Sterre en Planete

Sterre en planete 21 Desember 2014

Is dit 'n gegewe dat planete wat nader aan hulle ster wentel, rotsagtig sal wees, teenoor planete wat ver weg van hulle son is? Sal 'n groot planeet altyd gasagtig wees en 'n klein planeet rotsagtig?

Sterre en planete 14 Desember 2014

Die span gesels oor kosmiese strale en hoe gevaarlik dit kan wees vir ruimtetuie en ruimtevaarders. Daar is ook 'n antwoord op die vraag of die son se magneetveld 'n indirekte invloed het op die klimaat van die aarde, en watter rol die son speel in klimaatsverandering.

Sterre en planete 7 Desember 2014

Die span gesels oor water as oppervlakte-bedekking van die aarde, en water as 'n deel van die massa van die aarde. Daar word gekyk na aardskynsel.

Sterre en planete 30 November 2014

Ruimtevaartbeplanners maak dikwels van swaartekragversnelling-metodes gebruik. Dr. Japie van Zyl van Jet Propulsion Laboratory in Pasadena, Kalifornië, verduidelik wat dit behels. Daar is ook inligting oor gravitasielense.

Sterre en planete 23 November 2014

Die span praat oor die Philae-landingstuig wat in 'n “komeet-slaap” modus ingegaan het. Daar is ook bespiegeling of daar sterre tussen die sterrestelsels is. En wat sou gebeur as twee sterrestelsels bots? Daar is aanduidings dat die Andromeda-stelsel stadig besig is om nader aan ons melkweg te beweeg.

Sterre en planete 16 November 2014

Die afgelope week was 'n belangrike tyd vir die Europese Ruimte-agentskap toe die Philae landingsgtuig op die komeet Churyomov-Girasimenko geland het. Prof. Herman Steyn van die Universiteit van Stellenbosch, wat 'n aandeel gehad het in die sukses van die sending omdat hy betrokke was by die ontwikkeling van 'n momentumwiel wat op Philae gebruik is, praat oor die missie. Jy kan ook luister na 'n k...

Sterre en planete 9 November 2014

Wat is 'n sonfakkel? Kobus Olckers praat oor die kragtigheid van sonfakkels en watter skade hulle op die aarde kan berokken. Daar is ook inligting oor die Rosettatuig wat sy komeettuig, Philae, op die komeet Guryomov-Girasimenko gaan laat neerdaal en vasheg.

Sterre en planete 2 November 2014

In teorie is dit moontlik om die sogenaamde warp-spoed te bereik. Dit is so vinnig dat ruimte as't ware skeefgetrek word, maar sê dr. Japie van Zyl, dit is nog net 'n teorie. Hy praat oor snelhede in die ruimte om korter reistye na planete te bewerkstellig. Prof. Matie Hoffman gesels ook oor 'n komeet wat moontlik vroeg vandeesmaand in die suidelike halfrond sigbaar sal wees.

Sterre en planete 26 Oktober 2014

Wat is die spoed van 'n komeet? Wat bepaal die spoed? Waarom is die relatiewe snelhede van planete om sonne verskillend? Wat sê Keppler se wet oor die verskynsel.

Sterre en planete 19 Oktober 2014

Opspraakwekkende inligting oor vulkane op die maan het pas na vore gekom. Daar is ook meer inligting oor die komeet Siding Spring wat Sondagaand baie naby Mars sal verbybeweeg.

Sterre en planete 12 Oktober 2014

Kobus Olckers verduidelik hoe 'n sonvlek ontstaan en waar die sogenaamde fakkels vandaan kom. Daar is ook inligting oor 'n fakkel van 'n ander ster wat duisende keer kragtiger as die van ons son is.

Sterre en planete 5 Oktober 2014

Mars is deesdae 'n planeet wat nogal baie besoekers ontvang. Die Maventuig van Nasa het so 'n rukkie gelede daar aangekom. Dr. Japie van Zyl van die Jet Propulsion Laboratory in Pasadena, Kalifornië, vertel meer oor die werk wat die Maven by die rooi planeet gaan doen. 'n Tuig van die Indiërs het ook intussen sy opwagting by Mars gemaak.

Sterre en planete 28 September 2014