Əkinçi

Biotexnologiya fərqli məhsullar hazırlamaq üçün bioloji sistemlərdən, canlı orqanizmlərdən və ya onların hissələrindən istifadə edən texnologiyadır. Bu dəfəki videomuzda onkoloq-cərrah Vüqar Yaqublu ilə dünyanı dəyişən biotexnoloji startaplar haqqında söhbət etmişik.

Kolumbiya Universiteti doktorantı Abbas Abbasovla təhsil xeyriyyəçiliyinin tarixi və əhəmiyyəti haqda danışmışıq.

Yaşadığımız yerdəki memarlıq nümunələri həyatımıza nə qədər təsir edə bilir? Növbəti qonağımız memar İlqar Manafsoyla müsahibəmizi izləyin.

Şəhərdə gündəlik istifadə etdiyimiz nəqliyyat, ictimai binalar, xəstəxanalar və digər infrastruktur obyektləri təəssüf ki, heç də hamı üçün əlçatan deyil. Bəs şəhərlərin daha inklüziv olması üçün nə edə bilərik? Sosial sahibkar Məhəmməd Kekalovla bu mövzu haqqında söhbət etmişik.

Hüquqşünas Emin Aslan ilə Avropa İnsan Hüquqları Məhkəməsinin yaranmasının qısa tarixi, məhkəmənin fəaliyyət istiqamətləri və Azərbaycanla bağlı vəziyyət haqqında söhbət etmişik.

“Bir neçə ildir tədqiqatçılar yaxın zamanda belə bir pandemiyayla üzləşəcəyimiz barədə kitablar yazırlar, məqalələr dərc edirlər. Təəssüf ki, bu inamsızlıq məlumatsızlıq səbəbindən hələ də davam edir.” Növbəti videomuzda bioloq Naqi Məhəmmədzadə ilə elmi metod haqqında danışmışıq.

Münaqişələrin transformasiyası mütəxəssisi Nuriyyə Həsənova deyir ki, münaqişə və sülh tədqiqatlarını anlamaq üçün əvvəlcə onların nəsillərini anlamaq lazımdır. Qonağımızla müharibə və sülh tədqiqatlarının inkişaf mərhələləri haqqında söhbət etmişik.

Tədqiqatçı Elnaz Vəliyeva deyir ki, su çatışmazlığının qadınlar üzərində təsirlərinin böyük olduğu halda, su ilə bağlı məsələlərdə qadınlar qərarvericilikdə iştirak etmirlər.

Gender və münaqişə araşdırmaçısı Sevinc Səmədzadə deyir ki, cinsi zorakılığa məruz qalmış insanlar nə qədər çox bu haqda danışsa və bunu ictimailəşdirsə, digər insanlar da başa düşəcək ki, onlar tək deyillər.

Bu yaxınlarda qadınlara və LGBT fərdlərinə qarşı zorakılıq çağırışı edən videoların sosial şəbəkələrdə yayılması böyük səs-küyə səbəb oldu. Belə hallarda hansı addımları ata bilərik? Hüquqşünas Ayşə Abdel Qadir ilə nifrət nitqi və ona qarşı görə biləcəyimiz tədbirlər haqqında danışmışıq.

Qidalanma bizim üçün bəsit, şüurlu şəkildə fikirləşmədən hər gün həyata keçirdiyimiz bir akt olsa da, əslində, həyat keyfiyyətimizə böyük ölçüdə təsir edir. Əkinçinin növbəti qonağı molekulyar bioloq Nərmin Axundova ilə qidalanmanın həyat keyfiyyətinə təsiri haqqında söhbət etmişik.

Media hüququ üzrə ekspert Ələsgər Məmmədli deyir ki, milli tezlik resurslarından istifadə etməyən kütləvi informasiya vasitələrinin tənzimlənməsi dövlətin səlahiyyətləri çərçivəsində deyil.

Fariz Namazlı deyir ki, LGBT-lərə qarşı iş yerində və ya gündəlik həyatda ayrıseçkilik, zorakılıq halları baş verdikdə onlar mütləq müvafiq orqanlara şikayət etməli və bu halın məhz onların LGBT kimliklərinə görə baş verdiyini qeyd etməlidirlər.

Müxtəlif növ oyunlar şagirdlərin öyrənmə prosesinə müsbət təsir edə bilər. Qonağımız, müəllim Aygün Pəncəliyeva ilə belə oyunlardan biri - 7 ailə oyunu haqqında söhbət etmişik.

Publisist Orxan Adıgözəl ilə əlillik və posstravmatik dövr haqqında danışmışıq.

Memar Toğrul Bayramov deyir ki, ağıllı şəhər deyəndə bir çox insanın ağlına robotlar, göydə uçan avtomobillər gəlsə də, əslində, bu şəhərlər sadəcə olaraq, insanı mərkəzə qoyan və ona xidmət edən şəhərlərdir.

Yalan xəbər fenomeni pandemiya və müharibə vaxtı olduqca geniş yayıldı. Yanlış məlumatlardan özümüzü necə qoruya bilərik? Növbəti videomuzda ictimaiyyətlə əlaqələr üzrə mütəxəssis Rəşad Hüseynovla yanlış məlumatlara qarşı xəbər savadlılığı haqqında söhbət etmişik.

İqtisadçı Fərid Mehralızadə deyir ki, malik olduğumuz datalar və rəsmi statistik göstəricilər reallığı əks etdirmirsə və real vəziyyəti göstərmirsə, tətbiq etdiyimiz siyasət mexanizmlərinin də uğurlu olmaq şansı yoxdur.

“Yalnız vergi güzəştləri verməklə, güzəştli kreditlər verməklə iqtisadiyyatı inkişaf etdirmək mümkün olmayacaq. İqtisadiyyata gedən yol rəqabət mexanizminin düzgün işləməsindən gedir.” İqtisadçı Azər Mehdiyevlə rəqabət haqda söhbət etmişik.

Bütün dünyada pandemiya dövrü ən çox əziyyət çəkən qruplar cəmiyyətin həssas və marginallaşmış qrupları oldular. Bu qruplardan biri də narkotik maddələrə asılılığı olan insanlardır. Tədqiqatçı Aysel Sultan ilə narkotik asılılığına dəstək xidmətləri haqqında söhbət etmişik.

Kinotəndiqçi Hacı Səfərov deyir ki, son zamanlar müstəqil rejissorların çəkdiyi filmlər beynəlxalq festivallarda uğur qazansa da, yerli auditoriyanın əksəriyyəti onları tanımır. Qonağımız bunun səbəbləri haqda fikirlərini bölüşür.

İqtisadçı Əhliman Abbasov deyir ki, rifah siyasətləri, əslində, iqtisadi produktivliyin və iqtisadiyyat üçün faydalı ola biləcək resursların artmasına səbəb olur.

Kurikulum üzrə mütəxəssis Yuliya Kərimova deyir ki, şagird naliyyətlərinin yüksəlməsi üçün məktəblər təkmilləşməlidir, məktəblərin təkmilləşməsi üçün müəllim keyfiyyəti təkmilləşməlidir, müəllim keyfiyyətinin təkmilləşməsi üçün isə müəllimlərin peşəkarlıq standartları olmalıdır.

İqlim böhranının get-gedə kəskinləşdiyi dövrdə dünyanın hər yerində ətraf mühit məsələlərinə qarşı biganə qalmaq istəməyən insanların sayı artır. Azərbaycanda bu proses nə yerdədir? Eko-aktivist Cavid Qara ilə Azərbaycanda və dünyada eko-aktivizm haqqında söhbətləşmişik.

Poliqlot təlimçi Aslan Məmmədzadə deyir ki, yeni bir dil öyrənərkən ən vacib məqam dinləməkdir. Qrammatika, yeni sözlər öyrənmək isə işin ancaq 20-30 faizini əhatə edir.