አውስትራሊያ ስትገለጥ

አንድ ሰው አውስትራሊያ ውስጥ ሆኖ የቪዛ ማመልከቻ ሲያቀርብ፤ ማመልከቻው ውሳኔ እስኪያገኝ ድረስ አገሪቱ ውስጥ ሕጋዊ ሆኖ እንዲቆይ የመሸጋገሪያ ቪዛ ይሰጠዋል። የመሸጋገሪያ ቪዛ ዓይነቶች ዘርፈ ብዙ ናቸው። አሰጣጣቸውም እንደ አመልካቹ ሁኔታ ይወሰናል።

የላቀ የትምህርት ውጤት ላላቸው ልጆች የተሻለ ትምህርት ቤት መሻት የአያሌ ወላጆች ፍላጎት ነው። ብርቱ ፉክክርና ውጤት ተኮር ከሆኑት ሁለተኛ ደረጃ ትምህርት ቤቶች ውስጥ በላቀ ውጤት የሚዘለቀባቸውና ትኩረትንም የሚሹት የምርጥ ተማሪዎች መማሪያ የሆኑ የመንግሥት ሁለተኛ ደረጃ ትምህርት ቤቶች ናቸው።

በርካታ አውስትራሊያውያን ለኑዛዜ ጠቀሜታ ያላቸው ግምት አነስተኛ መሆኑን የምርምር ግኝቶች ያመለክታሉ። የመስኩ ተጠባቢዎችም ያለ ዕድሜ፣ የማኅበራዊ ምጣኔ ደረጃና ብሔራዊ ማንነት ልዩነቶች፤ ዜጎች ለቅርብ ቤተሰባቸው ኑዛዜ የማስፈርን ጉዳይ ቅድሚያ ሰጥተው ዕቅዳቸው ውስጥ እንዲያስገቡ ይመክራሉ።

ታዝማኒያ ውስጥ መኪና እየነዱ በሞባይል ስልክዎ የGPS አቅጣጫ ጠቋሚ አፕስ መጠቀም ወይም እጅዎን መስኮት ላይ አሳርፈው ማሽከርከር ሕገ ወጥ መሆኑን ያውቃሉ? የአውስትራሊያ መንገዶች ላይ ሳያውቁ ሕግ ጥሰው አንዳይገኙ ለሎች እምብዛም ልብ የማይባሉ የመንገድ ሕጎችን እናጋራዎታለን።

አውስትራሊያ ውስጥ ሆነው የቪዛዎ ቀነ ገደብ ቢያልፍ ምን ይገጥምዎታል? ምንስ ሊያደርጉ ይችላሉ?

አውስትራሊያን የዓለም አቀፍ ተማሪዎች መዳረሻ ለማድረግ የሞሪሰን መንግሥት የቪዛ መመዘኛዎቹን ለባሕር ማዶ ተማሪዎች አላልቷል። ይህንንም ተከትሎ ዓለም አቀፍ ተማሪዎች ጊዜያዊ የምሩቃን ቪዛቸውን ተጠቅመው የሥራ ልምድ በማግኘት ለቋሚ የመኖሪያ ፈቃድ ማግኛነት ሊጠቀሙበት ይችላሉ።

ቤተሰብዎንና ቤትዎን ከእሳት አደጋ ተጋላጭነት መታደግ ማለት ቀድመው ስንዱ መሆን ማለት ነው። የመስኩ ጠበብትም ለደን ቃጠሎዎች ተጋላጭ የሆኑ ቀዬዎች የሚኖሩ ሰዎች የድንገተኛ አደጋ ዕቅድ እንዲኖራቸው ምክረ ሃሳብ የሚለግሱት ለዚህ ነው።

የአውስትራሊያ ምሥራቃዊ ክፍለ አገራት ከአማካይ የዝናብ መጠን በተጨማሪ እርጥብ በጋን ለማስተናገድ ዝግጅት እያደረጉ ነው። የመስኩ ጠበብቶችም ሰዎች ጎርፍ ሊከስትባቸው በሚችሉ አካባቢዎች ተጨማሪ ጥንቃቄ እንዲያደርጉ እያስጠነቀቁ ነው።

በበጋ ወራት በአውስትራሊያ የባሕር ዳርቻዎች፣ ወንዞችና ወራጅ ውኃዎች ለመዝናናት ተስማሚ ጊዜ ነው። ሆኖም ራሳቸውን ከውኃ ደህንነት ደንቦች ጋር ላላዋደዱ መጤዎች ሕይወታቸው ተጋላጭም ነው።

አውስትራሊያ በጋ ሲመጣ ዘና የምትልበት ወቅት ነው፤ ሆኖም ደህንነትን ጠብቆ መቆየት ጠቃሚ ነው። የድንገተኛ አደጋ ማስጠንቀቂያ አሠራሮችና ማንቂያዎች ደህንነትዎን እንዲጠብቁና ግንዛቤ እንዲጨብጡ ያግዝዎታል።

በአብዛኛው መጤዎችና ጎብኚዎች አውስትራሊያ ውኃዎች ውስጥ ለመስጠም አደጋ ተጋላጭ ናቸው። በየዓመቱ ውኃ ውስጥ ሰጥመው ሕይወታቸው ከሚያጡት ውስጥ ግማሽ ያህሉ የአውስትራሊያ ነዋሪ ያልሆኑቱ ናቸው።

Australia has just experienced its hottest November on record. While La Niña is expected to bring a wetter summer season, the Bureau of Meteorology, also predicts that heatwaves will last over a prolonged period. Experts warn to take extra precaution indoors and outdoors to prevent sun and heat-related health problems. - አውስትራሊያን በወርኃ ኖቬምበር የጋለ ሙቀት ጎብኝቷታል። የመስኩ ጠበብት በቤት ውስጥም ሆነ በውጪ ከፀሐይና ከሙቀት ጋር በ...

የእሳት አደጋ ተከላካዮች በየዕለቱ በርካታ አደጋዎች ይደቀኑባቸዋል። በግል ሕይወታቸውም ይህ ነው የማይባል መስተጓጎሎች ይገጥሟቸዋል። አውስትራሊያ ቤቶችና ማኅበረሰባትን በመከላከል ረገድ የበጎ ፈቃደኛ እሳት አደጋ ተከላካዮች ላይ ከፍ ባለ መልኩ ታመዝናለች።

አውስትራሊያ ውስጥ ለመጀመሪያ ጊዜ ሥራ ፈልጎ ለማግኘት ወይም ሌላ አዲስ ሥራ ለመፈለግ ረዘም ያለ ጊዜ ይወስዳል። የሥራ ፈላጊ ማመልከቻዎ ተመራጭ ሆኖ ለቃለ መጠይቅ ሲጠሩ በቅድሚያ ደስታን ይፈጥራል፤ ጥቂት ቆይቶም ጭንቀትን ሊያሳድር ይችላል።በሥራ ቃለ ምልልስ ወቅት መልካም ውጤት ለማግኘት የሚያሻዎ በቂ ዝግጅት ማድረግና ምን ሊገጥምዎት እንደሚችል ግንዛቤ ሊኖርዎት ይገባል።

የቋንቋ ችሎታ ማነስ፣ የባሕል ልዩነቶች ፣ ከቤተሰብና ጓደኞች መነጠል ለበርካታ ጥገኝነት ጠያቂዎችና ስደተኞች ለብቸኝነት መዳረግ በዋነኛ አስባብነት ይጠቀሳሉ።

በአውስትራሊያ የቤተሰብ ጥናቶች ኢንስቲትዩት የምርምር ግኝት መሰረት በአብዛኛው ለፍቺ የሚዳረጉት ዕድሜያቸው በ20ዎች ግማሽና መጨረሻ፤ እንዲሁም በ40ዎቹ ማጠናቀቂያ ግድም ናቸው።ለፍቺ ሲዳረጉም በአማካይ ለዘጠኝ ዓመታት ወይም ከዚያ ላነሱ ጊዜያት በትዳር የቆዩ ናቸው።

የአውስትራሊያ ሰብዓዊ መብቶች ኮሚሽን ባሰባሰበው የሠራተኞች አተያይ መሠረት፤ ባለፉት አምስት ዓመታት ውስጥ ከሶስት ሠራተኞች አንዳቸው ወሲባዊ ትንኮሳ ገጥሟቸዋል። ወሲባዊ ትንኮሳ በእርስዎ ወይም ሌላ በሚያውቁት ሰው ላይ ደርሶ ከሆነ ዕርዳታ የማግኛ መንገዶች አሉ።

ከሶስት አንድ አውስትራሊያውያን እንግሊዝኛ ተናጋሪ ያልሆኑ አገራት የተወለዱ ናቸው። የአረጋውያን ክብካቤ ግልጋሎት ሰጪዎች ባሕላዊ ዝንቅነት ላላቸው የደሜንሽያ ተጠቂዎችና ወደ አፍ መፍቻ ቋንቋቸው ለተመለሱት ተጠዋሪዎች ሰብዓዊና ባሕላዊ ግልጋሎቶችን ለመስጠት ምን ያህል ስንዱ ናቸው?

ሌላ ወባቂ በጋ በመቃረቡ፤ ኃላፊዎች ዋናተኞች ጥንቃቄ እንዲያደርጉ ያሳስባሉ። ውኃ ውስጥ ሰጥመው ሕይወታቸው ያለፈ ሰዎች ቁጥር ካለፈው ዓመት ወዲህ በአሥር ፐርሰንት አሻቅቧል።