Sterre en Planete

Sterre en planete 3 Augustus 2014

Wat maak jy as jy satelliete het wat om Mars wentel en jy weet 'n komeet gaan gevaarlik naby die rooi planeet verbyskuur? Dr. Japie van Zyl van die Jet Propulsion Laboratory in Pasadena, Kalifornië, vertel watter maatreëls getref word om die Mars-satelliete teen komeetstofdeeltjies te beskerm. Hy vertel ook teen watter helling Curiosity teen die Sharp-berg moet opry en hoe die gryparm beweeg moet...

Sterre en planete 27 Julie 2014

Op 20 Julie was dit 45 jaar gelede dat die mens sy voet op die maan gesit het. 'n Mens hoef net te dink waar rekenaartegnologie in 1969 gestaan het om te besef watter merkwaardige prestasie die Amerikaners behaal het.

Sterre en planete 20 Julie 2014

Hoekom word die maan soms 'n supermaan genoem? Daar is ook inligting oor waarom die maan of die son groter lyk as hy naby die horison is. Kobus Olckers, ons sonweervoorspeller, gesels oor die son en vertel van 'n interessante verskynsel.

Sterre en planete 13 Julie 2014

Watter soort toerusting het mens nodig om die sonweer te voorspel? Kobus Olckers van Florida in die VSA gesels oor die metodes wat hy gebruik om sonweervoorspellings te doen. Die Lagrangepunt (waar die effek van die aarde en die van die son mekaar uitkanselleer) is ook 'n goeie posisie om son waarnemingsatelliete soos die SDO te plaas. Die span gesels uitgebreid oor die son en sy magneetveld.

Sterre en planete 6 Julie 2014

Wanneer ruimtetuie van die aarde af na planete soos Jupiter en Saturnus gestuur word, is daar 'n asteroïdegordel in die pad. Dr. Japie van Zyl van die Jet Propulsion Laboratory in Kalifornië verduidelik wat hulle doen om botsings met asteroïdes te vermy. Daar word ook gesels oor die dikte van die asteroïdegordel.

Sterre en planete 29 Junie 2014

Magda Streicher van Polokwane het 'n groot teleskoop by haar huis ingerig en daar is vir haar niks lekkerder nie as om die diep ruim te bestudeer.

Sterre en planete 22 Junie 2014

Een van die aanskoulike sterrestelsels wat van die aarde af sigbaar is, is die Andromeda-sterrestelsel wat 2,4 miljoen ligjaar van ons af is. Kan mens sê dat die lig wat 2,4 miljoen jaar gelede van daardie galaksie af vertrek het, teen 'n konstante 300,000 km per sekonde getrek het?

Sterre en planete 15 Junie 2014

Die maan Saturnus het onlangs ge-okkulteer. Dit beteken dat die maan voor die ringplaneet verby beweeg het. Dit is moeilik om die verskynsel af te neem en Willie Koorts verduidelik hoe jy dit kan regkry. Prof. Matie Hoffman praat oor die elktromagnetiese spektrum.

In die 1800's het 'n uitermatige groot sonfakkel redelike chaos op aarde veroorsaak. 'n Kleiner, beperkte een het in die 1980's skade aan infrastruktuur in Quebec, Kanada aangerig. Sonkenner, Kobus Olckers praat oor die gevare wat groot sonfakkels vir die aarde inhou. Vind ook uit oor die samestelling van die ringplaneet, Saturnus.

Sterre en planete 8 Junie 204

In die 1800's het 'n uitermatige groot sonfakkel redelike chaos op aarde veroorsaak. 'n Kleiner, beperkte een het in die 1980's skade aan infrastruktuur in Quebec, Kanada aangerig. Sonkenner, Kobus Olckers praat oor die gevare wat groot sonfakkels vir die aarde inhou. Vind ook uit oor die samestelling van die ringplaneet, Saturnus.

Sterre en Planete 1 Junie 2014

Hennie Maas praat met dr. Japie van Zyl van die Jet Propulsion Laboratory in Pasadena, Kalifornië oor die interessante projekte waarmee Nasa besig is. Een van die projekte is om 'n nuwe hitteskild tegnologie te ontwikkel wat swaarder voorwerpe in planete se atmosfeer kan hanteer. Hy gesels ook oor koördinate op planete soos Mars. Die ander gaste is Prof Matie Hoffman van die Universiteit van die V...

Die kosmos is een van T. T. Cloete se belangrikste temas in sy gedigte. Hennie Maas gesels met hom om uit te vind oor sy belangstelling in die sterre. Willie Koorts verduidelik meer oor die ontdekking van vyf nuwe sterre deur Suid-Afrikaanse sterrekundiges.

Ons almal ken 'n GPS waarmee jy jou posisie op die aarde kan bepaal, maar hoe word die posisie van sterre en planete aangedui? Watter rol speel boogsekondes, deklinasie en regte klimming wanneer jy 'n teleskoop gebruik?

Lizelke Clindt, nagraadse student in sterrekunde, vertel hoe 'n studie van sterrekunde 'n mens se sosiale en veral verhoudingslewe beinvloed. Prof. Matie Hoffman gesels ook oor son- en maansverduisterings.

Hoe vang mens 'n asteroïde? Dr. Japie van Zyl van die Jet Propulsion Laboratory in Pasadena, Kalifornië, vertel van planne wat beraam word om juis dit te doen. Hy verduidelik ook hoe waterspuite gevind is op een van Saturnus se mane, Enceladus, en hoe vasgestel is dat dit suiwer water is.