Spektrum

18 Mei 2026: Die Konstitusionele Hof beslis dat die regering nie vir dokters mag voorskryf waar hulle moet gaan werk nie. Die Menseregtekommissie vra voorleggings oor die waterkrisis in Gauteng. Die selfverklaarde polisie-informant, Brown Mogotsi, bly agter tralies nadat hy vandag vlugtig in die hof verskyn.

Parlementslede besoek verskeie polisiestasies op die Kaapse Vlakte, en vind oral leemtes en tekorte. Die voormalige hoof van strategie by die Nasionale Vervolgingsgesag, advokaat Lungisa Dyosi, verskyn voor die WVK-kommissie. Suid-Afrika is nou die voorste sitrusuitvoerder in die wêreld.

Honderde mense in Rawsonville en Worcester in die Wes-Kaap is steeds ontheem weens die oorstromings, terwyl drie sterftes aangemeld is. Die uitkoms van die ANC se spesiale NUK-vergadering oor die Phala Phala-aangeleentheid sal eers môre bekendgemaak word. Transnet stel sy spoornetwerk vir private treinoperateurs oop.

Opruimingswerk begin ná swaar reën en verwoestende oorstromings in die Wes-Kaap. 'n Barmhartige samaritaan in die Baviaanskloof in die Oos-Kaap se hart is oop om gestrande inwoners te hulp te snel. Die staatshoofde van Amerika en China vergader in die hoop om handelsbande te versterk.

Honderde mense in die Wes- en Oos-Kaap van die buitewêreld afgesny weens stormweer. Die werkloosheidskoers styg. Die ANC se NUK gaan dringend vergader oor die toekoms van sy partypresident, Cyril Ramaphosa.

'n Lid van die Valke se Narkotika-eenheid is voor die Madlanga-kommissie oor die omvang van dwelmhandel in Suid-Afrika. Ons bring jou die jongste oor die stormweer en skade in die Wes-Kaap, en Toyota mik na 'n Hilux-wêreldrekord by Nampo.

Reaksie op die Konstitusionele Hof se uitspraak oor die Phala Phala-verslag. Vasgekeerde inwoners in die Gamtoos-vallei gered. Suid-Afrika se Grondwet vandag presies dertig jaar gelede aanvaar.

'n Dringende ontruimingsbevel vir gebiede in die Gamtoosvallei. Wat is die jongste oor die stormweersituasie in die Wes- en Oos-Kaap. Die parlementslid Fadiel Adams verskyn in die hof.

Die diesel-prysskok is effens versag nadat 'n berekeningsfout deur die departement van petroleum en minerale hulpbronne reggestel is. Die parlement gaan ondersoek instel na bendegeweld en georganiseerde misdaad. Reaksie op die regering se Artikel 10-skema, wat boere sal toelaat om hulle kuddes teen bek-en-klouseer in te ent.

Die regering versoek Suid-Afrikaners om ag te slaan op weerwaarskuwings wat deur die Weerdiens uitgereik word. Kritiek teen die besluit om NSFAS onder administrasie te plaas. Die Konstitusionele Hof hoor betoë aan oor die geldigheid van die parlement se openbare deelnameproses oor die Wet op Nasionale Gesondheidsversekering.

'n Skerp styging in die brandstofprys in Mei. ‘n Kenner verduidelik wat die Hantavirus is, wat aan boord 'n passasierskip in die Atlantiese Oseaan uitgebreek het. Ons praat met die polisieduiker wat sosiale media aan die gons het oor sy krokodilvangs.

Werkersdag landwyd gevier. Reaksie op die hofbeslissing dat Kaapstad se tariewe, gegrond op die waarde van eiendom, onwettig en ongeldig is. Alles wat jy moet weet oor die plaaslike regeringsverkiesing op 4 November.

Kommer oor die prys van Brent ru-olie, wat oornag tot meer as $120 dollar 'n vat geklim het. Duurder brandstof het reeds 'n impak op die prys van 'n basiese kosmandjie. Politieke partye eis antwoorde nadat wapens by 'n weermagbasis in Pretoria gesteel is.

Die parlementêre ad hoc-komitee wat bewerings van korrupsie in die polisiediens ondersoek, versoek weer uitstel om sy werk te voltooi. Dis 'n driemanstryd vir die DA se volgende parlementêre leier. Die minister van landbou kry 'n nuwe sperdatum om sy Artikel 10-inentingskema voor te lê.

Die bekende operasanger, Mimi Coertse, sterf. Tugstappe is teen 120 Wes-Kaapse onderwysers in die afgelope boekjaar gedoen vir die beweerde aanranding van leerlinge. Kenners meen die lae opkoms by die regering se Vryheidsdagvieringe in Bloemfontein is 'n duidelike teken dat die ANC steun verloor.

Op Vryheidsdag bepleit 'n ontleder dat opvoeding groter prioriteit geniet. Die Konstitusionele Hof maak riglyne bekend oor belastingontwyking. Nóg ’n brandstof-prysskok lê voor, maar onsekerheid oor die R3-heffing.

Die geskorste hoof van Tshwane-metropolisie, Umashi Dlamini, is terug voor die Madlanga-kommissie vir kruisondervraging. Twee senior amptenare van die Ekhuruleni-metro is in die Boksburg-landroshof vir uitspraak in hulle borgaansoek. Die tweede fase van die Lesotho Hoogland-waterprojek bereik 'n mylpaal.

Nóg 'n politieke party dien strafregtelike klagte in teen die minister van maatskaplike ontwikkeling, Sisi Tolashe. Die Madlanga-kommissie sit sy ondersoek voort met verdere getuienis oor beweerde tenderknoeiery in die Tshwane-metropolisie. Die landroshof in Boksburg hoor die borgaansoeke aan vir twee senior amptenare van die Ekhuruleni-metro, wat teregstaan op aanklagte van bedrog en dwarsboming...

Die voormalige distrikskommissaris van die Polisie in Sedibeng in Gauteng maak sy eerste verskyning voor die Madlanga-kommissie. Die geskorste polisiesersant, Fannie Nkosi, is borgtog geweier. Ons hoor hoe gereed Eskom vir die komende winterseisoen is.

Die nasionale polisiekomissaris, generaal Fannie Masemola, op waarskuwing vrygelaat ná sy eerste hofverskyning. 'n Derde dag van kruisondervraging vir die geskorste finansiële bestuurshoof van die Tshwane-metro, Gareth Mnisi. Die vakbond, COSUTU, is bekommerd oor die toekoms van die drie-party-alliansie nadat ANC-lede wat ook aan die SAKP behoort, tien dae gegee is om kant te kies.

Die polisie reageer op bewerings van Mpumalanga se geskorste polisiekommisaris dat top-polisiestrukture inmeng by ondersoeke in die provinsie. Boeliegedrag in skole neem toe, en word nou as 'n nasionale krisis beskryf. Die Universiteit Stellenbosch is besig om die omvang van skade te bepaal ná drie dae van swaar reën in die Wes-Kaap.

'n Bloedige week op die Kaapse Vlakte, ondanks die teenwoordigheid van die Weermag. 'n Reddingsboei van R200 miljoen vir die Suid-Afrikaanse suikerreus, Tongaat Hulett. Munisipaliteite in KwaZulu-Natal wys 'n beperkte verbetering.

Die EFF-leier, Julius Malema, word gevangenisstraf opgelê. President Cyril Ramaphosa verdedig sy besluit om die oudpolitikus, Roelf Meyer, as ambassadeur in Amerika aan te stel. Vier mense, waaronder 'n tiener, sterf in bendegeweld op die Kaapse Vlakte. Die gewilde televisie-aanbieder en sanger, Johnny Davids, is vanoggend in die ouderdom van 49 jaar oorlede.

EFF-lede is by die Oos-Londense landdroshof byeen vir die vonnisoplegging van hulle leier, Julius Malema. Wye en gemengde reaksie op die aanstelling van die oudpolitikus, Roelf Meyer, as Suid-Afrika se volgende ambassadeur in Amerika. Motoriste hou asem op vir die brandstofprys-aankondiging aan die einde van die maand, terwyl sekere sektore vrees vir afleggings.

Die Johannesburg Metro kry 'n negatiewe vooruitsig vir sy kredietgradering. Die geskorste adjunkhoof van die Ekurhuleni-metropolisie, Julius Mkhwanazi, getuig weer voor die Madlanga-kommissie. Eskom publiseer nuwe wetgewing oor koolstofkrediete om lugbesoedeling te bekamp.