Día a Día

Ás 18.30 h abrirá no Paseo da Corredoira o Mercado de Nadal organizado polo Concello de Tui. Até o próximo domingo 12 vinte postos ofrecerán produtos vinculados a estas datas dende decoración, agasallos ou gastronomía. Nolo contou a concelleira de Comercio, Ana Mª Núñez.

Hoxe ás 18.30 h na praza da Inmaculada terá lugar o acendido da iluminación de Nadal que marca o inicio da programación festiva. Tamén hoxe se estrea a decoración de Nadal á que este ano se sumaron as asociacións culturais

"76 kilómetros" é o título da novela de intriga que vén de publicar Ernesto García. Ambientada na Catedral de Tui e no contrabando entre Galicia e Protugal nos anos 50 e 60 é froito do traballo de investigación realizado nos últimos anos. Hoxe falamos con el da súa relación con Tui e da novela.

A Cruz Vermella no Baixo Miño iniciará o 22 de decembro unha actividade de Xestión Emocional en Tui. Terá lugar de 10 a 12 h. Da mesma falamos hoxe con Neli Rodríguez e Elsa Bugallo da Cruz Vermella Baixo Miño.

O vicedirector do AECT Río Miño, Uxío Benítez, lamentaba que cunha decisión que afecta a tantas persoas na zona fronteiriza non se envíe unha mensaxe clara por parte do goberno portugués, o que provoca dicía un "efecto espantada na fronteira".

Confusión e preocupación xerou en Valença a medida anunciada polo goberno portugués para acceder ao país veciño coa entrada en vigor esta pasada noite no Estado de Calamidade. Así o explicaba o presidente da Cámara, José Manuel Vaz Carpinteira. Aclaraba que neste momento con certificado covid da UE é suficiente.

O alcalde de Tui, Enrique Cabaleiro, pronuncíabase hoxe o paso a Portugal co pasarporte covid europeo. Daba conta tamén do empeoramento dos datos con respecto á covid, e lle preguntabamos sobre as obras de renovación de infraestructura e vía do tramo Estación de Guillarei-Frontera portuguesa que ADIF vén de sacar a licitación.

Con José Antonio Torres, director de Altos de Torona coñecemos dous dos produtos desta adega relacionados co Nadal coma son os Altos de Torona Brut e o Turrón de Albariño Bell Prazer.

A ANPA do Colexio Maristas de Tui organiza un rastrillo a favor de ASANOG, a Asociación de Nenos Oncolóxicos de Galicia, celebrarase os días 10, 11 e 12 de decembro no claustro do Seminario. Estes días están a recoller os xoguetes e libros que logo conformarán o rastrillo.

Este venres, ás 21.30 h Camerata Lírica presenta no Teatro Municipal de Tui "La Boheme" de Puccini dentro da xira que están a realizar por toda España. É unha adaptación desta ópera para que se poden adquirir as entradas en www.tui.gal aos prezos de 8€ e 6€.

A Banda de Música Popular de Tui vai celebrar mañá sábado, 27 de novembro, ás 20 h no Teatro Municipal de Tui o seu 140 aniversario cun concerto moi especial. Así nolo contaba hoxe o seu director, Eloy Carrera. Quedan xa moi poucas entradas dipoñibles en enterticket.es

A Guarda nomeará mañá a Eliseo Alonso coma fillo adoptivo da vila. Será nun pleno que comezará ás 11 h. Inauguraranse dúas exposicións, e un monumento dedicado ao homenaxeado. A concelleira de Cultura, Montserrat Magallanes, daba conta do programa previsto.

O Hostal La Sigrina de Tui está a realizar a terceira campaña de recollida de alimentos e xoguetes. Da mesma falamos hoxe con Marío Domínguez, quen explicaba que estes produtos se poden depositar no banco blanco situado na porta do establecemento. Despois todo este material será doado a SOS Tomiño Baixo Miño.

Este domingo FEMUPO e AMEI Tui organizan a I Andaina Contra a Violencia de Xénero. Sairá ás 10 h da vella Ponte Internacional e percorrerá o tramo do Camiño de Santiago até o Centro Cultural de Ribadelouro. A presidenta de AMEI Tui falounos desta actividade.

ÁS 19.30 h a Biblioteca Municipal de Tui acolle a presentación do libro "A Viaxe Xeométrica de Domingo Fontán" da autoría de Alberto Fortes. O autor explicou coma xurdiu esta novela, coma mestura ficción con realidade en capítulos pares e impares, e tamén deu conta da nova obra na que traballa.

O mito de Orfeo chega mañá ás 19.30 h ao Teatro Municipal coa compañía La Canica. Adaptan este clásico para público familiar polo que recibiron o premio FETEN 2020. Pablo Vergne, autor e director da obra, dábanos os detalles desta proposta teatral.

Con motivo do Día Internacional contra a Violencia de Xénero Salceda de Caselas súmase á campaña "En Negro". Das actividades que están levando a cabo daba conta a concelleira de Igualdade, Loli Castiñeira.

O Rosal continúa "Revolucionando Mentes" cos actos organizados con motivo do 25N, Día Internacional contra a Violencia de Xénero. A alcaldesa Ánxela Fernández deu conta do programa previsto.

Accións cos centro educativos da vila, espectáculos musicais, contacontos, charlas, teatro,...conforman o programa elaborado polo Concello da Guarda con motivo do 25N, Día Internacional contra a Violencia de Xénero. Falamos do mesmo coa concelleira de Igualdade, Fátima Rodríguez.

"O amor non ata, non atrapa" é a campaña deste 2021 posta en marcha polo Concello de Tomiño con motivo do Día Internacional contra a Violencia de Xénero. Da mesma falamos coa súa alcaldesa, Sandra González.

"Tui contra a violencia de xénero" é o lema da campaña do concello de Tui con motivo do 25N. Hoxe ás 18 h terá lugar o acto institucional, aberto á cidadanía, na praza do Concello. Falamos deste 25N coa concelleira de Igualdade, Ana Mª Núñez.

A Asociación de afectados Deleción 1P36 vén de presentar o seu calendario solidario de 2022 co lema "Sorrisos que contaxian", no que os grandes protagonistas son os nenos e nenas que teñen este síndrome. Do mesmo faláronnos hoxe Eva Martínez e Javier Argüelles.

Novo tempo do grupo Armonía da Asociación de Alcohólicos Anónimos no programa Día a Día. O sábado, 11 de decembro ás 11 h realizarán unha reunión informativa na Sala Félix Rodríguez.

Hoxe coñecemos os plans de expansión da empresa Fibralar, operador de telecomunicacións galego que naceu en 2018 no Baixo Miño. Rafael Fernández, o seu xerente, contounos o momento que vive a empresa e os plans de crecemento.

Tui rexistra hoxe 14 casos de covid diagnosticados no últimos 14 días. Da incidencia do coronavirus na cidade falabamos hoxe co coordinador do Centro de Saúde de Tui, Santiago Pose. Tamén abordamos a situación do propio centro onde faltan 5 dos 11 facultativos.