Podcast Oñati Irratia

Larunbatean aurkeztu zen Burrunda Faktoria Antixena gaztetxean eta taldeko bi kide irratian izan ditugu gaur. Herriko musika eskaintzan eragiteko asmoz hasi zen taldea dela adierazi digute, baina kultura munduan, orokorrean, eragiteko asmoz dihardutela adierazi digute. Kultur programazio finko bat osatu eta mantentzeko bokazioz hasi direla zehaztu digute Julenek eta Enekok.

13 talde arituko dira Herriko Futbol Txapelketan aurten. Horrek, hiruna partida asteburuko programatzea ekarriko du eta txapelketa bera luzatzea. Ordutegi kaxkarragoetan aritu beharko dute. Hala ere, txapelketa sendotu dela eta pozik dago antolakuntza batzordeko Mikel Biain.

Oñatik "Best Tourism Village 2023" saria jaso zuen atzo Nazio Batuen Turismoaren Mundu Erakundeak Samarcandan egindako batzarrean. Sari hau kokatzen lagundu diezagun eskatu diotu Turismo batzordeburu Xabier Igartuari.

Antzerkia debagoiendarrengana hurbildu eta eskualdeko antzerki programazioa sendotzea da KAROI 2023aren helburua, Debagoieneko Antzerki Plataformako kideek jaialdiaren aurkezpenean azaldu dutenez. Urriaren 20tik abenduaren 3ra bitartean antzerki emanaldiak, Ikusle klubak, tailerrak, mahai inguruak eta haurrentzako ekintza bereziak antolatu ditu DAPek, tokian tokiko beste eragile batzuekin elkarlan...

Lema hori zeahztu dute Debagoieneko emaginek Eduskitzearen Asterako. Bihar, Arrasaten, informazio mahaiak kalera aterako dituzte. Gaiaz berba egin dugu Mirari Bikuñarekin, Oñatiko matronarekin.

Sasoian, gorputzaldi onarekin iritsi da Malen Osa World Serieseko finalera. 3. da sailkapen orokorrean baina lehenengo bosten artean amaitzea "arrakastatzat" du, lehenengo hamarretan sartzea zelako denboraldi hasierako helburua. Italiatik helarazitako hitzak jaso ditugu gaurko KIROLEN TXOKOAn.

Kide berriak topatzeko kanpaina hasi dute Oñati abesbatzan. Taldearen dinamika bertatik bertara ezagutarazteko entsegu-irekia egingo dute bihar, unibertsitateko kaperan (19:00). Asteburuan Talavera de la Reinara joango dira eta, handik bueltan, Gabonetako kontzertua prestatzen hastearekin batera, taldearen 60. urteurreneko ospakizunez arduratuko den lan talde berria martxan hasiko da. Argibideak e...

Juanjo Sagarzazu medikua hilero etorriko da irratira osasun gai baten inguruko argibideak ematera. MEDIKU-KONTSULTAN sartuko gara, hileko hirugarren astelehenean. Gaur txertoak hizpide izan ditugu; Osakidetzak martxan duen kanpainaren haritik gripearen eta Covid-aren aurkako txertoez aritu gara.

Gipuzkoako Orientazio Ligako 5. proba izango da domekakoa eta hiru zailtasun mailatan parte hartzeko aukera izango da. Eskola kirolari ere irekitako proba dela azaldu digu Asier Osinagak.

Gaztelekuan igandean aurkeztuko dute Iker Martinezek eta "Zaldi herrenak" taldeak elkarrekin grabatu duten bigarren diskoa: Arnasaldiak. Taldeak elkarrekin eta aldi berean jotzen grabatu den lana dela azaldu digu Iker Martinezek eta grabazio prozesu horretan hartutako irudiez ikus-entzunezko bat ere osatu dutela zehaztu digu.

Asteazkenean, Txinari buruzko hitzaldi batez hasiko da Oñatiko Esperientzia gelaren bigarren ikasturtea. Goienagusiko bazkide egiten direnek, Oñatiko hitzaldietara ez ezik, Arrasate edota Bergarakoetara joateko aukera izango dute, eta beste ekintza osagarrietan parte hartzeko bidea ere bai. Argibide guztiak eman dizkigu Goienagusiko buru Jesus Mari Ugartek, orain arteko balantzea egitearekin bater...

Neguari egoki aurre egiteko birikak bereziki zaindu behar ditugu. Barrura begira jartzeko urte-sasoia dugu udazkena eta horretarako prestatzeko, lekaleak, pure eta zopak jaten hasi behar dugu berriro. Naturaren erritmoetara elikadura, natura eta ongizatea uztartuz osatuko den 8. tailerra 11:00etatik 13:30etara egingo da bihar Natur Eskolan, Amaia Deiaz de Monasteriogurenek azaldu digunez.

Hainbat gai aipatu ditugu Izaro Elorzarekin gaur egin dugun elkarrizketan: pasa berri diren jaien balorazioa, OKKE taldearekin sinatu den hitzarmena, tren "txokolatera2ren zeharberritzea, EUDELen hartu dituen ardurak...

Irailaren 30ean 100 urte bete zituen Oñatiko trenari eskaini dio Kontzejupetik aldizkariak urriko portada. Barrualdean, gaia landuz Jabi Bujandak osatu duen azterlanaren berri ematen da, beste xehetasunekin batera. Ganadu lehiaketak, Eltzian abiatu den dinamika berria, udal albisteak eta agenda deialdi ugari ere jaso ditu bihar banatzen hasiko diren herriko aldizkariaren urriko aleak.

Sosotan bele taldearen doinuak eskainiko ditu Oñatiko Musika Bandak domeka gauean, plazan. Emanaldian, Sorotan bele taldea osatu zuten lau musikari ere izango dira. Horietako batekin, Gorka Sarriegirekin berba egin dugu.

Tapia eta Leturiak ezagun egin zituzten doinuak "ukitu bereziarekin" entzungai izango dira igandeko emanaldian. 11 laguneko banda handia eratu dute trikitilari bikotearen betiko doinu gogoangarriak eskainitzeko, Joseba Tapiak esan digunez.

Txantxikuaren jaitsiera girotuko dute gaur "Zorotxoak" konpartsako dultzaineroek. Dani eta Jon ezagutu ditugu.

Hainbat mozorro ideia eman zituzten Unai Iturriagak, Aitor Bizkarrak, Nerea Elurtondok eta Sustrai Colinak Zubikoa kiroldegian, ostiraleko bertso saioan. Oraindik erabaki ez duenari lagungarriak gerta dakizkioke.

Mantenu zerbitzuko Mikel Korkostegik azaldu digu Zubikoako igerilekuak nola garbitzen dituzten. Garbitu ez ezik, beste lan batzuk egiteko aprobetxatzen dute urteko itxialdi programatu hau.

Santa Lutziako zelaian jokatu zen 63. artzain txakur txapelketa, irailaren 24an. Txapeldunen txapelketa Fidel Alonso arabarrak eta LIS txakurrak eskuratu zuten. Berarekin eta beste hainbat protagonistekin berba egin genuen.

Arantxa Kortabarriaren ekimenez abiatu zen "Elkar zainduz" autolaguntza taldea, urtarrilean. Taldearen helburuez, dinamikaz eta balantzeaz, nahiz gaur arratsalderako antolatu duten hitzaldiaz, aritu gara Kortabarriarekin.

Ahots "potente" eta egokia zuela esanez konbenzitu zuten Unai Aranburu herri mailako bolo txapelketan aurkezle-esatari lanetan hasi zedin. Txapelketa ez ezik, aurreko "subasta" ere girotzen du.

Bixente Elgero antolatzaileak azaldu digu nola antolatzen duten ageriko pintura lehiaketa eta zein zailtasun dituen, margolana 5 ordutan egin behar delako.

Larunbatean, haurren danborradan parte hartuko duten hainbat neskatilekin berba egin genuen astearteko entsegu orokorrean. Antolatzaile taldeko kide Maialenekin ere bai.

Afizionatu mailan Oñatik izan dituen lau txirridularitatik birekin berba egin dugu gaurko saioan, denboraldi berrira begira jarrita aldaketa esanguratsuak izango dituztelako: Unai Cuevak txirrindularitza uzteko erabakia hartu du, nahiz eta ziklokrosean lehiatzen jarraitzeko asmoa duen, eta Aimar Erostarbek talde berria izango du, Baqueren desagerpenaren ondorioz.