Podcast Oñati Irratia

Biltegiaren koordinazioan erreleboa eskatu zuen Urteagak orain urtebete baina ez da ardura hartzeko prest legokeen talde edo partikularrik agertu. Etorkizunera begira, ordutegi eta funtzionamendu berri bat aurreratu digu Jose Antonio Urteagak.

Aimar Uribesalgoren eskutik herri guneko aberastasun naturala ezagutzen jarraitzen dugu. Gaur, eremu urdinean, uretan edo inguruan dagoen flora eta fauna errepasatu dugu.

Herriko gune berdeko animaliak errepasatu ditugu Aimar Uribesalgorekin: hegaztiak, zomorroak, ugaztunak...

Selma Huxley Barkham bekaz osatu den bigarren ikerketa lana liburuan jaso dute Jone Arrazolak eta Miren Arangurenek. Baina haratago joanda bi lan saio ere burutu dituzte amatasunaz eta etxeko langileen egoeraz. Hirugarren saio bat prestatuta zuten zaintza lanen demokratizazioaz baina ez zen egin, nahikoa jende ez zelako bildu. Egindako lanaren balorazio orokorra egin dugu ikerlariekin.

Aimar Uribesalgoren eskutik herriguneko nahiz hurbil dauden guneetako natur aberastasunak ezagutuko ditugu uztaileko ostiraletan. Gaur, parke eta berdeguneetan dauzkagun arbolen zerrenda luzea azaldu digu eta zenbaiten inguruko berezitasun eta bitxikeriak ere bai.

Musukoa aire librean kentzeko aukera daukagu larunbataz geroztik, baina gure aurpegiek ez dute eguzkiaren izpirik hartu aspalditik eta bereziki zaindu behar ditugu. Hainbat aholku eman dizkigu Dorleta Fernandezek, garrantzitsuena, etxetik irteterako eguzki krema emateko. Musukoa jantzita ibili behar izan dugun bitartean, eskuko azkazalak eta begien makillajea bereziki zaindu ditugula ere esan digu...

Edukiera erdira murriztuta, 28 plaza eskainiz, ekainaren 1ean ireki zen berriro Arantzazuko aterpetxea. Kudeaketa talde berri baten ardurapean ireki da, Fran Apezetxeak adierazi digunez. Turismo zerbitzuak eta aterpetxeak kudeatzen urteetako esperientzia duen "Suspertu" enpresak hartu du Arantzazuko aterpetxearen ardura. Enpresa berezia da, laneratzeko zailtasunak dituzten kolektiboak lan munduan...

Ekainaren 4ko emanaldiarekin osatu du Xabi Etxebarriak Ertzetik egitasmoa. Ostiralekoa agurreko saioa izan zen, oraingoz. Hala, hileroko emanaldien zortzigarren proposamena osatu zuen UDAri eskainita.

Simulazio epidemiologikoak burutzeko programa informatikoa diseinatu du Unai Otamendik, Oñati eredu hartuta. Covid-19ari aurre egiteko neurriek izan ditzaketen eragina aurreikusteko tresna baliagarria izan daitekela adierazi digu. Gradu amaierako lan moduan sortu duen programa adituekin kontrastatu eta aberasten ari dela esan digu.

23 laguneko taldea ari da azken urteotan EAEko dantza tradizionalen katalogoa osatzen, tartean Maite Irizar oñatiarra. Zein lan egin duten eta egiteko oraindik zer geratzen zaien azaldu digu. Dantzak ez ezik, doinu baten erritmora "dantzatu" eta erabiltzen diren beste elementuak ere jaso dituzte, izan kastañuelak, izan erraldoiak....

Hamar urte bete berri dira Sustrai Aloña Mendi EBA mailara igo zenetik eta efemeride hori aprobetxatuz, taldeko entrenatzaile eta kapitainarekin berba egin dugu. Baskoniaren aurkako partida ahaztezina, ondoren plazan eta udaletxean egindako jaia, irratiko zuzeneko kontaketa.... gogora ekarri ditugu.

Hiri Antolamendurako Plan Orokorra berritzeko prozesuan murgilduta dago Udala. Aurrerakin dokumentua aurkeztu zen astelehenean, Gaztelekuan egin zen saio irekian. Han esan zirenak eta aurrera begira eman beharreko urratsak laburbildu dizkigu Izaro Elorza alkateak.

Oñati irratia sortu zeneko hamarkadari gainbegirada eman nahi izan diogu, kirol ikuspegitik, orduan udaleko kirol teknikaria zen Gerardo Eskarzarekin harremanetan jarrita. Orduan, eta lehenago, hartu ziren hainbat erabakik egungo Oñatiko kirolean eragina dute oraindik.

Herriko informazioa jaso, landu eta zabaltzeaz gain kazetari eskola ere izan da Oñati irratia hainbat herritarrentzat. Gurean lehen praktikak egin zituzten hainbat lagun kazetari lanetan dihardute oraindik, batzuk irratigintzan, beste batzuk prentsa idatzian. Oñati irratiaz dituzten gogoetak azaldu dizkigute etxe honek 30 urte betetzen dituen maiatzaren 11. honetan.

Zubillagako abere hiltegian izan gara goizean Iraia Sola gerentearekin berbetan. Nola lan egiten duten azaldu digu eta nagusiki inguruko harakin eta baserritarrei zerbitzua ematen dietela argitu digu. Zubillagakoa 0 Km filosofian guztiz txertatu daitekeen abere hiltegia dela esan genezake: hurbil eta hurbilekoentzat.

www.fpdebagoienalh.eus web atari berria sortu du GOIAZ foroak, hau da, Debagoieneko Mankomunitateak eta eskualdeko Lanbide heziketa zentroek. Bertan Debagoienean eta Lanbide Heziketa arloan orain arte sakabanatuta zegoen informazioa batu dute. 2021ean ez da GOIAZ azoka presentzialik egingo baina bertan eskuratu zitekeen informazioa web atarian bildu dute.

Ibilbide berri bati ekin dio Betik enpresak; zotzen ekoizpen planta itxi du eta beste batzuek ekoiztutakoa merkaturatzen ari dira, nagusiki, erabilera bakarreko ontziak. Produktu jasangarrien katalogo zabala dutela adierazi digu Azibar Oruetak eta eskaintza "pertsonalizatzeko" ahaleginean ari direla.

Oñatiko ondare etnografikoaren bilduma osatzen hasteko egitasmoa da ERREUSAK. Garai bateko objetuak identifikatu, katalogatu eta gizarteratzeaz gain, galtzear dagoen bizimoduaren testigantzak jaso nahi dituen egitasmoa. Gure bazterrak taldeak antolatu du eta urte akabera bitartean, faseka, osatuko da.

Cantabriako El Duesoko espetxera aldatu zuten Gotzon Telleria oñatiarra Gabonen aurtxoan. Orduan jakinarazi zen ELA gaitza zuela. Nola dagoen azaldu digute Telleria lehengusu-lehengusinek.

Irati Elortondok "script" lanak egingo ditu hilabete barru Gasteizen filmatuko duten "Horma" laburmetraian. "Sript" baten lana azaldu ez ezik, film laburraren inguruko hainbat xehetasun eman dizkigu. Lan berri baterako gidoiaren lehen zirriborroa idatzita daukala ere aurreratu digu.

Espetxea gaitzat hartuta etorri da Xabier Etxebarria 7. Ertzetik saioa osatzera. Ostiralean zuzenean entzuterik izan ez bazenuen, honatx grabazioa. Disfrutatu!

Herritar batzuen ekimenez udalak kudeatu duen prozesua izan da. "Goribargoiti" abadeak idatzi zituen bi eskuizkribuak gordetzen dituen Jose Ramon Arrazolarekin harremanetan jarri eta liburuak digitalizatzeko baimena lortu zen eta Gipuzkoako Artxibo Historikoan digitalizatu dira. Egindako elkarlanaren emaitza ere artxiboan aurkeztu zen atzo.

Venezuelan, 2008an jaio zen egun Oñatin ikasten ari den gaztetxoa. Asier Guridiren semea, aitak beste identitate bat zuela jaio zen. 2013an atxilotu ondoren, ordea, Asierrek bere nortasuna berreskuratu zuen baina ezin izan du hori egiaztatzen duen agiri ofizialik eskuratu ezta semearen jaiotza erregistroa zuzendu ere. Egun, Iban, Oñatin bizi den venezuelar jatorriko etorkin "irregularra" da.

Wikipedian herri txikien eta auzoen presentzia handitzea da Wikikunde egitasmoaren helburua. Sustatzaileak hasi dira lanean eta Hego Euskal Herriko herrialde bakoitzean bina herri identifikatu dituzte egitasmoa osatzen hasteko. Oñati da horietako bat eta aldi berean, auzune ezberdinak dituen Araotzetik abiatu dira. Aintzane Muguruzak eta Araotzen gidari izan zuten Joxeanjel Urkiak eman digute egit...

14 hilabete dela ekin zitzaion Aloña Mendiko zuzendaritza berritzeko hauteskunde prozesuari. Hautagairik ez eta ordura arteko taldeak funtziotan jarraitu du lanean baina... noiz arte? Anton Inza presidentearekin berba egin dugu.