Hoe verklaar jy dit?

Is dit moontlik om 'n insek van Emalahleni (Witbank) op grond van 'n skets te identfiseer? Waar kom die mens se se vermoë vandaan om op die maat van musiek te dans? En is dit akkuraat om 'n mens te beskryf as 'n 32 voet lange kanaal waardeur voedsel beweeg?

Hoe veilig is insekte-middels vir binneshuise peste en plae vir mense en hulle troeteldiere? Wat veroorsaak bol-weerlig? Is erdvlooie verwant aan vlooie? Wat is die verskil tussen termiete en miere? En hoe kan 'n mens van feëtjieringe op grasperke ontslae raak?

Hoekom het windturbines slegs drie vinne? Hoekom hoor 'n mens feitlik nooit van hartkanker nie? Hoe kry insekte dit reg om onderstebo te vlieg en teen 'n plafon te land?

Hoekom is daar 'n verskil tussen die lesing op 'n motor se snelheidsmeter en die lesing op die GPS? Watter bedreiging hou droogtes vir verkleurmannetjies in? Hoe raak 'n mens veilig ontslae van 'n swerm bye in 'n boorgat? En is heuning wat van giftige plante se nektar gemaak is, veilig vir die mens?

Bestaan daar enige bewys dat arende hulle kleintjies in die lug ondersteun wanneer hulle begin vlieg? Hoe werk 'n slimfoon se raaksensitiewe skerm? En hoe indentifiseer 'n mens geskikte areas vir die oprig van windturbines?

Hoe werk 'n teensuurmiddel wat self suur bevat? Is uile gebiedsgebonde? En is die uithaal van vrugteboorde werklik 'n waterbesparende strategie?

Wat is 'n Afrika-aartappel? Hoe lank bly insekte-middels giftig in die tuin? Deur watter stadiums van ewolusie het ons waterlewende voorouers ontwikkel tot by die vroegste menslike wesens? En hoe raak 'n mens van lastige blaaspootjies ontslae?

Wat kan 'n mens doen om 'n keweragtige insek, in die volksmond bekend as twee-tweetjies, in jou groentetuin te bekamp? Watter soort wurm dra haar eiers op haar rug saam? Hoe word radio-aktiewe datering op fossiele gedoen? En watter soort spinnekop spin 'n pragtige, koepelvormige web? Henk Geertsema en Jurie van den Heever beantwoord die vrae.

Hoekom moet 'n mens al minder water in 'n stoom-eierkoker gooi, hoe meer jy eiers daarin kook? Wat was die sogenaamde Carrington-gebeurtenis van 1859? En hoekom is die suiderligte tydens hierdie gebeurtenis in Australië waargeneem, maar nie in Suid-Afrika nie? Hoe is dit moontlik om met 'n selfoon 'n ligkol op 'n muur te kaats waarop die son reeds skyn? En wat veroorsaak dat 'n arend wat in die lu...

Was ons voorgeslagte eeue gelede kleurblind? Hoe werk die induksie-kookproses? Gebruik 'n gasverwarmer meer gas as jy meer elemente gelyktydig gebruik? En hoekom het die gebou wat onlangs in 'n hewige brand in Londen verwoes is, nie ineengestort soos die Twin Towers destyds in die VSA nie?

Is die feit dat die haainette aan die KwaZulu-Natalse kus onlangs tydens die sardientjie-loop verwyder moes word, nie 'n aanduiding dat die nette oorbodig is nie? Is daar 'n plaasvervanger vir naftaleen om vismotte mee te verdryf? Hoe kan 'n mens die koste van 'n boorgat vooraf bepaal? En kan 'n kat 'n skerpioen dood blaas?

Kan katte ook met die MI-virus besmet raak? Kan 'n mens vooraf bepaal wat die gehalte van die water in 'n boorgat sal wees? En wat is die sogenaamde Parktown prawns?

Watter veranderings het die pootlose akkedis ondergaan om te kan oorleef? Duisende jare gelede was Robbeneiland vas aan die Wes-Kaapse skiereiland. Is daar vandag enige noemenswaarddige genetiese verskille tussen die akkedisse op die eiland en die by Bloubergstrand? En hoekom gaan dennebome dood as 'n mens dit afkap, terwyl bloekombome weer uitloop?

Waaruit bestaan die spektrum van lig wat die menslike oog kan sien? Is die adelaarsvaring 'n inheemse plant? En hoeveel skilpadspesies is daar in Suider-Afrika?

Watter rol speel DNS in die ontwikkeling van 'n embrio? Hoekom bly houtlym vloeibaar in 'n houer, maar vorm 'n stewige las as 'n mens dit aan twee stukke hout smeer en die hout vasklem? Kan paddas duisendpote eet sonder om van die gif dood te gaan? En hoekom kan 'n kat met gemak in 'n boom klim, en dan sukkel om weer uit te klim?

Wat is lewe? Waar kry slange hulle gif vandaan? Wat is die menslike bioom, en hoe belangrik is dit?

Hoekom maak lemoenduifies se vlerke 'n fluitgeluid wanneer hulle vlieg? Watter onsigbare plaag het die mense van Vleesbaai die afgelope herfs gedurende die nag irriterende steek- of bytplekke toegedien? En hoekom aard granate nie op sekere plekke in die Wes-Kaap nie?

Hoekom ontplof klippe in 'n braaivleisvuur skielik? Watter nadele hou die Oosterse liewenheersbesie onder andere vir die wynbedryf in? En hoekom begin 'n hoenderhen op 'n dag kraai nadat die haantjie dood is? Bennie Schloms, Henk Geertsema en Le Fras Mouton beantwoord die vrae.

Hoekom het windturbines slegs drie vinne? Hoe maak die menslike liggaam homself van binne warm? Wat is die funksie van brein-vetweefsel? Wat is die rol van manlike XY-chromosome en die vroulike XX-chromosome in die bepaling van geslag?

Hoe verklaar 'n mens die gevoel dat daar iemand na jou staar en as jy omkyk, dan is dit so? Wat veroorsaak dat daar soms tydens 'n halfmaan 'n reguit, in plaas van 'n geronde skaduwee, op die maan val? Is daar net herbivore en karnivore, of kry ons ook insektivore? En het kwantum-meganika enige nut in die praktyk? Jannie Hofmeyr, Hendrik Geyer en Jurie van den Heever beantwoord díe vrae onder leid...

Daar is verskeie plekname in Suid-Afrika waarin die woord '"wolf" voorkom. Beteken dit dat eens op 'n tyd wolwe in Suid-Afrika was? Het bakterieë ook immuunsisteme soos wat die mens het? Watter funksie vervul sterte by soogdiere? Jannie Hofmeyr, Dave Pepler en Jurie van den Heever beantwoord díe vrae.

Hoe ontstaan 'n dubbeldoor-eier en kan so 'n eier uitbroei? Is dit moontlik om 'n ysberg van Antarktika na die Kaap te sleep om 'n watertekort aan te vul? Hoe gereeld en hoe moet 'n horlosie gediens word? Is stoom sigbaar of onsigbaar? Jannie Hofmeyr, Dave Pepler en Jurie van den Heever beantwoorde díe vrae.

Kan 'n mens seewater gebruik om 'n komposhoop klam te hou? Watter nut het muskiete, behalwe om mense lastig te val en siektes oor te dra? Behoort die bymot tot die by-familie? En waar kom die katoenvlekbesie aan sy naam? Watter voordeel hou die teel van kleurvariante vir wildbewaring in? Piet Eloff, Bennie Schloms en Henk Geertsema beantwoord al díe vrae.

Kan 'n klomp vuurvliegies 'n bewegende ligbal vorm? As babapoeier gebruik word om miere dood te maak, is dit dan nie ook vir die mens giftig nie? Kan 'n mens onbeperk boorgate sink om tydens droogtes water te verskaf? En watter weerpatrone speel 'n rol in droogtes? Hoor wat is Piet Eloff, Bennie Schloms en Henk Geertsema se antwoorde op hierdie vrae.

Hoe bepaal wetenskaplikes hoeveel spesies daar is, en wanneer dit 'n nuwe spesie is? Kan visse pyn ervaar? Hoe kry klein hondjies en katjies dit reg om lang rukke onder 'n kombers te lê, sonder om benoud te raak? Migreer koning-rooibekkies, en bou hulle hul eie neste?