Die bankroof – ’n vervolgverhaal

Joernalis Rachel Wolvaardt is besig om te krap waar dit ongemaklik raak. Sy is dringend op die spoor van prokureur Louis Ludik. Met watter belangrike inligting kom sy terug uit die Kaap?

Magriet word na die polisiestasie ontbied. Nes sy dink sy gaan vir moord gearresteer word, daag hulp op. Die komende onthulling van Fanie en Pauline se standbeeld sorg steeds vir groot ongelukkigheid.

Juliana sorteer haar saak met Nettie uit op ʼn manier wat Nettie verstom. Nettie kry ʼn oproep met ʼn aanbod wat haar eweneens stom laat. Juliana het allermins vergeet wie die dolk met die verkiesing in haar rug gedruk het.

Shirley stel grense en besluit om drasties op te tree. Die bohaai oor die uitslag van die verkiesing wil nie gaan lê nie. Die volgende berugte koevert van die bankrower word afgelewer.

Magriet Manders ontgeld dit toe die Kaptein by haar kantoor instorm. Die teksboodskap wat die burgemeester kort voor sy dood ontvang het, laat ʼn geskarrel ontstaan. Magriet kry onverwags hulp oor die standbeeld.

Die jongste skok op Maraisburg laat die dorpenaars behoorlik kwetter. Die meeste vingers wys na een mens. Die ondersoekende joernalis, Rachel, laat haar nie mislei deur skinderstories nie.

Die vorige aand se skokkende verkiesingsuitslag word druk bespreek. Kaptein Van Rooy is klaar besig met sy volgende dringende ondersoek. Magriet word tot in haar fondamente geskud.

Die spanning loop hoog by die saal waar die stemme ná die verkiesing getel word. Juliana word daar ingewag deur iemand wat haar ʼn lelike skrobbering gee.

ʼn Bekommerde Juliana en Vincent sit dringend koppe bymekaar. Vincent word verras by sy huis. Daar is ʼn koorsagtige geskarrel op Maraisburg – die dag van die tussentydse verkiesing breek aan.

Shirley is diep bekommerd en kry raad. Hoe en waar is Fanie Manders destyds vermoor? Magriet word geskok oor ʼn standbeeld wat in wording is.

ʼn Onbekende man onder die koelteboom sorg vir ʼn opskudding. Die volgende berugte koevert maak sy verskyning en sorg vir ontsteltenis … en met rede.

Juliana is passievol besig om stemme te werf vir die tussentydse verkiesing. Rachel is ywerig besig om haar feite oor die berugte koeverte op datum te kry. Sy merk ʼn motor op wat oral opduik en begin wonder.

Iemand van wie ʼn mens dit nie verwag nie, ontferm haar oor Shirley. Philip en Magriet verskil weer heftig van mekaar. Shirley besluit om te gaan hulp soek.

Vincent sien skielik kans om sonder sy prokureur sake aan te pak. Hy kom gou agter die kaptein het ʼn lang lys van beskuldigings. Hy gaan soek troos.

ʼn Volgende berugte koevert daag op en sorg weer vir konsternasie. Wie word daarmee stormgeloop, en waaroor gaan die bohaai?

Kyk wie kuier saam met die “piekniekgangers” op die walle van die Canolarivier! ʼn Bekende dorpenaar word daarvan verdink dat hy die bankroof se tonnelsand in die Canolarivier gegooi het. Hoe het Pauline Putter werklik destyds gesterf?

Waaroor loop Philip vir Magriet dié keer storm? Hy moet hulp inroep. Iets wat die burgemeester kwytgeraak het, laat hom wonder. Magriet praat haar mond verby, en dit het gevolge.

Philip en Shirley loop mekaar raak. Shirley se senuwees is op hol en sy neem in dié toestand ʼn besluit. Nettie kry ʼn besoek by haar woonstelblok wat haar verras.

Die burgemeester is op die oorlogspad. Nettie kry ʼn vreemde pakkie om af te lewer. Sy kom op iets af wat haar hewig ontstel … en met rede.

Juliana en Vincent vier uiteindelik hulle vennootskap. Koevoet se erfgename ontlok steeds intense bespreking. Die kaptein is duidelik nie gewild nie, want iemand gee hom gas.

Vincent kry ʼn besoek wat hom heeltemal gooi. Die volgende oggend word hy Kleinbult toe ontbied, en hy kom geskok op Maraisburg terug. Hoekom ry hy met die nuus reguit Potpourri toe?

Nettie vat Juliana ná ʼn droefgeestige middag huis toe vir hulle eerste werksessie – dit word ʼn verrassing. Iemand daag by Potpourri op spesiaal om ʼn paar “inkopies” by Nettie te doen. Magriet se dag sluit af met ʼn skok.

As Juliana gedink het haar probleme is agter die rug, is sy verkeerd. Nettie bring die slegte nuus wat Juliana laat rondskarrel. En net toe sy dink sake kan nie erger nie, gebeur die ergste.

Kaptein Van Rooy en die joernalis Rachel hou piekniek op die wal van die Canolarivier, maar dis meer as net ʼn onskuldige piekniek. Iemand bied ongevraagd hulp aan om te probeer verseker die Fanie Manders Hulpfonds word ʼn werklikheid.

Rachel en Philip stamp weer koppe. Die Fanie Manders Hulpfonds saai groot verdeeldheid in die dorp. Daar is iemand wat besluit dié fonds sal ʼn werklikheid word al spat die vonke.