Todos os podcast | A crónica deportiva

A nosa experta en literatura xuvenil e infantil céntrase hoxe na tradición oral. Tráenos o conto 'A botella de lentellas' (Premio Merlín de Literatura Infantil), de Leticia Barbadillo; e o canto 'Pequena fauna do Cantigueiro de Cotobade', de David Carballal.

Afonso Becerra preséntanos 'A tempestade', unha das últimas pezas de William Shakespeare, dirixida por António Pires con música de Jean Sibelus. Participan Theatro Circo e Teatro do Bairro.

Unha historia arredor da discriminación e o acoso escolar. Niso consiste a obra que Redrum Teatro estrea hoxe no Fiot de Carballo. Chámase 'O pequeno poni' e está dirixida por Álex Sampayo. Charlamos arredor das súas claves cos seus protagonistas, Laura Míguez e Guille Carbajo.

Carlos Vicente fala do seu futuro despois de ser elixido o mellor do Racing de Ferrol no primeiro mes en Segunda. A 1ª RFEF ábrese cun duelo na parte alta, Celta Fortuna-Real Unión, e as previas da fin de semana de baloncesto

O punto musical vén con Tito Lesende, que nos amosa o último de varias bandas: Loiros, Allah-Las, Occie Elliot e Os ilegales.

O Cangas clasifícase para a seguinte rolda da Copa do Rei de balonmán; no fútbol sala, xogan varios equipos galegos na Copa da Raíña e o CD Boiro disputa en Santander a previa do torneo no fútbol

O galadornado filme de Jaione Camborda 'O Corno' chega ós cines este mércores 11 de outubro. Que mellor momento para que parte do seu equipo nos fale das claves do seu éxito. Melania Freire é a directora de arte, Uxía Vaello forma parte do equipo de vestiario e Julia Gómez e María Lado constitúen algunha das pezas do reparto da película.

Nesta primeira Residencia FICBUEU, que terá lugar do 9 ao 15 de outubro en Ons, son catro os proxectos seleccionados de entre os 122 que se recibiron dende todo o territorio español, un tercio deles dende Galicia. A titora será Isabel Peña (Zaragoza, 1983), guionista de películas coma As bestas ou El reino –coas que gañou sendos Goyas–, Stockholm, ou Que Dios nos perdone y de series coma Antidistu...

Serbia informa de que o lateral do Celta Ristic chegou lesionado á convocatoria da selección. No balonmán, o Atlético Novás volve eliminar na Copa un equipo de Asobal e no fútbol sala as xogadoras do Castro viaxan con ilusión a Zaragoza

Con Mónica Maneiro afondamos no Porto Design Biennale. Convidamos ademais a David Barro, comisario da participación galega no Bienal.

Está morrendo o amor? Ibuprofeno Teatro responde a pregunta con humor e música e a participación do público en 'Deadpan Karaoke', un espectáculo unipersoal interpretado por Marián Bañobre e dirixido por Patricia Rodríguez.

Sempre hai un oco para ler. Dolores Vilavedra preséntanos a antoloxía de relatos LGBTIQA+ 'Alguén nos lembrará', coordinada por Nee Barros para Xerais.

A RFEV confirma que a ourensá Támara Echegoyen competirá nos Xogos de 2024. No fútbol, dúbidas e críticas no Deportivo logo de caer en Riazor co filial do Celta. E tamén balonmán coas lembranzas do autor do gol da vitoria do Cangas

As valoracións e as voces dos protagonistas da última xornada de fútbol, co empate insuficiente do Celta, o gol gañador de Vadillo na Malata e o triunfo dos rapaces do Celta Fortuna en Riazor, que deixa en shock ao deportivismo

Eva Mejuto vén falarnos de literatura tanto xuvenil como para adultos: 'Tempo de lagartos', poesía de Carlos Negro e ilustracións de Raquel Senra (Galaxia); e 'Furia', de María Reimóndez, premio Jules Verne (Xerais).

A nova edicion do Festival Internacional Galicreques en Compostela promete unha programación familiar e para adultos que mestura bonecos, máscaras e performance para todo tipo de historias. Charlamos deste evento con Rafael Rey Domech, fillo do director Javier Rey e cabeza da compañía Nauta.

Abrése o telón para que Afonso Becerra nos fale de 'Roméo et Juliette', adaptación da obra de William Shakespeare no marco da 71ª Temporada Lírica de Amigos da Ópera da Coruña.

O madridista Joselu volve ser o único futbolista galego na convocatoria de España. Na Malata, o Racing puido co Amorebieta con outro gol de Carlos Vicente e comeza unha nova temporada na LEB Ouro co Basquet Coruña e o COB

toque musical vén da man do noso experto Tito Lesende, co que charlamos de 'Caldo Espírito', o novo disco de Xoel López. Escoitamos tamén a nova canción de Dani Dicostas e avanzamos o concerto de Casa de Calexico en Vigo o 11 de outubro.

Comeza a nova tempada da Orquesta Sinfónica de Galicia e quen mellor para falarnos dela que o seu novo director titular. É Roberto González-Monjas, director e violinista vallisoletano de 35 anos que quere converter os concertos en "experiencias".

O documental “O Camiño de Ramón Chao” preséntase estes días no Ourense Film Festival. Aborda a traxectoria do xornalista e escritor Ramón Chao e o seu intese pola figura histórica de Prisciliano. Charlamos del co seu director, Aser Álvarez.

O alcalde de Vigo asegura que Balaídos mantén todas as opcións de acoller partidos no Mundial de 2030, ao que tamén aspira Riazor. O Racing recibe o Amorebieta na casa, o Obradoiro perde en 68 segundos e Ale de Paz resume a ledicia polo Mundial feminino de fútbol sala

Nestes días celébrase a 18ª edición do Sanfroidance, o festival de música negra e electrónica de Lugo, organizado pola promotora Trasnosou de Álvaro Pardo.

'Iphixenia na porta do súper' é a versión galega dun texto teatral que aborda os recortes sociais a través do monólogo dunha moza de barrio. Conversamos coa actriz Alba Caneda e coa directora Sara Rey. Estrean este 4 de outubro en Tui e o 22 de outubro no Fiot de Carballo.

O noso experto Luís Miguel Crespo fálanos das claves da nova tempada da Real Filharmonía. Chámase 'Migracións' e será a primeira deseñada polo director titular e artístico Baldur Brönnimann.