Podcast Oñati Irratia

Apirilaren 1ean Debagoiena zeharkatuko duen Korrikarako girotzeko herri-batzordea eratu zen atzo. Bilerara proposamen berezia ekarri zuen AEK-Debagoienak, Oñatik bere Korrika antolatu dezala eta Elorregin bat egin dezala Bergaratik etorriko den Korrika 22arekin. AEK-Debagoienako ordezkariekin berba egin dugu

Pasa den astean Natur eskolako ateak eta Kultur etxean kokatu den argazki erakusketa irekiz hasi dira 2022ko Ingurumen jardunaldiak. Baina hitzaldiak, dokumental emanaldiak, irteerak, zuhaitz feria eta arbola landaketak etortzeke daude. Guztiaz aritu gara Aimar Uribesalgorekin

Kopa txapelketako liderra hartuko du Aloña Mendiko emakumezkoen futbol taldeak asteburuan Azkoagainen. Usurbil taldea orain arteko partida guztiak irabazita iritsiko da Oñatira. Etxeko taldea nola dagoean azaldu digu Maddi Altzelai jokalariak.

Itsaso Polek 2021eko Aste Santuan Oñatin filmatu zuen lana amaituta dago. "Aita" 18 minutuko laburmetraia da. Orain, lehiaketetarako bidea urratzen ari da zuzendari oñatiarra. Itsaso Polek berak eman dizkigu argibide guztiak

Ingurumen jardunaldien baitan horixe eskaintzen dute Natur Eskolako hezitzaileek, berritu den eraikinera bisita gidatua egitea. Ekintzan parte hartu genuen atzo eta Idoia Bollarren azalpenez osatu dugu bisita horren "kronika"

Hiru dira afizionatu mailan herrian dauzkagun txirrindulariak: Unai Cueva, Danel Casais eta Aimar Erostarbe. Hirurekin berba egin dugu hasi berri den denboraldiaz.

Iñaki Etxebeste da baso jabe kooperatiba izan nahi duen horren proiektua sustatzen ari denetako bat eta berak azaldu dizkigu orain arte emandako urratsak eta kooperatiba honen helburuak, besteak beste. Bihar aurkeztuko da Kultur etxean aipatu kooperatiba proiektua baina aurrerapena Oñati irratian izan dugu.

Gai hori jorratuz artikulua argitaratu du Asier Erostarbe Tomek aldizkari zientifiko batean. Izan ere, hezur industria Magdaleniense garaian ikertzen ari baita doktorego tesirako. Halako lanak nola egiten diren eta aipatu argitalpenak zein garrantzia duen azaldu digu, besteak beste, Asier Erostarbe berak.

Asteburuko emaitza garrantzitsuenen errepasoa egin dugu kirolen txokoan. Besteak beste, Mikel Ruiz, Ainara Uribarri eta eskubaloiko senior mutilen taldeko Beñat Biain elkarrizketatu ditugu.

Musika nagusi izango da otsailean ere Gaztetxean, hala programatu dute behintzat, ikusi egin beharko da egungo osasun egoerak ahalbidetzen duen. Egitarauaren errepaso zehatza egin digute Kepak eta Mikelek. Bide batez, Antixena gaztetxearen 10. urteurreneko ospakizunak prestatzen hasiak direla ere esan digute.

Josune Odriozolak eman digu Bergaran eta Andoainen asteburuan izango diren igeriketa proba ezberdinen berri.

Altsasu antzezlana igandean Santa Ana aretoan ikusi ahal izango dugu. Baina... zer ekarpen berri egiten du antzazlanak, aurrez, hedabideetan jarraipen oso zabala izan duten istilu, atxiloketa, epaiketa eta kartzela zigorrak ekarri zituen Altsasu kasuari? Are gehiago, dokumentala edota telesaila ere egin direnean? Guzti horretaz, sortze prozesuaz, eszenografiaz eta artista taldeaz aritu gara Ane Pi...

Udana itxita dagoela eta autobus zerbitzuan izan diren aldaketa eta kexen inguruan berba egin dugu Izaro Elorzarekin, baita Korrikaz eta 2023ko Frantziako tourraz ere. Mankomunitateko langileek hondakinak batzerakoan inguruak, batzuetan, zikin uzten dituztenaz, paretetako pintadez eta Zubikoako pilotalekuan heldulekuak jartzeaz herritarrek egindako galderak ere erantzun ditu.

Horretan dihardute POZ zerbitzuaren baitan Pello Uriartek eta Amaia Diaz de Monasteriogurenek, herriko ikastetxeetan dauden neska mutilekin tailer ezberdinak egiten. Zertan ari diren eta ikasleak nola hartu dituzten azaldu digute gaurko Kirolen Txokoan.

Iñigo Arregik aurreratu digu bihar banatzen hasiko diren Kontzejupetik aldizkarian irakurri ahal izango ditugun hainbat kontu: Ingurumen jardunaldiak eta Joseba Yarza Ertamerikan barrena egiten ari den boluntariotza-bidaia berezia.

Udal gobernu taldearentzat proiektu estrategikoa da etorkizuneko musika eskola, baina nolakoa izan behar du? Zein proiektu pedagogikori erantzun behar dio edota nolako gobernantza eredua izan behar du? Guzti horretaz eztabaidatzeko lanketa saio irekiak egin dira. Horien balorazioaz eta eman beharreko hurrengo urratsez galdetu diogu Iñaki Olalderi, kultura batzorde-buruari.

Garaipena lortu du asteburuan Aloña Mendiko saskibaloi talde nagusiak. Sailkapenean bigarren postuan kokatu dira. Datorren asteburuan liderraren bisita jasoko dute Zubikoan. Jon Beitia saskibaloi taldeko jokalariarekin berba egin dugu.

Santa Ageda koplak kantatzera irtengo da Aloña abesbatza ostiral goizean; 11:00tan San Martin egoitzatik abiatuko dute erronda. Gaur, entsaiatzen harrapatu ditugu Pake Leku elkartean eta ilusio handiz ari direla azaldu digute abeslariek eta Ainhoa Galdos zuzendariak.

Covid ziurtagiriari ez! lemapean elkarretaratzea deitu du biharko "Eskubideen alde-Oñati" taldeak. Deialdi horrek eratu berri den taldea ezagutzeko aukera eman digu. Edurne eta Asier izan ditugu irratian.

DAP, Debagoienako Antzerki Plataforma indartu egin da azken urtean eta zehaztu dituen bost lan ildo nagusiak aurkeztuz, prentsaurrekoa egin du astean. Bide batez, datozen hilabeteetarako asmoak ere jakinarazi ditu.

Eskaladari buruz aritu gara gaurko Kirolen Tzokoan, eskalada eskolako monitore diren Ane Erostarbe eta Iñigo Agirrerekin. Zubikoako instalazioak berritu zirenetik kirol berezi honen egoera zein den ezagutu nahi izan dugu.

Gizonen senior mailako areto futbol taldeak garaipen garrantzitsua lortu du asteburuan Zalbidiko taldearen aurka (4-3) Garaipen honi esker bigarren kokatu dira salkapenean. Mikel Urkia elkarrizketatu dugu eguerdiko Kirolen txokoan.

Turismo bulegoa eta Arrikrutzeko koba kudeatzen dituen Oinatur enpresako kide da Edurne Urteaga eta FITUR azokan egon da, Oñatiko turismo aukera eta baliabideak aurkeztu eta eskaintzen. Turismoaren sektoreak bereziki sufritu du pandemian. Sufritzen jarraitzen du pandemia baina agenteak itxaropentsu daudela adierazi digu Urteagak.

Madrilgo Euskal Etxearen gonbidapenez joan dira Oñati eta Legazpiko hainbat txistulari Madrilera; bihar kontzertua eskainiko dute San Inazio elizan (19:00) eta igandean, Euskal Etxeak Iñaki Gabilondo kazetariari egingo dion omenaldian parte hartuko dute. Ez da ohikoa halako irteerak herriko txistularientzat eta gogoz eta iluzioz beteko dutela esan digu Aitor Madinak, Aita Madina txistulari taldeko...

Auritz Larrea Aloña Mendiko futbol jokalaria elkarrizketatu dugu Kirolen txokoan. Peronea hautsi berritan, lesioaz hitz egin dugu. Eta saioan zehar, Martxel Aiastui eta Endika Ruiz ere entzun ditugu. Lehen itzuliaren balorazioa egin digute hirurek.