Driesestig

Christin Flynn gesels met Johan Rademan en Martelize Brink oor haar poging om die eerste vrou te word wat die vinnigste met 'n fiets om die wêreld te ry. PG Paradigm gesels saam oor die voorbereidings.

Die oorlewing van die wildbedryf te midde van klimaatsverandering is in die kollig. Lizma van Zyl gesels met wildlewe-wetenskaplike Deon Furstenburg oor die noodsaaklikheid daarvan dat wildspesies van habitat moet kan verander om klimaatsverandering te kan oorleef. Soos Furstenburg verduidelik is dit egter makliker gesê as gedaan.

Francois Viljoen en Phil Smerkovitz gesels met Johan Rademan oor termiese beelding, en hoe dit gebruik word om mense met die COVID-19 coronavirus op lughawens op te tel.

Prof. Mariana Kruger gesels met Johan Rademan oor Wêreld Kinderkankerdag.

Dr. Ingrid de Wet, 'n veearts, gesels met Martelize Brink oor oefen met troeteldiere.

Dr. Andre Hattingh gesels met Martelize Brink oor Pediatriese Sorg SA, en toegang tot lewensreddende operasies vir kinders.

Meer as viermiljoen mense in Suid-Afrika is doof of hardhorend. Werkloosheid onder die groep is 'n groot uitdaging. Jacqui January praat met Rina Jooste, wat betrokke is by 'n nie-winsgewende organisasie wat werksgeleenthede skep vir mense met gestremdhede.

Dieetkundige Irene Labuschagne vertel vir Johan Rademan van die waarde van borrie- en gemmertee.

Dr. Jantjie Taljaard vertel vir Johan Rademan van die coronavirus, en aandag wat dit in die media kry.

Na aanleiding van die stigter van Ladismith Black Mambazo, Joseph Shabalala, se afsterwe, vertel Coenie de Villiers 'n mooi storie van Joseph se nederige reaksie op 'n versoek om sy Grammy-toekenning te besigtig.

Tanya O'Connor het 'n paar jaar gelede die eerste inkleurboek vir volwassenes geteken. In weerwil van 'n rits terugslae in die lewe, verkies sy positiwiteit. Haar destydse blog, HELLO LEWE, het 'n gelyknamige boek geword waarin sy mense met haar stories inspireer. Haidee Muller gesels met haar oor die kind wat sy op 43 gehad het, hoe sy haar seuntjie motiveer, en hoe sy staande bly nadat sy vele g...

Pieter du Preez vertel vir Johan Rademan en Martelize Brink van sy deelname aan die OCC rolstoeluitdaging op George, en sy verskeie sportprestasies.

Op De Vlugt, 'n gehuggie langs die Prins Alfred-pas in die Suid-Kaap, het Mariska Spoormaker gesels met Tinkels, oftewel John Henry Ketchen, diaken van die Congregational Church vir De Vlugt en Boskloof. Voltyds is hy 'n plaaswerker - in sy vrye tyd roei Tinkels vrywillig indringerbome uit, want volgens hom is dit groen gemors.

Burgert Muller vertel vir Martelize Brink van vlieë en die 200,000 vlieë in die versameling van die Nasionale Museum in Bloemfontein.

Petra Broddle vertel vir Martelize Brink van nuwe plantspesies wat in Suid-Afrika en die wêreld ontdek word. Sy vertel ook hoe die spesies hulle name kry.

Haidee Muller het al die storie van Wayne Olivier vertel. Hy was langer as 10 jaar 'n volslae dwelmverslaafde. Hy het al op 16 met dwelsm begin eksperimenteer. Vandag is hy al 'n hele paar jaar lank skoon, en hy blink uit in kragoefeninge (powerlifting). Wayne het reeds sewe rekords in hierdie sport laat spat. Hy het Suid-Afrika einde verlede jaar in Finland verteenwoordig. Haidee het weer by hom...

Martelize Brink gesels met Jan Boland Coetzee oor sy 1659-erepenning, die 2020-oes, sy liefde vir die natuur en die Bokke se oorwinning in die Wêreldbeker.

Om deesdae gesond en lekker, maar ook klimaatslim te eet, is 'n uitdaging en almal het 'n stuiwer in die armbeurs te gooi oor wat nou eintlik die regte dieët vir die planeet is. Navorsing wys dat die voedselketting se koolstofvoetspoor groot afdrukke laat. Lizma van Zyl gesels met koskenner Aletta Lintvelt oor hoe ons klimaatslim kan eet sonder om afstand te doen van ons kosplesiertjies.

Chris van der Westhuizen deel herinneringe van sy ma, wat alom bekendgestaan het as Tant Nellie Naald. Sy was desjare Prieska se top naaldwerkster.

Die bestuurder van die Suid-Afrikaanse Kinderhuis in Kaapstad, Sandra Collins, vertel van die uitdagings wat kinderhuise ervaar.

Het jy geweet potspel is heelbo op die lys van sportsoorte wat in Suid-Afrika beoefen word? Op 'n professionele vlak is die sport tradisioneel deur mans gedomineer, maar vroue tree al hoe meer toe tot die sportkode. Die 2019 Afrika- en Wêreldkampioen vir vroue is Suid-Afrika se Amy Claire King. Jacqui January gesels met Amy en haar agent, Johan Fourie.

Johan Rademan en Martelize Brink gesels met Zoë Steyn, Suid-Afrika se goue meisie van branderplankry.

Carmen Balie is 'n sielkundige wat honde gebruik tydens terapiesessies met kinders. Haidee Muller het met haar gesels oor haar passie, en hoe sy dit doen.

Dr. Marlena Kruger bespreek haar loopbaan as radiografis, opvoeder en sielkundige, en brei uit oor die impak van mensgemaakte straling wat vanaf selfone, wi-fi, selfoontorings en antennas afkomstig is.

Jonathan le Riche van Phatshoane Henney Prokureurs verduidelik die regsimplikasies van kameras wat jou in openbare gebiede dophou.