Podcast Oñati Irratia

Urtebete pasatu da errepideko txirrrindularitza utzi zuenetik. Orain, Eibarko taldearekin, ziklo kross denboraldia betetzeko asmotan dago oñatiarra.

Idoia Torregarairen eta Mirari Martiarenaren bakarrizketa saio partekatua da ZTANDAP; umore-morez osatutako saioa, Torregaraik adierazi digunez.

Golden Trail World Series txapelketan hirugarren postua lortuta, pozik eta harro dagoela esan digu Malen Osak.

Abendura bitartean bost kontzertu iragarri dizkigute Patak eta Potenek. Bono berriak eskuratu daitezkeela ere gogoratu digute.

Zubillagako harmarria duen harritzarra jarri da auzoko eskolak izan ziren eraikinaren aurreko belardian eta bihar inauguratuko da. Zizur Nagusitik iritsi den opari berezi honen ingurukoak azaldu dizkigu Iker Loiti auzo-alkateak.

1924ko urriaren 18an izan zen. Efemeride horren ingurukoak, aurreko lanak eta ondorioak azaldu dizkigu Tomas Igartuak.

Anje Eskarzak eta Mikel Aramendiak koordinatzen dute Eskola Kiroleko programa. Biekin berba egin dugu egitasmoaren ezaugarriez eta egunerokoaz.

Pirineotako bi aldeetako 30en bat ikerlari bilduko dira laugarren arkeotopaketa hauetan. Herritarrentzat hitzaldi irekia ere izango da bihar arratsaldean Sancti Spiritus unibertsitatean. Xehetasunak eman dizkigu Alvaro Arrizabalaga antolatzaileak.

Lekarozko gaztandegian aritzen da Irati Usandizaga oñatiarra. Idiazabalen saria lortu eta biharamunean, bezeroei gaztak eramaten harrapatu dugu.

Lehen sektorean ekin nahi duten pertsonak, errelebo bila dabiltzan ustiategiekin lotzen dituen programa da TREBATU. 7 "bikote" ari dira elkarlanean, une honetan, Telmo Gartziak adierazi digunez.

"Bizi guztia" izenburupean aurkezten duen mostaren berri eman digu artistak berak. Artziniegara hurbildu, herria bisitatu eta Santxotena museora gerturatzeko gonbidapena egin digu Esteban Kerexetak.

Eta Oñatiko Esperientzien Gelan bihar ekingo zaio, Laura Oleagaren hitzaldi irekiarekin. Arantxa Gardoki, Goienagusiko lehendakariarekin berba egin dugu.

Aloña Mendiko txirrindularitza saileko presidentea gurean egon da, igandeko manifestazioaren zergatiak azaltzen. Sailak, autobusa antolatu du Donostiara joan-etorria egiteko.

Xabi Solanorekin berba egin dugu eta Agurreko biraren baitan Gipuzkoan emango duten azken kontzertua Oñatikoa izango dela gogorarazi digu. Lehenago ere Oñatin sarritan egon dira eta gaur gauean guztia ematera etorriko direla esan digu.

Bidegorriak hizpide izan ditugu eta Usakokoaz eta Aita Lizarralde-Arantzazuko Ama kaleen artean aurreikusten denaz aritu gara. Oñati-Donostia autobusaz, San Prudentzioko geltokiaren garbitasun eta horniduraz, arropen edukiontziaz.... berba egin dugu.

50. Berlingo maratoian parte hartzeko erabakia orain urtebete hartu zuela esan digu eta tartean belauneko lesioa izan duela. Ekaina-uztailean hasi zen entrenamenduetan berriro eta, ohiko erritmotik behera bada ere, pozik eta ondo amaitu du Berlingo lasterketa.

Astelehen arratsaldean, 20:00etan, plazan arituko da Aukeran dantza konpainia. Oñatira ekarriko duten ikuskizunaz berba egin dugu Maier Muruamendiaraz dantzariarekin.

Txosna batzordeko Ibis eta Mikel etorri zaizkigu San Migel eta Errosaixo jaixetarako osatu duten egitaraua aurkeztera eta bestelako xehetasun batzuk aipatzera.

Mendeurrena gogoan, egunero Urbiara igo eta ermita zaintzen aritzen den Jabier Larralekin berba egin dugu eta baita larunbateko ospakizunak prestatzen ari den Migel Zeberiorekin ere.

Moises Tarresen MEL txakurrak irabazi zuen atzoko txapelketa. Artzainarekin ez ezik, epaimahai buru egin zuen Oihana Azkorbebeitiarekin ere berba egin genuen.

Horretan aritzen den Unai Aranburuk beste konpromiso bat duela eta, speaker lanak betetzera animatu da Robertu Idigoras, behin behinean bada ere. Eztarria ondo duela eta igandeko bolo txapelketarako lasai dagoela esan digu.

Hiru artzain berri izango dira domekan Santa Lutziako zelaian. Artzainen eta txakurren inguruko xehetasunak eman dizkigu Joxe Mari Bengoak, zelaia prestatzeko lanetan hasi aurretik.

14 sailek osatzen dute Aloña Mendi Kirol Elkartea eta guztien aurkezpena antolatu da ostiralerako, 75. urteurrenaren harira. Plazan izango den ekitaldiaren inguruko xehetasunak eman dizkigu antolatzaile taldeko kide den Aratz Losadak.

Euskararen eta hitanoaren erabilera sustatzeko lehiaketa da IkusHI! DBH3. mailatik Batxilergo 2. mailara arteko herriko ikasleei zuzenduta dago. Parte hartzeko izen-ematea zabalik dago, irailaren 27ra arte. Urriaren 12an formazio tailerra izango dute Gaztelekuan.

San Migel eta Errosaixo jaixak ate joka dauden honetan aurkeztu da jai egitaraua. Izaro Elorza alkatea, Iñai Olalde Kultura batzordeburua eta German Meabebasterretxea Kultura teknikariak antolatu den egitarauaren xehetasunak eman dituzte.