Podcast Oñati Irratia

Lau dira Oñatin hilabetea pasa duten gaztetxo ukraniarrak. Horietako bi Judith Olalderen etxean daude eta gaur irratian izan ditugu. 2019ko udaz geroztik etorri gabe zeuden eta oso pozik pasa dituzte azken lau asteak Oñatin.

Ihintza Palacin Mariskalek osatu duen lana da "Euskara, hezkuntza eta hedabideak" izeneko hori. Florentziako European University Instituten osatu du doktoregoa eta han aurkeztuko du tesia, otsailean. Baina Lege Soziologia Institutuko master ikasle izan zelarik Oñati Community sareko kide ere bada eta honen baitan tesiaren aurkezpen hitzaldia egingo du gaur arratsaldean . Aurretik, gurekin berba eg...

Hainbat gai jorratu ditugu gaur izaro Elorza alkatearekin: osasun egoera, eskatu diren bitartekoak, hartu diren neurriak eta horietako zenbaitek sortu dituzten tirabirak, udal aurrekontueak Udanarako bidearen konponketak...

Arrasateko errugbi emakumezkoen taldean dabiltzan oñatiarrekin hitz egin dugu, errugbia hobeto ezagutzeko. Proiektu honetan nola sartu ziren azaldu digute Onekak, Leirek eta Anotzek.

Izenburu hori du etxebizitzen problematikaz osatu den dokumentalak. Alokairuaren arazoa jasotzen du nagusiki, alokairuan bizi direnei eta etxea alokatzen dutenei hitza emanez. Etxebizitzaren arazoa sakona da gurean eta dokumentala sentsibiliazazio fasean kokatu behar da. Ondoren, tailerrak egin asmo dira bai etxea behar dutenekin zein etxe jabeekin ere.

Aloña Mendiko atletismo saileko lagunekin hitz egin dugu gaurko Kirolen txokoan. Urte berrirako helburuez galdetu diegu Eric, Malen eta Martini. Entzun zer kontatu diguten...

Garbiñe Larreak osatu duen liburua da "Sendabelarrek dakitena -ezagutu, bildu eta erabili-". Oñatiko udalak diruz lagundutako lana ezagutu nahi izan dugu egilearekin berarekin berba eginda.

Asfalto gainean pilotu gisa denboraldi osoa burutu du Maider Usandizagak. Urtean bizitakoak errepasatzen saiatu gara Kirolwen Txokoan.

Abenduaren 16an onartu ziren 2022ko udal aurrekontuak. Batzorde-buruek atalez ataleko azalpena eman zuten eta horixe berreskuratu dugu, datorren urtean udalak dirua zertara bideratuko duen argitzeko.

Senior mailako binakako Gipuzkoako pilota txapelketa irabazi dute Madalen Etxegaraik eta Uxue Osesek. Kirolen txokoan izan ditugu gonbidatu.

Hurbileko GKE eta elkartasun taldeei luzatu zitzaien Taupada Elkartasun azokan parte hartzeko gonbidapena eta hala Ndank Ndank Bergarako taldea, Gurutze Gorria edota Hotz Oñatiko ordezkariekin berba egiteko aukera izan genuen plazan, larunbatean.

GI-2630 errepidean, Goribar auzoan egin asmo den biribilgune proiektuak kaltetuetako bat da Esteban Arregi. Orain arte ez du publikoki berba egin baina bere iritzia kaleratu nahi izan du.

Saskibaloi epaile ez ezik, Euskadiko federazioko epaileen koordinatzailea da Alain Anton oñatiarra. Kargurako proposamena zelan iritsi zitzaion, duen funtzioa eta abar azaldu digu gaurko Kirolen Txokoan.

Artixa elkarteak osatu duen azken liburuaren izenburua da, eta horren haritik, Kultur etxean ireki den argazki erakusketarena ere bai. Lana osatzen Josefe Diaz de Tuesta eta Joxe Fernandez aritu dira nagusiki eta biekin berba egin genuen liburuaren aurkezpen eta erakusketaren irekiera ekitaldiaren ondoren.

Jose Ramon Arrazolak osatu du Arantzazuko bentaren historia biltzen duen liburua. Kontzejuak sortua Maiztegitarren jabetzara nola iritsi zen jaso du, besteak beste. 500 urte luzeko historia du Arantzazuko bentak

Josu Chuecak egingo du hitzaldia Santa Ana aretoan, bihar, 19:00tan. CEAR, Elkarzabal, Caritas eta Hotz Oñatik antolatu duten hitzaldiaren aurrerapena egin digu hizlariak berak.

Elkar Hezi ikastetxea, Oñati institutua eta Txantxiku ikastolako kazetari gazteekin elkarlanean egin dugu gaurko irratsaio berezia.

Gaur ere herritarren galderei erantzun die Izaro Elorzak: Urbieta baserritik hurbilDiputazioak aurreikusten duen errotondaz, San Juan kale inguruan dagoen aparkaleku eskasia arazoaz, Oñatitik Donostiara joateko autobus gabeziaz, pintadez eta kiroldegiko bazkide txartelen garestitzearen zergatiaz aritu da, besteak beste.

Castelloko nazioarteko igeriketa txapelketan lehiatuko dira asteburuan Ane Madina eta Kepa Aldekoa, Aloña mendiko igerilariak. Oñati irratian izan ditugu eta nola dauden eta astebururako ez ezik, denboraldirako zein asmo dituzten azaldu digute, besteak beste.

EHAZE Antzerkizaleen Elkartearen ekimena da antzerki ikusle klubak sortzea eta gurean Debagoieneko Antzerki Plataformak hartu du erronka bere gain. Halako taldeak abian jartzeko bi proposamen zabaldu dituzte, abenduaren 3 eta 4an Oñatin eta Bergaran izango diren antzerki emanaldien haritik. Egitasmoa zertan den azaldu digu Josu Zubiak

Pasa den ostegunean Donostian aurkeztu eta gero igandean Gaztetxean presentatuko du Itziar Ugartek "Gu gabe ere" bere lehen poesia liburua. Liburuaren eta aurkezpen horren inguruan aritu gara berarekin.

GI-2630 errepidean, Goribar auzoan, biribilgune bat egiteko proiektua dauka Foru Aldundiak. Urbieta baserritik oso hurbil kokatzen da proiektatutako errotonda eta eragingo dizkien segurtasun, zarata eta kutsadura arazoak aurreikusita biribilgunea bertan egin ez dadin sinadura bilketa bati ekin diotela adierazi dgute Andoni Elkoroiribek eta Agurtzane Etxebarriarteunek.

Ohitura osasuntsuen orientazio zerbitzuan ari da Peio Uriarte, monitore lanetan. Zerbitzuak hainbat berrikuntza izan ditu, eta izango ditu datozen aste-hilabeteetan, eta guztiaz aritu gara Uriarterekin.

Horixe galdetu diogu Arantzazu Sagarzazuri gaur goizean. Herriko 78 interesgunetan jasotako objektuen fitxak digitalizatu eta datu base batean bildu dituztela esan digu. Horren argitalpena egin nahiko lukete datorren urtean.

Aitor Biain Barrena, Fagor Industrial Aloña senior mailako gizonezkoen taldeko entrenatzailearekin berba egin dugu. Asteburuan garaipen berria lortu dute eta lidertza sendotzeko aukera eman die horrek. Helburua, hortxe mantendu eta igoera lortzeko borrokan sartzea dela esan digu.