Día a Día

O Teatro Municipal de Tui acolleu o xoves 23 o concerto de Nadal a cargo das corais San Telmo, Ponte das Febres e do Centro Sociocomunitario. Falamos con Teresa Prieto e Ricardo Martínez da Coral San Telmo.

Este venres, 31 de decembro, celébrase a 1ª San Silvestre de Tui. A inscrición está aberta até este mércores ás 23.59 h no enlace dispoñible en www.tui.gal. Deunos todos os detalles o concelleiro de Deportes de Tui, Rafael Estévez.

No despacho receptor situado na Avenida de Portugal vendeuse algún décimo do 4º premio do Sorteo de Nadal o 42.833 . Falamos con Alejandro Pardo deste despacho receptor.

O alcalde da Guarda, Antonio Lomba valorou na nosa sintonía a manifestación en defensa da Sanidade Pública que o martes 21 tivo lugar na Guarda.

Tui terá tamén unha Plataforma en Defensa da Sanidade Pública. Onte deuse o primeiro paso na reunión convocada na Sala Félix Rodríguez, e en xaneiro, tras as festas, terá lugar xa a constitución formal deste colectivo. José Martínez Tato foi un promotoresa da reunión celebrada onte, aínda que pola súa condición de concelleiro non estará na directiva da plataforma, amosaba a súa satisfacción pola r...

Coidándome é o título do programa psicoeducativo para coidadores familiares de persoas maiores dependentes organizado polo Concello en colaboración con AFAGA. Do mesmo faláronnos Ismael Diz, concelleiro de Servizos Sociais e Carmen González , traballadora social do Concello de Tui.

A tudense Noelia Solleiro é unha das artistas convidadas esta tarde en "Un conto de Nadal. 100 anos de verbena galega". Ela mesma definía o espectáculo coma "coidado e bonito".

Lito Garrido da Orquestra Panorama é un dos artistas convidados esta tarde no espectáculo "Un conto de Nadal. 100 anos de verbena galega". Con el falamos esta mañá deste evento que hoxe se estrea en Tui.

O pavillón do IES San Paio acolle este domingo de 10 a 21 h o VI Torneo de Nadal de Bádminton no que participarán os e as deportistas do Badminton Tui e do Bádminton Tomiño. Así nolo contaron hoxe Marisa Giráldez e Javier Argüelles.

Mañá ás 10 h comeza na aula da UNED a xornada técnica Igualdade e Comunicación que contará con dúas ponencias e un debate. Está organizada pola concellería de Igualdade do Concello de Tui falamos coa súa responsable, Ana Mª Núñez.

O cambio de presidencia ao fronte da Red de Juderías e asinar un convenio con Paradores foron dous dos principais asuntos tratados onte na Asemblea Xeral da Red de Juderías de España, na que participou o alcalde de Tui, Enrique Cabaleiro. O rexedor tudense fixo balanzo dese encontro, e tamén avanzou o obxectivo da presentación que mañá terá lugar en SAlvaterra do proxecto Miño Destino Navegable.

A música ten protagonismo especial este Nadal na programación elaborada polo Concello de Tui. A concelleira de Cultura, Sonsoles Vicente daba conta do programa previsto e anunciaba novidades no mesmo.

A Fada do Aloia preparou actividades especiais para este Nadal, coma é o caso da ruta que vai realizar esta fin de semana na que contará aos participantes un conto de Nadal. Amais realizará un obradoiro de adornos de Nadal e hai un buzón viaxeiro por Tui para depositar as cartas de Papa Noel e os Reis Magos.

O Paseo da Corredoira acolle este venres, ás 19.30 h, o espectáculo "Un conto de Nadal" que se vai estrear en Tui. Serán 2 horas de música coa orquestra La Oca Banda e artistas convidados e agrupacións locais. Do mesmo falounos hoxe Dani Dopazo, director do espectáculo.

Mañá xoves, 16 de decembro, ás 20 h o Teatro Municipal de Tui acollerá o Concerto de Nadal do Conservatorio Profesional de Música de Tui e da Escola de Música, dentro da programación de Nadal do Concello de Tui. Deste evento falounos o director do CMUS Tui, Rubén López. A entrada é gratuíta e pode reservarse en www.tui.gal.

Esta mañá no programa Día a Día realizamos o sorteo dun lote de Nadal de produtos galegos de Maruxiños VK en beneficio de SOS Tomiño - Baixo Miño. Pilar Álvarez de SOS Tomiño Baixo Miño achegouse aos nosos estudos para facer o sorteo. O agraciado foi o número 19 que corresponde a Jesús Carrera.

O luns 20 ás 20.30 h na Sala Félix Rodríguez está convocada unha reunión para formar unha Plataforma en Defensa da Sanidade Pública en Tui. Desta convocatoria falounos hoxe José Martínez Tato, que participa na convocatoria pero que non estará ao fronte da plataforma.

No tempo que cada semana dedicamos á Educación hoxe falamos con Teresa Domínguez o novo bacharelato.

EmpreTui pon en marcha a partir do próximo luns unha campaña de Nadal na que os turróns artesáns veñen con premio. Este doce de Nadal elaborado pola Panadería Tudense vén con descontos, agasallos, descontos... nos establecementos participantes. Así nolo contou hoxe Abel Vila, presidente de EmpreTui.

Co alcalde de Tui, Enrique Cabaleiro, abordamos esta mañá distintos temas da actualidade local dende a incidencia da covid na cidade, á adhesión ao sistema VIOXEN, á confirmación da axuda para converter o cárcere vello en centro de acollida de visitantes ou os próximos proxectos a executar.

A situación da atención primaria na comarca ten levado a que nas últimas xornada se teñan convocado distintas concentración reclamando as melloras da atención primaria. Este mediodía a convocatoria tivo lugar diante do Centro de Saúde da Guarda. Manuel Moreira, responsable da CIG no Baixo Miño, explicaba o porqué desta convocatoria. O martes á mañá tivo lugar unha concentración en Tomiño convocada...

"A Historia da Luz" é o título do concerto que este sábado, ás 20 h, Mistura Vocal vai ofrecer no Teatro Municipal de Tui dentro da programación "Tui, o Camiño do Nadal". O coro está dirixido pola tudense Aloia Martínez, quen hoxe nos falou deste evento musical. As entradas poden reservarse de balde en www.tui.gal.

Alumnado do IES San Paio e do IES Francisco Sánchez está a participar esta semana nun Taller Formativo en Prevención das Violencias Sexuais a cargo de Zúa Méndez e Teresa Lozano, creadoras de Towanda Rebels. Con esta última falamos esta mañá.

O Voluntariado da Caridade realizará un rastrillo solidario esta fin de semana no colexio da Milagrosa, e ao tempo tamén estarán presentes no Mercado de Nadal no Paseo da Corredoira. Paz González, Luisa Alonso e Pilar Álvarez, explicáronnos que poderemos atopar. O obxectivo é reunir fondor para soster a Unidade de Hixiene e o Ropeiro que teñen en marcha.

O Teatro Municipal de Tui acolle mañá sábado ás 18 h un Festival Solidario a favor de SOS Tomiño Baixo Miño organizado por Protección Civil de Tui. Actuarán o grupo folclórico Xuntanz a de Randufe e as bandas de gaitas de Guillarei e Paramos. Do mesmo falamos con Juan González e José Quinteiro - Festival Solidario a favor de Sos Tomiño-Baixo Miño