ESPERTA VALLADARES

Hoxe falamos con Marta, a coordinadora do campamento de verán no centro veciñal. E tamén marcharemos ás Cíes… que hai excusión familiar o día 13… Escoitaremos recordos e conversaremos con Gonzalo, que dende lasislascies.com recolle todo o que precisamos para visitalas.

O noso último plan por Vigo vai no #EspertaValladares deste luns, ir ata a Galería Maraca a desfrutar da exposición das obras feitas por Pelucas e os nenos da EEI Monte Alba. Conversamos con el e máis con Elena, a profe que anda detrás do proxecto. Ademais, algunhas recomendacións literarias: 'Os médicos tamén enferman' de Martiño Noriega e 'Futuro imperfecto' de Xulia Alonso. E algo de toponimia...

Conversamos con Alberto Abal do Coro Voces Graves, da proposta para celebrar a Rosalía o 15 de xullo, data do seu pasamento. Paseo e concerto polos lugares onde se publicou 'Cantares Gallegos'. Ademais, como respirades? Disto falamos con Adrián Vilaboa, que viu dar un obradoiro no VigoSaxforum.

Un pouco de historia, que sempre está ben aprender do noso pasado. Charla co colectivo «Memoria, Verdade e Xustiza».

Deportes, desta volta conversaremos coa organización do Basket na Rúa. A traballadora social do centro veciñal tráenos a Sabela, a avogada, do programa ‘Amparando Mulleres’ en Valladares. Ademáis, falaremos coa xente da comunidade de montes de Couso, do seu bo facer e dos recoñecementos que están a recibir.

No #EspertaValladares deste martes… proposta para soportar o calor. Visita guiada pola exposición “Impresións de Castelao en Vigo” na Pinacoteca Fernández del Riego da man dun dos seus comisarios, José Luis Mateo. E recomendacións literarias, que estamos no verán: 'Las cosas que nos pasan' de Guada Guerra, 'Son coma glaciares os barcos de aceiro' de Cynthia Menéndez e 'Todo es verdad porque nadie...

Envolvernos na música das verbenas de principios do s. XX é a proposta da Orquesta Clásica de Vigo... ó fresquiño dun claustro. Tamén conversaremos sobre deseñar vestiario para cine e teatro con Aránzazu Domínguez, de Moharé.

Non marchamos moi lonxe, que imos falar con quen coida do xardinciño ó redor da piscina. Ademais, domingo á tardiña comeza o Vigosaxforum cun concerto de apertura no auditorio.

No #EspertaValladares deste xoves iremos ata o taller de Remixio, que nos abriu as portas da súa casa unha vez rematada a escultura do Santo Condestável, São Nuno de Santa Maria. Desta última peza, do que garda no seu xardín… de todo isto falamos con el.

Barcos que semellan dragóns flotantes. Toca algo deportivo e chamativo. Conversa coa xente de Dragón Boat Galicia. E despois paradiña na casa. Falaremos cos mestres da formación dixital no proxecto Amparando Mulleres e mais co de xardinería.

Sen meigallo e xa perfumados, chegou o verán e xa andan por aquí os cativos nos campamentos. Ademais, exploraremos outros lugares e xentes co VAI, o voluntariado ambiental da Xunta nos 22 espazos naturais de Galicia. E tamén unha voltiña sensorial polas alfombras de Pontareas.

É a noite das fogueiras de San Xoán… demos un paseo ao carón da piscina e atopamos quen nos falou das herbas do ramo e tamén con quen estaba a traballar na fogueira, que a leña non camiña soa. Ademáis, conversa con A Senda do Moucho, para coñecer a natureza e as propostas que nos ofrece este verán.

De cómics, de animación, de cine… pero tamén da vida, da emigración, de Cuba… de todo esto falamos con Ermitis Blanco, productor, director e agora tamén debuxante de banda deseñada. E como sempre os venres no #EspertaValladares temos unha cita con Castrelos e coa axenda, que empeza o verán.

Despois de tanta calor… imos ó mar. Falaremos con O Peirao, a Federación Galega de Redeiras Artesás. E conversa con Rafa Bañón, biólogo, das especies exóticas e de gran tamaño que están a chegar ás nosas rías. Ademáis, baixamos a Vigo e, de momento, só vos narramos a viaxe.

Os deportes do #EspertaValladares deste mércores quedan na casa, que o Clube de Patinaxe ven de levarse o Campionato Internacional Cidade de Vigo en modalidade show. E despois imos ó monte… a que nos conten do proxecto Montes de Vigo 2046, que ven de tirar as primeiras conclusións.

A Fundación Xoan Piñeiro ven de editar dous libros sobre escultores galegos…pero siguen a traballar en máis. No Esperta Valladares deste martes ven ata a radio Suso Vázquez, o director da Fundación. Tamén viñeron ata o noso recunchiño os cativos do EEI Monte Alba. Desta vez os pandas xunto coas súas profes Noe e Lucía.

Comezamos a semana no mar, subidas a unha batea…. Para coñecer os novos materiais cos que están feitas, conversa con Formex. E para saber das novas tecnoloxías coas que traballan nelas falaremos coa xente de Atlanttic.

Chega a finde e traemos proposta de camiñata. Unha rutiña polas esculturas que hai no Cepudo e Monte Alba

No #EspertaValladares do xoves quedamos na casa. Ven ata a radio Fátima, a traballadora social para falarnos do programa Amparando Mulleres. Escoitamos ós pandas do EEI Monte Alba, que viñeron de visita ata a radio. E despois, marchamos de viaxe ata Islandia, onde coñeceremos ó escritor Elías Knörr.

Seguir activas, socializar… son os motivos que enchen as actividades de pilates ou ioga nos centros culturais… mellor que nolo conten elas. Ademáis falaremos coa xente de LáserOn, que veñen de conseguir financiación para sacar adiante un novo proxecto de reciclaxe de vidros con láser. E se cadra, un paseíño pola Porta do Sol.

Un paseo pola historia… pola nosa. Coñeceremos con Aixa Costas o Vigo medieval, a súa historia, as súas personaxes… as que vivían no porto pero tamén os de Valladares!

Un pouco de todo para o #EspertaValladares do luns. Conversa sobre o I Certamen Teatro Amador de Vigo. E viaxe ata a escola de Niegue, Senegal. Alí estivo o profesor do IES Valadares, Marcos Barreira no mes de febreiro. Imos ver que vínculo educativo se está a crear cos rapaces do IES. E na toponimia, imos ata 'a resteba', en Vincios.

Ás veces a música nos chama… e cando é en Castrelos aínda máis, así que no #EspertaValladares deste venres escoitaredes como foi a nosa visita ao pazo co excusa de escoitar a Pelica de Can, que abre os seus concertos no ciclo Conexións da Fundación Mayeusis co Viravai que Leni recolleu en Valladares.

Coñecemos a proposta que nos fan dende Sete Falares, o encontro de narración oral que cita en Pontevedra a contacontos de aquí e acolá. Ademais, sabemos das excursións que organizan este verán dende o Centro Cultural.

O deporte deste mércores no #EspertaValladares ten fins solidarios. Un trail facendo o percorrido da N-120, ou mellor dito, cubrindo a distancia entre o Hospital de Ourense e o Álvaro Cunqueiro, aproveitando sendas históricas como o camiño da Raíña... E ademáis coñeceremos EMRA, o proxecto que estaba detrás da exposición Escoitar que poñía en valor o traballo das redeiras galegas.