Podcast Oñati Irratia

Diabetesaz argibideak eman dizkigu Juanjo Sagarzazu medikuak gaurko saioan. Zer den, zein mota dauden, nola antzeman eta kontrolatu daitekeen azaldu digu, besteak beste.

Mugako adimena dutenek eta familiek osatzen dute Ortzadar elkartea. 1977an sortu zen arren, ezezaguna da askorentzat, baita guretzat ere. Elkartea eta mugako adimena duten pertsonen ezaugarriak azaldu diezazkigun eskatu diogu Leire Yeregiri.

Denboraldiko hirugarren kontzertua eskainiko du Oñatiko Musika Bandak igandean, otsailaren 18an: Dantza gunea. Dantza erritmo eta konposizioak jarraituz, munduan barrena eramango gaituen kontzertua proposatzen digu bandako zuzendari Aitor Biainek.

"Oñatiko emakume-mojen izaera, bizimodua eta ekarpena ikuspegi feministatik" liburua irudikatzeko argazkiak egin zituen Aitane Goñik eta horietako batzuk egokitu dira Santa Ana antzokian erakusgai jartzeko. Argazki erakusketa otsailaren 25era arte mantenduko da.

Neska eta emakume zientzialarien nazioarteko eguna ospatu zen igandean, otsailaren 11an. Horren harira, herriko bi ikerlari ezagutzeko aukera izan dugu: Jone Etxeberria eta Karla Santos.

Gaur hasi eta martxoaren 10era arteko ekintza sorta jaso da 2024ko Ingurumen jardunaldien baitan. Natur Eskolak antolatu duen egitarauaren inguruko xehetasunak eman dizkigu Aimar Uribesalgok.

Gomiztegi kooperatiba da Euskal Esnegileen Elkartean parte harten duten 29 ekoizleetako bat. Elkartearen asmo eta helburuez berba egin dugu Gomiztegiko Ekain Muruarekin.

Herri kirol jaialdia eta "Urrezko aizkora" binakako txapelketari dagokion hirugarren eta azken finalerdiak izango ditugu aurten ere Oñatin. Gazte mailako aizkolari txapelketak eta beste bi harri-jasotze txapelketen saioek osatuko dute igande goizeko jaialdia. Angel Billarrek eman dizkigu xehetasun guztiak.

LEINNeko hiru ikaslek garatu duten laborategia da IKUSMIN. Helburua, 12-14 urte arteko gazteen artean euskarazko irakurzaletasuna sustatzea da, eurek sortuko dituzten ipuinen arteko lehiaketa baten bidez. Lau astetan, dinamika ezberdinak beteko dituzte ipuina lantzen eta puntuak pilatzen jarraitzeko. Argibideak eman dizkigute Uxue Iruretagoiena, Garazi Ramirez eta Maria Murgiondo sustatzaileek.

Inauterietako konpartsaren entsegu orokorrean egon ginen larunbatean eta antolatzaileekin berba egin genuen. Doinu eta dantza berri bat plazaratuko dute aurten: Kilika. Nolako doinua den ere azaldu digu musikarietako batek.

Kontzertu ugari izango dira otsailean ere Antixena gaztetxean, baina bestelako ekintzak ere bai, Mikelek eta Atxak azaldu digutenez: Elkartasun eguna bihar, Ernaik antolatuta, antzerki emanaldia domekan, eta dokumental emanaldia edo Ekaintxouren saioa, besteak beste.

Emakumeei zuzendutako aholkularitza juridiko zerbitzu berriaz, indarkeria pairatu duten emakumeei zuzendutako arreta psikologiko zerbitzuaz edota Klima eta Energiarako Alkateen Itunaz aritu gara gaur Izaro Elorzarekin. Usakoz, Torreauzotik bertara iristeko egokitu asmo den bidegorriaz eta Oñatiko Udalaren parte hartzea duten udalez gaindiko erakunde ezberdinez ere berba egin dugu.

Zine emanaldien ordutegi aldaketak irekitzen du otsaileko "Kontzejupetik" aldizkaria baina beste gai ugari lantzen ditu. Oñatin ereindako gariarekin ogia egin izana ere azaltzen zaigu erreportaia batean. Iñigo Arregik eman dizkigu argibideak.

Selma Huxley Barkham bekari esker ondu den ikerketa lana da Oñatiko hiru mojen komunitateetan egin dena. Itsaso Manias Muñoz eta Jone Arrazola Maiztegik egin dute eta liburu batean bildu dutela adierazi dute lanaren aurkezpenean. Liburua, otsailaren 12an presentatuko dute hitzaldi baten bidez, eta egun horretan hasi eta otsailaren 25era arte luzatuko den argazki erakusketaz borobilduko dute.

Apirila amaierara arteko egitaraua osatu du Burrunda Faktoriak; musika nagusi izango da eta hilero pare bat kontzertu eskainiko dira Antixena gaztetxean, baina dokumental emanaldia edo haur eta familiei zuzendutako Ekain Txou-ren saioa ere programatu dute.

Deba bailara Kontseilu Sozialistak antolatuta Oñatin egingo dira bihar III.Guda Zelaia jardunaldiak. Egun osoko egitaraua zertan den eta jardunaldien helburuak azaldu dizkigu Aitor Tatiegik.

Sukena taldeko hiru lagun etorri zaizkigu bisitan, taldeaz, udazkanean kaleratu zuten diskoaz eta dituzten asmoez berba egitera.

Izen-emateaz, Salomonen penintsulako proben zirkuituan sartzeaz, 19. edizioa beteko duen mendi lasterketaren esentziaz, eta mantentzeko nahiaz, aritu gara Pablo Arejolaleibarekin, "Aloñako igoera" antolatzaile-taldeko ordezkariarekin.

Nabarralde elkartearen erakusketa Kultur etxean ikusgai dago, otsailaren 3ra arte. 14 paneletan gure historian barreneko kontakizuna proposatzen da, Beñi Agirrek azaldu digunez.

25, 40, 50, 60 edo 80 aldiz odola eman duten 9 herritarrei aitortza egin zitzaien ostiralean Enpresagintza Fakultatean. Hainbatekin berba egiteko aukera izan genuen ekitaldiaren ondoren.

Larunbatean zendu zen Xabier Ugarte, kulturgintzan apal eta umil aritu zen herritar nekaezina. Berari esker txukun daude Aita Madin, Jose Azpiazu eta beste hainbat musikagileren lanak gordeta agustiñoetan. Eta berari zor diogu horietako askoren goi mailako lanak ezagutu izana...

Aurten bai, badakor Korrika Oñatira! Prestaketa lanak hasi dira eta Herri Batzordeko kide den Julen Iriondok azaldu digu orain arte egindakoe eta egiteke dagoena.

AMETek kide berriak erakartzeko estrategiaren baitan osatu zuen "Zuloan zu?" ikus-entzunezkoa. Arantzazu erreka1 koban topatutako Ama Birjinaren irudiak eta Arantzazuko agerpenak harilkatzen du dokumentala, Santi Ugartek azaldu digunez. Mendi hamabostaldian aurkeztu zuten lana gustukoa izan da eta Bartzelonan lortutako sariak lehiaketa gehiagotara preserntatzera animatu ditu.

Walking footbal modalitatea eskaintzen du Erreala Fundazioak eta Debagoienean diharduen taldean bost oñatiar daude. Horietako birekin berba egin dugu, Roberto Irizarrekin eta Jon Agirrerekin.

Antzezlana zuzendu duen Ugaitz Alegriak azaldu digu Gluglu taldeak gurean antzeztuko duen istorioaren nondik-norakoa. "Loti ederra" ipuin klasikoaren moldaketa da igandean Santa Ana aretoan taularatuko dena. Musikaz eta dantzaz hornitua, haurrei zuzendu baina helduei keinu ugari egiten dizkien antzezlana dela esan digu.