Podcast Oñati Irratia

Valentzian, Serradeles de Barxetako traila irabazi eta probako errekor berria ezarri du asteburuan Ainara Uribarrik. Protagonista elkarrizketatzeko aukera izan dugu Kirolen Txokoan.

Danbaka lehiaketan Publikoaren Saria jaso ondoren, epe ertain-laburrera dituen asmoen berri azaldu digu musikari gazteak. Luze eta zabal aritu gara.

Entzumen eta ikusmen arazoak dituztenei ez ezik, euskara ulertzen ez dutenei edo antzezlanean "bisitatuko" diren herrialdeetako hizkuntza entzun nahi dutenei zuzendutako sistema da lagundutako entzuketarena. Glu-Gluk bere web atarian eskuragarri duen aplikazioa jaitsi eta mugikorra hartuta, wifi bidez konektatuko gara, antzezlana jarraitu ahal izateko. Sistemaren berri eman ditu Toño Pintok, konpa...

Gipuzkoako hainbat emakume etxe bisitatu ondoren, ikusitakoaz informazioa partekatzeko saioa egingo da larunbat goizean Eltzian, 11:00etatik 13:30etara. Informazio saioa zertan izango den eta nola antolatzen ari diren azaldu digu Jone Arriolabengoak, Berdintasuna udal teknikariak.

Aloñako mendi saileko lagunen bisita izan dugu gaur Oñati Irratian. Igandean estreinatu zuten hileroko irteeren egutegiaz eta 2023rako dituzten asmoez aritu zaizkigu.

Aldarrikapen eta ospakizun giroan joan zen atzoko pentsionisten elkarretaratzea plazan. 5 urte daramatzate astelehenero elkartzen. Tarte honetan hainbat lorpen izan dira baina beste eskakizun batzuk berre horretan jarraitzen dute. Lorpenei eta lortzear daudenei buruz berba egin dugu Jose Antonio Amundarainekin eta Joxefe Diaz de Tuestarekin.

Bi hitzaldi eta beste horrenbeste kontzertu antolatu dira Antixena gaztetxean urtarrilerako, bertako ordezkariak azaldu digunez.

Saskibaloi saileko bigarren taldeko Joakim Egaña izan da eguerdiko kirol tarteko gonbidatua. Lidertzatik puntu bakarrera amaitu du lehen itzulia Mekalki Aloña Mendik. Emaitza hauek ikusirik, igoera helburu dutela onartu digu Egañak.

Oñatin kokatu du idazle donostiarrak bere liburu berria eta Oñatin, Santa Ana aretoan, aurkeztuko du gaur, 19:00etan. Halakoak nola egiten diren, eta liburuaren taxutze prozesua nola izan den azaldu digu Ibon Martinek berak.

Herritarrek helarazitako galdera ugari izan ditugu urteko lehenengo ALKATEREKIN BERBETAN saioan: Errege kabalkada, ONARO, San Lorentzoko errepidearen asfaltatzea, Olaitturri, San Martinerako sarrera...

Soronea Ammma trail talde berriaren aurkezpena baliatuz, herrira bizitzera etorri diren Iban Agirrezabala eta Uxoa Irigoien ezagutzeko aukera izan dugu. Taldeko kide izango diren beste bi oñatiarren adierazpenak ere jaso ditugu saioan zehar

Hori da ongizatea, elikadura eta natura uztartuz osatzen ari den tailer zikloaren laugarren hitzorduan jorratuko den gaia. Hala argitu digute Amaia Diaz de Monasterioguren eta Amaia Aierbe nutrizionistek. Larunbat goizean izango da, Natur eskolan.

Itziar Aranburu eta Xabier Etxebarria oñatiarrak Brasilen ari dira, Mundukiderekin, hainbat proiektutan parte hartzen. Zein lan egiten duten eta nola moldatzen diren azaldu digute, Gabonetako oporrak tarteko, herrira itzuli diren honetan.

Olabarrietan bizi da Hide iazko otsailetik. Euskaltegira eta Txinparta bertso eskolara joaten da, euskara hobetzeko helburuz. Japoniar euskaldun hau ezagutu eta elkarrizketatzeko aukera izan dugu Oñati Irratian.

Ormaiztegin atzo jokatu zen ziklo-kros proban SUB 23 mailako Gipuzkoako txapela lortu zuen Aimar Erostarbek. Baque taldeko txirrindulari oñatiarrarekin berba egin dugu.

Euskal doinuak eta euskal konposagileen lanak entzungai izango dira musika bandak bihar emango duen kontzertuan, Aitor Biain Bidartek azaldu digunez.

Aimar Madina afizionatu mailan lehiatzen hasiko da aurten, Caja Rural taldearekin. Maila berean daude beste hiru oñatiar ere: Unai Cueva, Danel Casais eta Aimar Erostarbe. Afizionatu mailako herriko lau txirrindulariekin berba egin dugu, denboraldi berrirako dituzten asmoez.

Mikel Aranburuk atzerrian dauden hainbat oñatiarrekin berba egin du Eguberriko saio berezian. Txinan, Norbegian, Italian eta Madrilen dauden hainbat herritarrekin bat egin du eta Euskadi Irratian lanean diharduen Irati Barrena Bolinaga estudioetara etorri zaigu.

Dispertsioa amaitzear dagoela uste du SAREk baina euskal presoekiko salbuespenezko neurriak ez dira desagertu eta elkarbizitzaren alde eragiten jarraitu behar da. Eskaera horiekin mahai-ingurua eta manifestazioa antolatu dira Bilbon larunbaterako, Joxe Mari Zugasti "Txiki"k azaldu digunez.

Gabonetako futbito eta saskibaloi txapelketetako eta San Silbestre lasterketako emaitzak eta protagonisten hitzak jaso ditugu urteko lehenengo kirol saioan.

Herrigintzan eta boluntariotzan egindako lana aitortzea du helburu Pake Leku Sariak. Lehen aldian Jose Antonio Urteagari eman diote, 50 urte luzetan egindako lana gogoan.

Udaleko Kirol departamentuak antolatutako solasaldian kirol boluntariotza gaia eztabaidatu da. Baieztapena edo galdera? Hori galdetu die Aratz Losada moderatzaileak lau gonbidatuei: Ainara Diaz de Gereñu ( Torreauzo-Abixaran), Aitor Biain (Aloña Mendiko eskubaloi saila), Ainhoa Zumalde (Aloña mendiko tenis saila) eta Iñaki Mugarza (Aloña Mendiko txirrindularitza saila)

Urteko azken kirol tarte nagusian protagonisten hitzak, emaitzak eta agenda deialdiak bildu ditugu. Bilboko Athletic-en kontra jokatu zuen Andoni Ugarte futbolariarekin ere berba egin dugu, kopako kanporaketaren biharamunean.

Udaleko Haur eta Gazteria departamentuak haur eta nerabeen inklusiorako zerbitzua martxan jarri berri du. Zein helburu dituzten, nola garatzen hasi diren eta elkarlana nola bideratuko duten azaldu digu Ion Lopezek, udaleko Haur eta Gazteria teknikariak.

Urteak daramatza Mikel Aranburuk Eguberriko irratsaio berezia egiten; hainbeste urte, zenbat diren ere ez dakiela. Hori bai, gogoan du hasi zenetik behin bakarrik egin duela kale. Baina badu zerbait berezia Eguberritan herritik kanpora dauden oñatiarrekin berba egin eta jaioterriarekin harremanetan jartzeak,, eta ahalegin horretan arituko da abenduaren 25eko goizean ere.