Podcast Oñati Irratia

Depresioa zer den, zein maila bereizten diren eta nola tratatzen den edoeta lagundu genezakeen argitu digu Juanjo Sagarzazu medikuak.

Aparteko ospakizunik ez dute egingo urtarrilaren 15ean gurean, Gabonetako oporrak hartu aurretik jada elkarrekin mokadutxoa egin zutelako. Baina urteurrena gogoan hartuko da 12:00etan hasiko den elkarretaratzean. Oñati Irratian sei urte hauetan egindako aldarrikapenak eta lortutakoak errrepasatu ditugu Joxefe Diaz de Turesta eta Xabier Oregi pentsionistekin.

Manu eta Martin aita-semeak gurean izan ditugu, esperientzia honen berri ematen. Andre, 11 urteko mutiko ukraniarra Gabonak aurtxoan iritsi zen Oñatira eta urtarrilaren 18an itzuliko da.

Triatloi taldeko Andoni Correasekin berba egin dugu gaiaz. Hausnarketarako tartea hartu dute, antolakuntza taldearen lanak nola samurtu ikusi eta erabakitzeko, Helburua, 2025ean Oñatiko duatloia berriro egutegian jartzea da.

Ez da esperientzia berria, lehenago ere, antzerako taldeak izan direlako gurean. Baina pandemiaren ondoren egitasmoa berriro abian jarri nahi dute liburutegiko arduradunek. Irakurketa erraza tailerra zertan datzan azaldu digu Arantzazu Ibarrondok

Karmele Igartua saria jaso berri du Idoia Etxeberriak "Arraroa da normalena" antzezlanagatik. Abendu hasieran berriz, "Izotz ondoko eguzki" liburua aurekeztu zuen Bergaran. Bi lanei buruz aritu gara sortzailearekin.

Kontzertuak, liburu aurkezpenak, ipuin kontaketa saioak eta Guda Zelaia jardunaldiak jaso dira Antixena gaztetxeko egitarauan urteko lehen hilabeterako, bertako lagunek adierazi digutenez.

Meltxor, Gaspar eta Baltasar Oñatin dira jada. Goizean San Martin egoitzara bisita egin eta Parrokiara hurbilduko dira haurren eskariak entzun eta hauen jostailuak jasotzera. Debagoieneko neska-mutiko guztiek oparia izan dezaten da beraien nahia. Meltxor erregearekin berba egin dugu, eguneko lanei ekin aurretik.

Herritarren galdera ugari egin dizkiogu Izaro Elorzari, urteko lehen ALKATEAREKIN BERBETAN saioan: kale garbiketa zerbitzuaren plangintza, neguko plana, ondarea mantendu eta berritzeko plangintza... Udalak grabatzen dituen ikus-entzunezkoen eskuragarritasunaz edota mendiko txabolak artzainek ez ezik beste abeltzainek erabiltzeko aukeraz ere aritu gara.

Errege egunean, urtarrilak 6, izango da Oñatiko Musika Bandaren hurrengo kontzertua; berezia egunagatik eta berezia, baita ere, bandan 25 urte egin duten hiru lagun omenduko direlako. Zartzuela doinuz osatuko den egitaraua "sorpresa" batez amaituko dutela adierazi digu, Aitor Biain zuzendariak.

Ikusi Makusi antzerki taldearen sorrera, ibilbide eta etorkizunaz, Pake Lekuko tailerrez eta puntu taldeaz eta Asun Arzuagaren zaletasunez aritu gara Boluntariotza Pake Leku saria jaso berri duen lagunarekin.

Mikel Aranburuk prestatu eta aurkeztutako saioan, kanpoan diren hainbat oñatiarrekin egindako elkarrizketak entzuteko eta Iñaki Guridi kazetaria sakonago ezagutzeko aukera izan dugu.

Bi kontzertu eta Gabon batzeia egingo dute Ganbara Faktoriako talde ezberdinek datozen egunetan. Xehetasunak Aitor Biain Bidartek eman dizkigu.

Kolesterola hizpide izan dugu Juango Sagarzazuren "mediku kontsultan". Zer den, zein neurritan mantendu behar dugun eta kolesterol altua ez izateko zaindu beharrekoaz hainbat aholku eman dizkigu.

Ospakizun berezia dute Antixenan abenduaren 23an, gaztetxearen 11. urteurrena. Baina urte akaberan "klasiko" diren beste ekintza batzuk ere berrituko dira: Potx magoaren emanaldia , Txuletonsen kontzertua eta urte zaharreko jaia.

Bilboko Itsas Museoan ikus daitekeen aldi baterako erakusketa da. 2024ko apirilera arte mantenduko dela adierazi digu Jon Ruigomez museoko zuzendariak. Selma Huxleyri buruzko erakusketa hau zergatik eta nola antolatu duten azaldu digu, eta, bide batez, Itsas Museoan zer beste gauza ikusi daitezkeen aipatu digu.

Elkartasun izaera izango du aurten ere Gabonetako kontzertuaz eta Parrokiako Misio taldeak babesten duen proiektura bideratuko da kontzertuaren sarreretan jarriko diren itxulapikoetan batzen den dirua. Ginea-Konakrin neska gazteentzat joskintza eskola bat egiteko proiektua du Misio taldeak. Proiektuaren inguruko argibideak eta Gabonetako kontzertuaren inguruko azalpenak eman dizkigute Manu Egañak...

Izenburu hori duen hitzaldia emango du arratsaldean, 18:00etan, Juanjo Olaizola historialari eta ikerlariak, Kultur etxean. Euskotren museoko zuzendariarekin berba egin dugu eta arratsaldean azalduko dituen hainbat kontu aurreratu dizkigu.

Manex Beristainek doluari buruzko ipuina idatzi du, 5 urtetik gorako haurrei zuzenduta. Ipuinaren aurkezpena egingo du bihar haur liburutegian (18:00), helduez lagundutako haurrentzat eta haurrik gabe joaten diren helduentzat. Musikaz eta txontxongiloz lagunduta egingo du aurkezpena. Manex Beristainekin berba egin dugu, doluaz, erantzunak jasotzeko haurrek duten beharraz eta ipuin-aurkezpenaz.

Hala aurreratu digute Itzairrek eta Josuk. Saguganbaran aurkeztuko dute "zapata magikoa", ostegunean, 16:30etan. Baina azokan egunero izango dira, Artekale 13an apaindu duten stand-ean.

Mugikortasunaz eta garraio publikoaz, udal aurrekontuez, San Martingo argiteriaz edo hosto pilaketak sortzen duten arazoez eta Olakuako urmaelaz aritu gara, besteak beste, abenduko ALKATEAREKIN BEBETAN saioan.

Txantxiku Ikastola, Elkar Hezi ikastetxea eta Oñatiko Institutuko kazetari gazteak lankide izan ditugu gaur. Domekarekin etorriko den Euskararen Nazioarteko Egunaren harira irratsaio berezia osatu dugu, herriko ikastetxeetako ospakizunak azalduz eta hainbat lagun elkarrizketatuz.

Txirrinduaren gainean ezagutu genuen Markel Irizar, baina profesionala izateari utzi zionetik kirol ezberdinak praktikatzen ditu. Atxintxika ere badabil eta domekan, Donostian, bere lehen maratoia osatu zuen.

"Gauerdi minean" da Jon Aranok bere itzulpen lanari jarri dion izenburua. Formatu digitalean booktegi.eus-en zintzilikatu da. Itzulpenaz eta Javier Arzuaga oñatiarrak Kuban bizitakoak jasoz osatu zuen jatorrizko lanaz berba egin dugu Jon Aranorekin.

Aritz Galdos gidari izan dugu, Mugialdaiko mahastian, lehenik, eta txakolindegian, ondoren. Txakolina lortzeko kanpoan zein barruan egin beharreko lanez xehetasunak eman dizkigu.