Tierra de barrenaus

Programa mosical con mas de dos horas charrando de belunas d'as actuacions y collas que podié disfrutar en lo Viñarock 2018. Antimás, nueva sección, sobre los articlos d'o blog, y información sobre beluns d'os millors festivals aragoneses d'iste verano.

Hemos teniu un mes d'abril bien moviu cuanto a l'activismo por l'aragonés. Las XXV Chornadas d'as luengas d'Aragón, organizadas por l'Asociación Cultural Nogara, tenioron actividatz arrienda. Charramos de cadauna d'ellas y entrevistamos a Dabi Lahiguera, qui presentó "A fabla de Moncayo" adintro d'ixas chornadas. En lo diya d'o libro podiemos conoixer las novedatz editorials en aragonés. Entre atr...

Programa sobre la gala y la XIX edición d'os Premios d'a Mosica Aragonesa, que organiza totz los anyos Aragón musical. Ista vegada tornó a fer-se en lo Teatro Principal de Zaragoza y tornemos a estar-ie pa contar-tos tot lo que i pasó y la nuestra siempre desinformada y de tot arbitraria opinión

Programa especial adedicau a lo carlismo en Aragón y la cincomarzada. Charramos con Dani y Ruben sobre las guerras carlistas, centrando-nos mas que mas en la primer y en los sucesos d'a Cincomarzada. Tamién debatimos sobre la fiesta y los cambios que ha iu tenendo dende lo sieglo XIX dica l'actualidat.

Iste 8 de marzo bi ha convocada vaga feminista. Laboral, d’estudiants, de cudiaus y de consumo. Porque si las mullers aturan s’atura lo mundo. Iste ye un programa especial sobre ixa vaga, con la participación de Elena, Laura y Silvia, activistas feministas, que nos contarán como se ye aprestando, qué razons bi ha t’a vaga, y como participar-ie, entre muitas atras cosas.

Cinqueno programa d'a temporada con un especial sobre bars, grabau con publico en lo bar Fardacho Royo de Zaragoza. Charramos sobre los bars d'a nuestra choventut y los d'agora, pa salir de borina y de vermu, de Zaragoza y de difuera... en un ambient tant caotico como divertiu!

Programa de chinero de 2018. Entrevista a Chorche Paniello, que charra sobre lo primer Cuaderno de formación y estudio editau por lo Centro de recuperación de pegatinas, adedicau a los pegallos sobre reivindicacions de l'augua. Alfredo nos charra d'a Senda amarilla, una ruta ta conoixer Ainielle y parte de Sobrepuerto. Anchel nos presienta las conclusions d'o estudio sobre l'aragonés en la Chaceta...

Tercer programa d'a temporada an que Arale nos torna a visitar ta charrar d'a grudas, un au bien singular que nos visita en istos diyas. Charramos con quatre compas que estioron en la zaguer fiesta d'o chopo capecero. Estrenamos sección, la podrufierta, con un debat sobre la despoblación en Aragón

Segundo programa d'a temporada, con entrevistas a Diego Marín, autor de "Bolivia, las voces del pueblo", Mullers y cordials, lo fanzine feminista y somarda en aragonés, y la plataforma de denuncia Esfendemos as luengas. Presentamos lo nuevo disco de Los Draps, y te damos la tuya dosi de radio en aragonés

Primer programa d'a temporada con Chorche charrando d'a turismofobia, Tamara sobre lo lupo d'os Monegros, Mario sobre los cursos d'aragonés de Nogara y Cherardo sobre lo disco O zaguer chilo que chunta a 20 collas cantando en aragonés. Krevi solenco, un d'ells, actua en directo, por primer vegada en Tierra de barrenaus. Antimás, lo nuevo disco de Jah'sta y la primer Historia barrenada, sobre lo TS...

Especial en directo de Tierra de barrenaus radio, sobre lo Proceso de Independencia de Catalunya. Emitiu lo 27 de setiembre de 2017, con la participación de Lorient (Podemos), Daniel (Puyalon), Laura (Purna), y lo periodista Chorche. Tamién con la presencia en l'estudio d'Arale. Durant dos horetas debatimos sobre lo proceso dende la envista de cadauna d'as convidadas y prebamos de fer una miqueta...

Atra temporada mas que acabamos con un programa mosical, en companyía de Ruben y Dabi. Iste anyo, tres nuevas categorías y nueu cancions, pero sobre tot muita risa y buen capazo en aragonés. Las tematicas d'ista vez son: amor, odio, y mosica de cine y/u televisión

Quatro entrevistas con quatro activistas por a luenga. Chabier Gimeno charra sobre o Seminario Aragonés de Sociolingüistica y los suyos treballos. Juan Pablo Martínez (EFA) y Chuse Raul Usón (SLA) explican o refús d'istas dos asociacions a lo proceso y la grafia pa l'aragonés proposada por la DGPL. Finalment, Dabi Lahiguera presienta la suya nueva obra "La fabla de Moncayo", publicada por Transibe...

Dende la UVE dica la UAPO, pasando por la policía local "normal", a historia recient de Zaragoza ye plena d'abusos policials y de denuncias. Y ixo ye nomas lo que plega t'a prensa. Durant dos horetas repasamos belunas d'ixas historias, asperando que bell diya, tot siga una mala alcordanza y podamos estar seguras y libres en as nuestras carreras

Noveno programa d'a temporada 2016/2017 con a participación de: Ruben, que nos charrará d'o viache que fació por a cordillera de l'Atlas en Marruecos y an que puyó beluna d'as suyas tucas. Chabi, qui mena la pachina de Arasubs, que subtitola cintas a l'aragonés y que estió fendo un curso d'aragonés en Zuera por primer vez. Silvia, socia d'a tabierna A Flama, que fa siet anyos como referent en a Ma...

Programa sobre a XVIII edición d'os Premios d'a Mosica Aragonesa. A gala se celebró en o Teatro Principal de Zaragoza en abril de 2017 y bi estiemos pa contar-lo, charrar-ne y, sobre tot, pasar un buen rato entre quatre amants d'a mosica aragonesa.

Quatre personas charran d'as suyas experiencias escribindo en aragonés. Luzía, autora d'o blog Mallata. Dabi, autor de Punto - Seguiu. Tamara, parte d'o fanzine feminista Mullers y Cordials. Ruben, ganador de dos premios Arnal Cavero. Tot ixo entre muitas atras cosas que han feito, en toda mena de formatos y, prou que sí, en aragonés.

Nuevo programa de Tierra de barrenaus radio, con l'actualidat arredol d'a luenga aragonesa a finals de febrero de 2017. Charro d'a nueva propuesta grafica presentada por a Dirección Cheneral de Politica Lingüistica d'o Gubierno d'Aragón y de belunas d'as actividatz feitas con motivo d'o Diya d'a luenga materna. Charramos con David y Marco d'una actividat feita en l'IES Joaquín Costa de Carinyena y...

Chuntar-se quatre frikis y decir-les trayer-tos tres pelis que tos haigan feito goyo pa charrar-ne. Asinas de simple ye o planteyamiento d'iste nuevo Tierra de barrenaus radio. Y asinas han saliu 12 pelis curiosas, diferents, frikis, u como queratz clasificar-las

Programa quasi improvisau an que comentamos bella noticia de l'anyo 2016. Aragón, l'aragonés, Zaragoza, o proceso indepedentista catalán, os montaches policials, os discos de l'anyo, ... y todas as chorradas que se nos ocurrioron durant as dos horas que nos i estiemos.

Dos horicas de programa con versions mosicals raras, desconoixidas, orichinals, bizarras, u que simplament me feban goyo.

Un anyo más Tierra de barrenaus ye present en o especial D'estrela a estrela de Radio Topo. Chornada d'emisions de raso en aragonés y catalán. Iste anyo tornamos a charrar de Pilars, pero en ista ocasión con chent que los ha vivius d'atras trazas: pais, exiliaus, treballadoras d'a hostelería, activistas, taxistas, guidas turisticos, ...

Programa sobre o Patrimonio Industrial en Aragón. Charramos con tres activistas y expertos sobre a linia ferria d'o Canfranc, a fabrica de Averly y o patrimonio minero d'o Baixo Aragón. Un programa que asperemos que faiga reflexionar y valurar en a suya mesura un patrimonio tant a soben ixuplidau por l'administración y mesmo a sociedat.

Primer programa d'a temporada 2016/2017 con quatre experiencias estiveras. Un viache por Rumanía, una via verda en bicicleta dende Nonasp dica Deltebre, a organización d'o festival Esfendemos a Tierra, y a penya Albahaca Reberde, una experiencia alternativa en as fiestas mayors de Uesca. Quatre experiencias recontadas por as suyas protagonistas.

Programa de fin de temporada, an que Dabi, Ruben y yo estiemos metendo temazos y charrando de mosica. Ista vegada adintro de quatre categorías de canta: matacunyaus, motivadera, versión y estivera. Con concurso y tot! Buena mosica, muitas fateras y tot, en aragonés.