Todos os podcast | A crónica deportiva

Álvaro Reboredo "Fiti" é un artista de circo que acaba de graduarse na Escola Superior de Arte Dramática. Á fronte da súa propia compañía, IO, convertirá en espectáculo o seu TFG.

Carabela preséntannos o seu segundo EP, 'A noite', no que crean atmosferas oníricas que combinan a calidez da voz humana e os sons sintéticos. Conversamos con Ana Moas e Pablo Pazos, dous dos membros deste cuarteto de Noia.

Eva Mejuto despídese antes das vacacións con dous libros sobre sexo destinados a adolescentes. Puberdade en marcha, traducido ao galego por Iago Nicolás e publicado por Kalandraka,  pensado para rapazada entre os 11 e 13 anos e Sexualidades, da sexóloga e influencer Isa Duque. Despedímonos con música de jazz e a novela Trompeta, de Jackie Kay, en versión galega de María Reimóndez e publicada por H...

O escritor e performer Xelís de Toro e o músico Alejandro Vargas publican 19 postais sonoras con imaxes de Manuel Vilariño. Máis alálá é un obxecto artístico literario a partir dos poemas de De catro a catro. Música improvisada e poesía sonora nun traballo do que falamos con Xelís de Toro: “Ao aspecto sonoro das palabras non se lle dá a importancia que ten”.

O España 1 - Italia 0 é a transmisión televisiva máis vista do ano. Supera os oito millóns e medio de espectadores  Falamos conRoberto González, de Ordes, que estivo no España 1 - Italia 0. O Racing Club Ferrol está moi preto de asinar cun dianteiro centro e a un extremo. O CD Lugo ficha como coordinador da base a David Páez.

“Dique tamén cuestiona a cultura do esforzo” Hai 150 anos 200 mulleres retiraron 245.000 metros cúbicos de terra e pedras que transportaron en 58.000 cestos sobre as súas cabezas. A escavación do Dique da Campa de Ferrol centra o espectáculo que dirixe Marta Pazos: “Para min é importante honrar o legado para sementar o que vén”. Falamos coa directora e co responsable de Nova Galega de Danza, Jaime...

Xa está nos cines Del revés 2. Agora coa nena protagonista entrando na adolescencia da man de dúas emocións máis. A outra película que nos trae Moncho Lemos é Alumbramiento, que aborda o internamento de adolescentes embarazadas e o roubo de bebés na España dos 80’s

O Instituto Galego de Física de Altas Enerxías conmemora o seu 25 aniversario cunha exposición de arte realizada en colaboración co departamento artístico do CERN. 'Instrumentos de visión' achega vídeos e fotografías do artista italoalemán Armin Linke sobre as complexas ferramentas que a ciencia contemporánea utiliza para investigar a composición da materia.  A comisaria da mostra é a co...

Escoitamos con Tito Lesende os artistas que participarán no Gozo Festival, o 6 de xullo en Santiago. De Ed Sheeran a Fillas de Cassandra, pasando por Bomba Estéreo, Mon Laferte, Angelina Mango e Milky Chance.

Tiro de saída para a sétima edición do Clasclás, o festival internacional de música clásica que ten lugar en Vilagarcía. Falamos coa directora do Conservatorio profesional e tamén do certame, Rosina Sabrido

A Selección española xoga contra Italia.

“O meu irmán era un gran intelectual moi descoñecido” 29 anos despois da morte do compositor a familia atopa o espazo para os materiais que conforman o arquivo de Enrique Macías. “Queremos que ese material poda ser estudado e darlle valor ao seu traballo”. Falamos con Xabier Macías, irmán do compositor, e con Roberto Oliveira, investigador e responsable da dixitalización do legado.

Luz Castro tráenos na súa derradeira colaboración da tempada Xerme, de Acariño Games, unha aventura de descubrimento coa enerxía coma protagonista. Tamén nos recomenda achegarnos ao Museo do Videoxogo de Cangas, que acaba de abrir un salón Arcade.

Santiago acolle a exposición itinerante de arte sacra Las edades del hombre. “Hospitalitas” comparte sede entre Compostela e Vilafranca do Bierzo. Pode visitarse ata novembro na catedral e no mosteiro de San Martiño Pinario. Falamos co comisario da mostra, Ramón Yzquierdo

O Uni Ferrol competirá en Europa e presenta a Blanca Millan. O ourensán Javi Rey, ex do CD Arenteiro, é o novo adestrador da SD Ponferradina. O hinmo do centenario "Oliveira dos Cen Anos", de C .Tangana, gaña tres premios no Festival Internacional de Creatividade de Cannes.

Dolores Vilavedra remata tempada con O nadador, de John Cheever, traducido ao galego por Moisés Barcia para Rinoceronte. Personaxes adúlteros, nómades, insatisfeitos que desexan evadirse e mudan de vida nun instante… Este é o quinto dos seis volumes de contos que publicou John Cheever, e o mellor de todos eles, segundo a crítica.

Roi Fernández e Martiño Suárez forman Grampoder, un dúo nacido das cinzas do grupo The Homens que acaba de publicar o seu terceiro LP. 'Amuleto' aproveita ao máximo o formato de guitarra e batería para soster cancións que narran o desencanto vital de toda unha xeración. 

Mónica Maneiro comenta a exposición 'Simbiose', unha mostra de gráfica expandida na que presentan as súas creacións 24 artistas de España e Portugal, entre eles un bo número de membros do grupo dx5 da Facultade de Belas Artes de Pontevedra. A mostra forma parte dun proxecto artístico Foro Internacional de Creación na Fronteira 'O múltiple que ocupa o espazo'.

Na Avenida de Europa, en Vigo, agóchase un xardín botánico que é unha alfaia de biodiversidade. Estes días a Fundación Sales acolle unha bienal de arte multidisciplinar Falamos coa comisaria da mostra, Sandra R.G., e coa bióloga Patricia Vázquez.

O porteiro polaco Michal Kaluza renova no Burela FS.Xa hai calendario completo da 1ª División. O RC Celta comeza co Alavés e co Valencia en Balaídos. Sergio Ramos di que xa cumpríu cos seus obxetivos no Sevilla e por iso marcha. Fredy Álvarez renova dúas temporadas no Celta Fortuna. Borja Fdez segue na UD Ourense.

Remata por esta temporada a colaboración do noso experto en música tradicional. Escoitamos a Ansuíña e Maré. E como adianto dos convidados de Lume na palleira do domingo vindeiro, Brincadeira e Os do fondo da barra.

Preséntase como unha obra que conecta música, psicoloxía, territorio e corpo-casa. Basal  reúne nove cancións nun percorrido musical que explora diversos xéneros” Quería facer o disco máis libre desde que comecei con 25 anos”. Soará en concerto o día 23 no Teatro Colón: “penso a música como arte escénica”. Falamos con Ugía Pedreira do seu novo disco

O peirao de Batería da Coruña volve acoller unha exposición de fotografía contemporánea. Neste caso, 'Future Stories', unha mostra que recolle series de tres fotógrafos novos, Umesh Graña, Sofía Taboada e Alba Jiménez. Os tres creadores tituláronse en Fotografía na Escola Mestre Mateo de Santiago e foron seleccionados pola Fundación MOP para un programa formativo sobre fotografía de moda...

No Café Cósmico con Estíbaliz Espinosa falamos hoxe de carricantas e de enxames de satélites espaciais, con versos de Samuel L. París 

O RC Celta valora a fichaxe de Borja Iglesias. Entraría na operación de Manu Sánchez, pretendido polo Betis. O Racing Club Ferrol traballa na fichaxe de Unai Vencedor, do Athletic, este ano cedido no Eibar. Escoitamos a Unai Simón coa selección de fútbol e a María Araújo, en Vigo, coa selección feminina de baloncesto.