Sara eta Paul: Denok elkarrekin!

Sara, Paul, Mario eta Izar, lokalean hasi dira abesti berria entseatzen. Gustura daude laurak, “Transformerrak”, berriro elkarrekin!

Izarrek castingean egin zioten frogari buruzkoak kontatu dizkio Sarari. Mariok berriz Ferminen zitari buruz hitz egin dio Pauli. Ferminek eta Wendyk elkar ezagutu dute azkenean itsas labarretako bunker zaharrean…

Wendy eta Fermin herriko bunkerrean geratu dira aurrez-aurre elkar ezagutzeko. Mariori ez dio graziarik egin hitzordu horrek. Izarrek, bere burua aurkeztu du filma baterako castingean.

Udaberria heldu da. Paulek amaitu du terapia psikologoarenean. Mario haserretu egin da Ferminek, isilka, Wendyrekin harremanetan aurrera jarraitu duelako. Paul entsegu lokalera joan da, bisitan, Izar eta Sararengana.

Paulen gurasoek serio hitz egin dute aspaldiko partez. Irtenbide bakarra Paul Euskal Herrira itzultzea da, mutikoa bere onera etorri dadin. Ferminek ere harremana izan du Wendyrekin. Paulek opari berezia izan du gabon gauean.

Paul Zaragozako ikastetxetik kanporatu dute. Izarrek nota onak lortu ditu Sarari eskerrak. Mariori foto beroa bidali dio Wendyk. Ferminek, inbidiak jota, Wendyk bera ere agregatu dezan eskatzera behartu du Mario.

Medikuak amarekin hitz egin du, bakarka. Sara eta Izarrek ezin dute ulertu Mario eta Fermin lagun izatea. Mariori, Wendy delako neska batek mezu pribatu bat bidali dio. Laster Gabonak izango dira.

Fermin eta Mario adiskidetu egin dira herri eskolan elkarrekin dabiltzanetik. Ferminek bere Instagramerako, Marioren gisa, jarraitzaile piloa nahi luke. Sarak matematikako ariketekin laguntzen dio Izarri. Pauli, sendatu dela esan dio medikuak, baina…

Sara kezkatuta dago Paulen egoerarekin. Izar eta biak bakardadeari buruzko abesti bat konposatzen hasi dira. Mariok gimnasioan ezagutu duen gizon batekin batera entrenatzen du. Aurrerapen handia egiten ari dira bere muskuluak.

Medikuaren iritziz, Paulek hilabete osoa beharko omen du guztiz sendatzeko. Amarekin eta horren mutil-lagunarekin ez da ongi moldatzen. Aitarekin hitz egin du eta herrira itzuli beharra daukala azaldu dio. Ezin du gehiago!

Sara eta Izar bunker zaharrera joan dira. Ongi pasatzen dute elkarrekin. Paulek beste borroka bat izan du eskolan eta egurtu ostean erietxera eraman behar izan dute anbulantzian.

Paulek Zaragozako herri txiki batera joan behar izan du bizitzera, amak eta bere mutil-lagun berriak jatetxea zabaldu dutelako bertan. Egun osoa bakarrik pasatzen du. Eskolan arazoak ditu ikaskideekin eta bullyingaren ondorioz borroka pare bat izan ditu. Mario bere kasa dabil herriko institutuan hasi denetik eta orain Instagrama eta kulturismoa dira bere helduleku bakarra.“Transformerrak” banandut...

Uztailaren 2tik aurrera, Sara eta Paulen abenturen hirugarren denboraldiari ekingo diogu. Aurreko bi denboraldietan hazten ikusi ditugun Sara, Paul, Izar eta Mario, nerabezaroan murgilduta daude. Kasu honetan ordea ez daude elkarrekin eta taldearen indarra galdu dute zenbait arrazoi tarteko.