Podcast Oñati Irratia

"Erlojupekoa" film laburra osatu du Leire Egaña oñatiarrak "Geuretik sortuak" egitasmoaren baitan. Gaur arratsaldean ikusgai izango dugu Kultur etxean, "Bost teilatu" izenpean bildu diren beste laurekin batera. Egaña arduratuko da gainera, gaurko emanaldia aurkezteaz.

Areto futboleko talde nagusiak larunbatean hasiko du igoerako play off-a Zubikoan. Markel, Iñaki eta Koldo taldekideekin osatu dugu gaurko Kirolen Txokoa.

Galzorian dauden tokian tokiko abestiak berreskuratu eta berrinterpretatzea xede duen telebista saio berria grabatzen ari dira ETB1erako. Datorren asteartean Oñatira etorriko direla eta parte hartzeko gonbidapena egin digu Lide Hernando aurkezleak.

Asteburuko protagonistekin berba egiteko aukera izan dugu Kirolen Txokoan. Estatu mailako domina bana lortu dute Mikel Ugartek, triatloian, eta Ainara Uribarrik, mendi lasterketan.

Pake lekuko tabernaren arduradun berria da Yulla Krekoten gazte ukrainarra. Gerratik ihesi etorri zen ama eta anaiarekin Oñatira, 6 urte zituenetik harrera egin dion familiaren etxera. Ostalaritza ikasi zuen Gamarrako eskolan eta Pake lekuko tabernaren ardura hartzera animatu da.

Bihar amaituko du denboraldia saskibaloi talde nagusiak. Jaitsiera saihestea ez da erraza izango baina aukera txiki bat badagoela esan digu Aitor Barreiro jokalariak.

Auzo jaixei lehentasuna emango diete Gaztetxeko ordezkariek ekintzak antolatzerakoan. Badira, ordea, auzo jairik gabeko asteburuak maiatzean eta horietarako kontzertuak programatu dituzte. Gainera, zizelkatze tailerra ere egin ahal izango da Antixena gaztetxean. Entzun Onekak azaldu diguna:

Asier Guridiren egoeraz, Oñatira etorri diren ukainarrez, Partaidetzazko aurrekontuez, Lezesarrirako oinezkoen ibilbideaz edota bide publikoen mantenuaz aritu gara gaur, besteak beste, Izaro Elorza alkatearekin.

Udal berriak nagusi dira bihar banatzen hasiko diren Kontzejupetik aldizkarian eta Partaidetzazko aurrekontuak gaiak betetzen ditu lehen orrialdeak. 2022ko aurrekontuen berrantolaketa, bono kanpaina edota udal dirulaguntza ezberdinak ere jaso dira, besteak beste. Kiroletan, atletismoa eta herriko futbol txapelketari eskainitakoak ere aipatu dizkigu Iñigo Arregik.

Jarduera fisikoa, elikadura eta ongizate emozionala oinarri dituen "Nerabeak astintzen" proiektua ezagutu dugu gaur Kirolen Txokoan. Egitasmoko arduradunak eta zenbait ikaslek azaldu digute ikasturtean egin dutena.

Lauzpabost urte daramatza Tomas Igartuak Oñatiko erroten inguruko dokumentazioa bildu eta ikertzen. Ondo ezagutzen ditu herrian dauden, eta egon ziren, errotak. XVIII. mendea izan zen erroten "urrezko aroa". Geroztik, industrializazioaren eraginez, garrantzia galtzen joan ziren.

Aloñako igoeraren kronika zabala osatu du Aratz Losadak, irabazleen, antolatzaileen eta Oñatiko lehen sailkatuaren adierazpenak jasota, besteak beste.

Jai batzordeko kide den Miren Tatiegirekin berba egin dugu eta auzo jaixak berriro ospatzeko gogo handiz daudela adierazi digu. Gaur, bihar eta etziko egitarauan zein nobedade eta ohiko ekintza txertatu dituzten ere aurreratu digu.

Aitor Biainek aurkeztu digu VIVA LA OPERA izenburupean domekarako prestatu duten kontzertuaren egitaraua. Entzungai izango diren hainbat lanen azalpen zehatza egin digu, doinuak entzutearekin batera.

Aretxabaletan ospatuko da bailarako dantzari eguna eta bertan Oñatz eta eskualdeko beste lau talde elkartuko dira. Eguneko egitarauaz, antolakuntzaz eta bi urteko etenaren ondoren berriro elkartzeak sortzen duen ilusioaz berba egin dugu Oñatzeko bi kiderekin, Paula Ugarte eta Martin Irigoienekin.

Bi gai nagusi horiek jorratu ditugu gaurko Kirolen Txokoan. Larunbatean jokatu ziren Herriko Futbol Txapelketako kopa eta "txanpions" finalak. Protagonisten hitzez osatu dugu final horien kronika. Bestalde, astelehenean aurkezu zen domekan jokatuko den Aloñako igoera berria. Antolatzaileen hitzak ere bildu ditugu.

Ainhoa Murua Poloniako Katowice hirian dago Ukrainatik ihesi, Euskal Herrira datozen Chernobilgo haur, gazte eta familiei laguntzen. Bere egunerokoa zertan den azaldu digu oñatiarrak.

Lineako mendi lasterketen Espainiako junior mailako txapelketa irabazi zuen atzo Malen Osak. Igandean, Aloñako igoeran izango dela baieztatu digu eguerdian egin diogun elkarrizketan. Iaz irabazitako txapela mantentzen saiatuko da.

Eta Jose Antonio Azpiazuk berak eman dizkigu bete azken lanaren inguruko xehetasunak. Jokozaleak ez ezik, karta jokozaleak ere bagara euskaldunak, baina ez jokoa jokatzeagatik baizik eta dirua irabazteko bide gisa. Horrek, besteak beste, karta jokoak debekatzea ere ekarri omen zuen nahiz eta debekuen gainetik, etxeetan diru asko jokatzen jarraitu zen.

II. futbol kanpusa antolatu da Oñatin datozen opor egunetarako. Antolatzaileetako bat da Haritz Azurmendi eta kanpusaren inguruko xehetasunak azaldu dizkigu.

Ejea de los Caballerosen lehiatuko dira Hots abesbatzako kideak. Orain 5-6 urte sortu zen taldearentzako lehenengo lehiaketa izango da. Nola prestatu duten azaldu digu Aitor Biain zuzendariak.

Bigarren postua lortu du Mikel Ugartek distaintzia erdiko Vianako duatloian. ANB taldeko oñatiarra elkarrizketatzeko aukera izan dugu eguerdiko Kirolen Txokoan

21 urte daramatza Ainhoak ONCEko kupoi eta boletoak saltzen, horietatik azken 8ak Oñatin. Egun, Oñatin diharduen saltzaile bakarra da.

Bi kontzertu emango dituzte Cambrilsen Jose de Azpiazu musika eskolakoek asteburuan eta biharko eguna Port Aventuran pasako dute. Goizean goiz abiatu direnez atzo hitz egin genuen eskolako bi irakaslekin.

Gai asko jorratu ditugu gaur ere Izaro Elorza alkatearekin: tabernen terrazen arautzea, Gaztelekuko zerbitzua hobetzeko egin den parte-hartze prozesua eta jolas parke eta guneen diagnostikoa osatzeko gaur bertan abiatuko den parte-hartze prozesu berria, baserritarrei zuzendutako dirulaguntzak, Koixkarreko bidearen konponketa edota EPELE berriro irekitzeko Mankomunitateak hartu duen erabakia, beste...