Tierra de barrenaus

Programa sobre a serie literaria Canta de chelo y fuego y a serie de TV Chuego de tronos. Por quasi tres horas, tres fans charramos dende diferents anvistas sobre a saga. O programa ye dividiu en tres partes: ta qui no ha leyiu ni visto guaire, ta qui nomas viye a serie, y ta qui lo ha leyiu u visto tot.

Un repaso por bellas collas y cantas que, en a mia opinión, no se les ha feito chusticia, por diferents razons.

Programa an que repasemos y charremos sobre as actividatz feitas en "Abril por l'aragonés", organizadas por l'Asociación Cultural Nogara en o suyo 25 aniversario, en abril de 2016

Segundo programa sobre o soberanismo en Aragón, con a participación de quatre mullers que nos recontan a suya anvista sobre iste movimiento politico

Primer programa de dos, an que debatimos sobre o soberanismo en Aragón con Daniel, Lorient y Guillén, tres d'os suyos activistas

Programa gravau con publico en l'espacio colectivo Treziclo con motivo d'o Diya Internacional d'a Lengua Materna. Con l'aduya de Radio Topo y Nogara.

Dos horas de programa an que charremos con mosicos sobre a mosica aragonesa y sobre a mosica en aragonés y en catalán. Estiemos con Chabi, Fernando y Jandro en l'estudio y charremos por telefono con Marc y Roberto. Totz mosicos de collas tant miticas como Mallacán, Prau, Gaire, Dechusban, Comando Cucaracha, La Orquestina del Fabirol u Los Draps.

Os prencipios d'o movimiento en esfensa de l'aragonés centran iste programa. Ruben, Fernando y Chuse Raul recontan a suya experiencia en ixos anyos que viyoron naixer un movimimento cultural y reivindicativo.

Programa sobre os feitos que tenioron lugar arredol d'o 1591 en Aragón y que se conoixioron como "Alteracions d'Aragón". Con Lorient Jiménez y Daniel Lerín, dos grans historiadors aragoneses charremos d'os feitos que rematoron con l'asesinato de Chuan V de Lanuza Chusticia d'Aragón, y muitos atros foristas que se concaroron con Felipe II d'Espanya, ta defender os dreitos y as libertatz d'Aragón. I...

Emisión especial de Tierra de barrenaus en a V edición de D'estrela a estrela en Radio Topo. Más de dos horas de programa charrando sobre as fiestas d'o Pilar de 2015: conciertos, espacios, novedatz, campanyas politicas, ... y muita borina en buena companyía. Emitiu por primer vegada en noviembre de 2015

Programa de dos horas de raso en aragonés sobre a serie Lost (cacegadas). Os personaches, os misterios, as actrices, ... tot sin mica criterio, nomás tres fans charrando-ne. Emitiu por primer vegada en Radio Topo en noviembre de 2015

Prencipia a segunda temporada con más de dos horas sobre o lugar d'Andorra (Teruel) y a suya redolada. A ruta d'o tambor y o bombo, a minería, a Central Termica, o dance d'Alloza, o Carrasca Rock, as clases d'aragonés, .... muitos temas con muito suco ta prencipiar a conoixer ixos lugars. Emitiu por primer vez en Radio Topo o 1 d'octubre de 2015

Rematamos a primer temporada de Tierra de barrenaus Radio con un programa mosical. Con Ruben, Dabi y Guindilla de convidaus, compartiemos mosicas y temazos y nos faciemos buenas risas

Cinqueno programa de Tierra de barrenaus, an que charremos con tres chovens que habioron de marchar a mirar treballo bien luen. Recontando as suyas expeiencias, anecdotas y opinions.

Quarto programa de Tierra de barrenaus, sobre locals aragonesistas. Charramos con bella persona d'a que empentoron y organizoron puestos de trobada ta l'aragonesismo como as dos Espelungas, a penya Borina, Dipierta Fierro, Casa Lambrote, A Enrestida y os dos locals que tenió Chobenalla Aragonesista en Uesca y en Zaragoza

Tercer de Tierra de barrenaus radio, a versión radiofonica d'o blog Tierra de barrenaus (barrenau.blogspot.com), adedicau a tres festivals de verano. Con Dabi, Cherardo, Carlos y Tamara charrremos d'o festival Viñarock, gran borina que se fa en Villarobledo (Albacete, Castiella) arredol d'o 1 de mayo. Continemos charrrando d'o PIR, festival de mosica y cultura pirinenca que se celebra a primers de...

Segundo programa de Tierra de barrenaus radio, a versión radiofonica d'o blog Tierra de barrenaus (barrenau.blogspot.com), adedicau a la revolución zapatista en Chiapas (Mexico). Con as convidadas Tamara y Pati, miembras d'o Caracol Zaragoza, ret de personas por l'autonomía zapatista. Emitiu por primer vez en Radio Topo (101.8 FM) o 7 de mayo.

Primer programa de Tierra de barrenaus radio, a versión radiofonica d'o blog Tierra de barrenaus (http://barrenau.blogspot.com), adedicau a os fablogs u blogs en aragonés. Mientres dos horas charremos os autors de Estricalla, O chemeco d'as parolas, As tierras olbidatas y Purnas sobre a historia d'os blogs en aragonés y o chiquet movimiento que bi habió de escritors de blogs en aragonés. Emitiu po...

Sección L'aragonés ye bien vivo de 12 d'abril de 2015, adintro d'o programa La Enredadera en Radio Topo, 101.8 FM de Zaragoza. Charrando sobre as chornadas de Nogara, a trobada Vivir en aragonés y atras noticias de l'aragonés

Sección "L'aragonés ye bien vivo" de 15 de febrero de 2015, aintro d'o programa La Enredadera de Radio Topo (101.8 FM, Zaragoza). Con as noticias de l'aragonés y bella cosa más

Sección L'aragonés ye bien vico, d'o programa La Enredadera de Radio Topo (101.8 FM Zaragoza). Con as noticias sobre a luenga aragonesa y muito más. Charrando sobre Esfendemos as luengas, Cintas d'Enguero, Arredol today, a tronca de nadal, o nuevo disco de Gaire, ...

Sección L'aragonés ye bien vivo de 23 de noviembre de 2014, feita en o programa La Enredadera d'a radio libre zaragozana Radio Topo (101.8 FM). Con as zaguers noticias d'a luenga aragonesa: a trobada d'Artieda, D'estrela a estrela 4, teatro y presentación de libros en aragonés y un nuevo programa de radio que plega en as ondas

Sección L'aragonés ye bien vivo aintro d'o programa de La Enredadera de Radio Topo (101.8 FM, Zaragoza). Con as noticias de l'aragonés: Curriclo de l'aragonés, A tot estrús - Chornada esportiva, Nuevos cursos 2014/2015, Devantadera de Nogara, D'estrela a estrela, Fendo Orella, y muitas cosas más

Primer colaboración con o programa Fendo Orella de Radio Topo, en noviembre de 2012. I charremos d'os fusos horarios en l'estau espanyol y d'o sinyal que fa servir o movimiento independentista siciliano.

En octubre de 2012 a Guardia Civil enristió contra vecins desarmaus y pacificos d'o lugar d'Artieda. Nomás quereban esfender o suyo dreito a vivir en o suyo lugar. Bellas personas que i estiemos charremos sobre ixos acontecimientos bells diyas dimpués en Fendo Orella