Podcast Oñati Irratia

"Oñati Vizirik" diskoa aurkeztuta, mahai-inguruak eta kontzertu bira datoz orain. Baina bestelako musika eta hausnarketa egitasmo ugari ere izango dira Antixena gaztetxean zein herriko beste gune batzuetan, Gaztetxeak antolatuta, apirilean zehar.

Mikel Sarriegik osatu duen liburu honetan Oñatiko dantzei eta dantza-maisuei erreferentzia egiten zaie, behin baino gehiagotan. Liburuak, gainera, Oñatiko udalaren dirulaguntza jaso du.

Bi urte eman ditu Hide Dohino jaoponiarrak Oñatin, Olabarrietan. Gasteiza doa, tesian kontzentratzeko asmoz. Herritarrak eta, bereziki, Boga tabernako lagunak agurtu ditu.

Saharako haurrak udan, bi hilabetez, etxean hartzeko gertu dauden harrera familiak behar dira. Halako esperientzia duen Olatz Lamarianorekin berba egin dugu.

Aita Madina txistulari taldeak alardea antolatu du, hainbat urteren ostean. Santa Ana aretoan izango da, larunbatean, 19:00etan. Xehetasunak Juan Ramon Barrenak eman dizkigu.

Construcciones Ugarte Aloña Mendi taldeak Euskal Ligara itzultzeko igoera faseari ekin dio astean. Lucia Arenaza jokalariarekin eta Iñaki Zabarte entrenatzailearekin berba egin dugu.

Iñaki Iurrebasok emango du hitzaldia zine aretoan, gaur, 18:00etan. Aurrerapen laburra egin digu.

Mediku kontsultan dementziaz luze eta zabal berba egin dugu, zer den, nola antzeman...

Korrikaren lekukoa Pake Leku elkartean ikusi genuen atzo, Beatriz Irizarren eskutan. Euskalzaleari aitortza egin zitzaion, lekukoa eman eta Korrikaren petoa jantziz. Lekuko berezi horrek daraman mezua martxoaren 22an irakurriko da Pake lekun.

Kontzertu pedagogikoa izango da musika bandak larunbatean eskainiko duena. Emanaldia jendetsua izango da oso, musika bandakoekin batera Aloña Mendiko gimnasia erritmikoko lagunak, musika eskolako ikasleak eta Banda Gazteko kideak egongo direlako, Aitor Biain zuzendariak azaldu digunez.

Martxoarenn 16-17an Koben Eguna ospatuko da, Lurpea elkarteak antolatuta. Aurkezpenean parte hartu zuen Ikerne Altuberekin berba egin dugu. Bide batez, udaberriko turismo eskaintzaz ere aritu gara.

Enara Gaminderekin bikote egingo du Etxegaraik, emakumezkoen eskuz binakako Master Cup txapelketako finalean. Olatz Arrizabalaga eta Itxaso Erasun izango dituzte aurrez aurre Arrasateko Uharkape pilotalkuan izango den partidan.

Ostiralean ireki zen Kultur Etxean eta bertan ikusgai izango da martxoaren 22ra arte. Lanak aurkezten dituzten hainbat sortzailerekin berba egin genuen inaugurazio arratsaldean.

Martxoaren 8a Emakumeen Eguna ez ezik, suhiltzaileen eguna ere bada eta horren aitzakian Zubillagan suhiltzaile den Aitor Otamendi gonbidatu dugu gurera.

Herritarrek helarazitako galdera ugariri erantzun die Izaro Elorzak gaurko elkarrizketan; kale garbiketaz, fatxadetan pilatzen diren telefonia kableez, Lapikogorri taberna zenekoaren terrazaz, autobus zerbitzuaz eta Elorregiko geltokiaren itxuraz edota udaltzainek pistola eraman beharraz aritu da, besteak beste.

"Mattin" ilustratzaileak proposatu zion Ixabel Agirresaroberi Primi Erostarbe eta Maurizia Aldeiturriagaren inguruko liburua elkarrekin osatzea. Primi bera ezagutzeko zoria izan zuen Ixabelek, 5 bat urte zituela, eta orduan sortu zion zirraraz berba egin digu.

Elkar Hezi ikastetxeko sei taldek ekin zioten StartInnova lehiaketari, udazkenean. Horietako bat, finalera ez ezik, lehen saria irabaztera ere iritsi da, EH3 taldea. Olaia, Jon, Maria eta Pablo taldekideekin berba egin dugu.

Musika eta aldarrikapen nahiz salaketa tartekatzen dira martxorako antolatu diren ekintzetan.

Letagin taldearen bigarren diskoa da eta bihar Tolosako Bonberenean eta etzi Antixena gaztetxean eskainiko dute. Taldeaz, diskoaz eta kontzertuez aritu zaizkigu, Julen Agirre, ahotsa, eta Iban Idigoras, bateriajolea.

"Oñatiko taupadia" lema dauka 75. urteurrenaren harira antolatu den egitarau eta kanpainak. Aurkezpen ekitaldian esan zirenak laburbiltzen saiatu gara.

Maryren paper nagusia jokatzen du Aitziber Garmendiak "Esnearen kolorekoa" antzezlanean. Ttantaka Teatroaren lan berria igandean taularatuko da Santa Ana aretoan (19:00)

Mende bat bete berri du Altuna estankoak eta 100 urteko historia hori errepasatu dugu egungo jabearekin, Ixiar Unamuno Altunarekin.

"Geuretik sortuak" sorkuntza bekaren harira idatzi du "Bai, koanto!" ipuina Idoia Etxeberriak. Bekaz, osatu dituen egonaldiez, sorkuntza prozesuaz eta ipuinaz aritu gara.

TOKIKOMek garatu du Matx kirol aplikazio berria. Kirolzaleak bildu asmo ditu, Gipuzkoako kirol taldeentzat tresna digital ere izan nahi duen honek. Xehetasunak, ekimenean parte hartzen duten bi oñatiarrek eman digute: Maria Balzategik eta Aratz Losadak.

Aloña Mendiko Txirrindularitza Sailak 51 lagun izango ditu kategoria ezberdinetan, aurten. Taldeen eta herrian izango diren lasterketen berri eman zen larunbatean eta gaur gurean azaldu dizkigute Aitor Atorrasagasti presidenteak eta Unai Cueva entrenatzaile berriak.