Groeipyne

Hoe moet jy met kinders gesels oor al die veldtogte wat op die oomblik aan die gang is oor geweld teenoor vroue en kinders. Johan van Lill praat hieroor met Marga Botha, 'n onderwyskundige en kenner oor seksualiteitsopvoeding.

Dis Nasionale Boekeweek, en Johan van Lill gesels met twee leeskenners oor hoe om kinders lief te maak vir lees. Hoekom is slaaptydstories so belangrik? Hoe kan 'n besoek aan die biblioteek 'n genotvolle ervaring vir ouer en kind wees?

Johan van Lill praat met ST Potgieter, 'n sielkundige, oor hoe om dit te hanteer as jou kind begin om maatjies se goed te vat, of wanneer kinders steel. Hoe gesels ek met my kind daaroor, en hoekom doen soveel kinders dit al het hulle alles wat hulle nodig het?

Johan van Lill praat met dr. Tania Beeton, 'n oudioloog, oor hoe gehoortoetse by kinders werk.

Johan van Lill praat met opvoedkundige sielkundige Elzette Fritz oor hoe om die versorging van troeteldiere met kinders te hanteer, en watter positiewe impak dit op die gesin kan hê. Dr. Pierre Snyman, 'n veearts, gee ook wenke oor hoe om jou troeteldier aan 'n nuwe baba gewoond te maak.

Johan van Lill praat met opvoedkundige sielkundige Katherine van Heerden oor die rol van ma's wat saam met die wêreld van werk verander het, en hoe ma's die uitdagings kan hanteer. 'n Klompie ma's vertel ook hoe hulle oor hulle rol as 'n ma voel.

Johan van Lill praat met dr. Deon Bruwer, 'n pastorale berader, oor hoe ouers die verbrokkeling van die huweliksverhouding met hulle kinders kan hanteer.

Johan van Lill praat met dr. Deon Bruwer, 'n pastorale berader, oor die effek wat volwasse verhoudings in die huis op kinders se ontwikkeling het.

Johan van Lill met praat Fanie Kriel, 'n pastorale berader, oor gesins- of huisvergaderings. Wat is 'n huisvergadering en wat is dit nie? Hoe kan gesinne dit aanpak en baatvind daarby? Watter aspekte is belangrik om dit 'n positiewe ervaring te maak vir almal betrokke?

Johan van Lill praat met dr. Melodie de Jager oor hoe ouers en versorgers moet dink oor herhaling. In die ou dae het ons gepraat van kinders wat druip of dop. Hulle kyk ook na die rol wat lees speel in kinders se vordering, en die belangrikheid daarvan dat kinders in hulle moedertaal moet leer lees.

Ons praat oor rangorde binne gesinne en spesifiek oor die middelkinders. Is daar iets soos middelkindsindroom en hoe kan ouers dit hanteer? Die gas is die sielkundige, ST Potgieter. Ons gesels ook oor die uitdagings waarmee die oudste en jongste kinders baie keer te doen kry.

Wanneer is watter tipe terapeut vir kinders nodig? Waarop fokus elke tipe terapeut? Johan van Lill praat met 'n opvoedkundige sielkundige, Elzettte Fritz, oor die verskillende tipes terapeute wat mens kan gebruik om kinders te help ontwikkel en wat elke soort terapie behels.

Dis vakansietyd en kinders kla dikwels dat hulle dan verveeld is. Baie ouers en versorgers is geïrriteerd met hierdie stand van sake. Maar is verveeldheid 'n negatiewe ding by kinders? Lizanne du Plessis, arbeidsterapeut, praat met Johan van Lill oor die positiewe aspekte van verveeldheid en hoe dit kan bydra tot breinontwikkeling.

Hoe gemaak as jou kind se onderwyser hom of haar afknou of selfs boelie? Hoe moet jy as ouer of versorger die situasie hanteer. Johan van Lill praat met Marinda Cruywagen, opvoedkundige sielkundige, oor wat die regte prosedure is om te volg tot voordeel van almal betrokke.

Wanneer ouers nie kan ooreenkom oor hoe hulle kinders grootgemaak moet word nie, dan is bemiddeling die eerste opsie om 'n ooreenkoms te bereik – of die ouers nou getroud was of nie, mediators kan help om dinge vlotter te laat verloop. Johan van Lill gesels oor die mediasieproses met Carl Vlok, geakkrediteerde bemiddelaar.

Dis kinderbeskermingsweek en in Groeipyne gesels Johan van Lill met dr. Melodie de Jager, ontwikkelingskenner, oor kinders se emosionele veiligheid en die rol wat sintuie daarin speel

Hoe kry jy 'n balans met higiëne by jou kinders? Aan die een kant kan 'n mens obsessief higiëne najaag, maar dan het dit weer aan die ander kant 'n negatiewe impak op kinders se ontwikkeling. Johan van Lill gesels met Elzette Fritz, 'n opvoedkundige sielkundige, oor hoe skoonmaak, netheid en higiëne in gesinne benader kan word.

Terapie waar perde gebruik word, neem al hoe meer toe en kinders vind ongelooflik baat by hierdie terapie. Johan van Lill gesels met Katherine van Heerden, opvoedkundige sielkundige, wat in hierdie tipe terapie spesialiseer, en verduidelik hoe dit selfs kinders wat op die outistiese spektrum is, help.

Tienerswangerskappe is een van die realiteite waarmee baie gesinne onverwags te doen kry. Johan van Lill praat met Erna Rheeder van SAVFamnet oor hoe gesinne dit kan hanteer, en watter rol die tienerpa speel.

Het jy en jou gesin al oorweeg om platiekvry te leef? Johan van Lill praat met Johannes de Villiers, 'n joernalis, oor hoe jy en jou kinders minder plastiek kan gebruik tot voordeel van die omgewing.

Johan van Lill praat met opvoedkundige sielkundige Fred Schouwink oor kinderangs, en hoe ouers en versorger nie te beskermend of te gou moet intree wanneer 'n kind angs ervaar nie, want dit kan selfs tot verdere angs lei. Hulle praat ook oor wanneer om hulp te kry vir angs by kinders, en hoe so 'n proses werk.

Johan van Lill praat met onderwyskundige Marise Oberholzer oor die gaping tussen Graad 6 en Graad 7 wiskunde. Baie kinders ervaar 'n insinking in hulle wiskunde-prestasie in hierdie fase van hulle skoolloopbaan.

Johan van Lill praat met dr. Marlena Kruger oor digitale geletterdheid, en hoe om die sinvolle en gebalanseerde gebruik van tegnologie met jou kinders toe te pas. Hoe kry ek 'n gesonde balans tussen menswees en tegnologie in ons huishouding?

Johan van Lill praat met onderwyskundige Petrus Jacobs oor hoe gesprekke met jou kinders kan verloop, wat redenasievermoë stimuleer. Kinders wil baie keer met jou oor sekere reëls of geleenthede onderhandel, en die manier waarop mens dit doen kan kritiese denke en die vermoë ontwikkel om argumente te formuleer, gestaaf met bewyse of navorsing.

Johan van Lill gesels met twee kenners oor toegang tot kinders. Hoe gemaak as een van die ouers die kinders vervreem en my toegang tot my kinders verhoed? Onlangs is daar in die media berig oor ouers wat in hegtenis geneem is omdat hulle hul toegang tot hul kinders uitgevoer het en die ander ouer die polisie se hulp ingeroep het om die kinders op te spoor. Wat is my as ouer se regte?