros equipos galegos. E, no baloncesto, felicitamos a Blanca Millán polo seu regreso ás pistas co Ensino un ano despois da súa grave lesión.

Escoitamos os protagonistas tralo Celta-Cádiz, un punto insuficiente para os vigueses, que seguen sen gañar en Balaídos malia xogar unha hora cun futbolista máis. Ademais, repasamos como foi a xornada da fin de semana no fútbol galego e felicitamos o atleta Tariku Novales, despois de establecer un novo récord de España de maratón: 2h05:48.

Xogamos Ao contraataque cos futbolistas de tres equipos galegos: Sergio Cubero, defensa do Racing; Paris Adot, lateral do Deportivo; e o veterano goleador do Compostela Manu Barreiro. No hóckey, o Barcelona varreu o Liceo na primeira xornada da Liga de Campións. E no 'Galicia en París' charlamos co taekwondista de Marín Iván García.