Tierra de barrenaus

L'anyo acaba sin Evo Morales en la presidencia de Bolivia dimpués de quasi catorce anyos de mandato que cambioron lo suyo país de tot. Lo golpe d'estau ha deixau quantos muertos y la presencia en lo nuevo gubierno de sectors ultracatolicos y racistas. En la primer parte d'o programa charramos con Diego Marín, autor de "Bolivia, las voces del pueblo" pa que no aclareixca bellas cosas sobre lo que y...

Programa bien esportivo. Empecipiamos con escalada. Con Dani y Ruben viacharemos ta Riglos, Ordesa y lo Midi d'Osal y aprendemos bell concepto basico d'ista disciplina. En la segunda parte, una nueva sección sobre running, a on que presiento la triple preba La Cartuja - Espacio Alfranca. En la parte mosical, un nuevo disco d'a banda que lo petará en 2020, y una versión punk d'un tema clasico.

En bell momento tocaba charrar d'o TEMA. Sí, Catalunya. Debant d'un d'os casos de desinformación mas grieus que hemos sufierto en los zaguers anyos, toca charrar con la chent que vive astí, prener informacions de primera man y qüestionar tot lo que se leye. En iste programa Chorche Romance, periodista aragonés que treballa en Barcelona dende fa a-saber-los anyos, nos recuenta la suya envista. Segu...

Programa especial con motivo d'a chornada D'estrela a estrela a on que toda la programación de Radio Topo se fa de raso en aragonés y catalán. Entrevisto a Miguel un d'os locutors de El grito del sereno, programa de Zintzilik Irratia en Errentería (Euskal Herria). Con ell y Dabi charramos d'o goyo de fer radio, y prou que sí, tamién d'ascuitar-la.

Encomenzamos noviembre con un "Varrenaus por lo mundo". En ista ocasión, Mario nos charra d'o suyo viache por carretera que le levó dende Zaragoza dica Mostar, traviesando meya Europa y pasando bell diya en Croacia y Bosnia. En la segunda parte d'o programa repaso la trachectoria d'una banda que fa quaranta anyos: Aviador DRO. Lo aniversario lo han celebrau con una chira que pasó por Zaragoza y co...

Programa muit centrau en los problemas demograficos d'Aragón. Charramos con Fer y David d'o II festival contra la despoblación que se fació en Allepuz lo 19 d'octubre. Pa mirar de trobar solucions, dende marzo leva treballando la red RIADA, una iniciativa que arrocla a buena cosa de chent en defensa d'o medio rural. Charramos con Anchel, un d'os participants d'iste ret.

Programa post-pilarista a on que torna la Educadora Ambiental Tamara Marzo pa charrar d'un animal bien queriu y important en Aragón: lo cluixiuesos. La campanya de recuperación d'ista au rapinyadera va conseguindo que reviscole la suya especie y antimás d'os Pirineus tamién la podemos veyer ya por lo Mayestrato. Lo mes d'octubre ye important pa muitas creyadoras que fan lo reto Inktober. Charramos...

Charramos con Mario y Paula, de l'Asociación Cultural Nogara, qui nos presientan los cursos 2019/2020 que imparte la suya escuela d'aragonés dende la envista d'un d'os suyos mayestros y una d'as suyas alumnas. En la segunda parte, replego los mensaches sobre los Pilars de 2019 que ninvioron las TdBelievers en respuesta lo clamamiento que facié por retz. Y antimás, la canción Lololo y atras propues...

Nueva temporada y nuevo programa. Entrevista con Chorche Paniello, sobre la XVI edición d'a Feria de colecccionismo Replega que se celebra en Monzón lo primer cabo de semana de setiembre. Antimás, leigo lo relato "Lo peduco royo" y tos foi dos propuestas mosicals pa que empecipietz bien lo curso. Nueva durada, nuevo horario, nueva freqüencia y nuevo formato!

Zaguer programa d'a temporada que, como totz los anyos, acaba con Dabi y Ruben de convidaus. Por mas de dos horas, tos proposamos catorce temazos pa sentir de toda mena de mosicas. Antimás, chugamos a bingo, charramos de B Vocal y nos lo pasemos de bitibomba! A la fin d'o programa s'anuncia bella novedat pa la siguient temporada.

Pa tener un verano divertiu, s'aprecisa buena cosa de libros pa aproveitar lo tiempo libre, si ye que en tiens. Las TdBlievers nos han empliu un programa con las suyas recomendacions literarias, y yo n'he anyadiu quantas atras mosicals. Por Tierra de barrenaus, a fe que no te aburrirás istos meses!

Deceno programa d'a temporada a on que viachamos ta Moncayo pa conoixer l'asociación Moncayo 900 de man de Dabi, un d'os suyos miembros. Empecipioron recuperando lo dance de Tarazona y china-chana van treballando en nuevos prochectos de cultura popular. En la segunda entrevista nos n'imos t'as Cuencas Meneras. En Montalbán, Elena ha empecipiau fa bell mes a emitir "Qué diz ixa mesacha?" un program...

Audio d'a presentación de Parola de Follet en Zaragoza, feita lo 15 de mayo en lo Centro d'historias. Libro en aragonés escrito por Carlos G. Esteban "Barrenau" Parola de follet replega nueu cuentos ambientaus en un Aragón amagau, poblau por folletz, fadas, diaplerons y toda mena de sers fantasticos. Entre las suyas estrucias, la de dominar la parola. Con ellas fan edificios, treballan la tierra u...

Un anyo mas, l'equipo de Tierra de barrenaus estió en la gala d'entrega d'os Premios d'a Mosica Aragonesa, organizaus por Aragón musical. Tos contamos muitas d'as cosas que i pasoron y debatimos sobre lo que nos pareixió y l'actualidat d'a scena mosical aragonesa.

Programa especial de raso sobre las XXVI Chornadas d'as luengas d'Aragón que organiza, como totz los anyos, l'Asociación Cultural Nogara, y que tendrá qualques charradas, un taste de trena y bombons, una visita turistica en aragonés, un vermu radiofonico y lo concierto de Koakzion y Orbita. Charramos con las personas que dinamizarán las diferents actividatz pa que nos recuenten en que consistirán...

Nuevo programa de Tierra de barrenaus a on que charremos con l'historiador Guillén Tomás sobre la organización interna d'a Corona d'Aragón y celebremos lo Diya Internacional d'a Luenga Materna, sentindo y leyendo las vuestras aportacions sobre experiencias positivas en aragonés. Antimás, lo resumen d'o blog y la millor mosica.

Charramos con Tamara Marzo sobre lo Vedau de Penyaflor, un paisache bien cercano a Zaragoza que nos cal conoixer millor. Chabi Lozano nos traye una nueva edición d'o Taller d'aragonés, en iste caso sobre la negación y las parolas de polaridat negativa. Y antimás, los nuevos discos de Nuei y Lurte

Programa adedicau a los comics. Elena, Armando, Fer C., Fer E., Tamara y yo tos trayemos buenas recomendacions pa lo vuestro tiempo libre: Bich Planet, Maus, V de Vendetta, Nausikaa el valle del viento, Fairy Quest, I hate Fairyland y Las Guerras Asgardianas. Antimás, entrevista con Fernando Estaben, ganador d'o I Premio Braulio Foz de comic en aragonés, por "Illyana mirando problemas"

En la primera parte d'o programa Fer, Diego y David nos charran de bellas iniciativas que s'han feito en istos zaguers meses en lo sur d'o país. En Calamocha, s'ha empecipiau un nuevo curso d'aragonés, impartiu por Nogara. En Allepuz se celebró un festival contra la despoblación. Torrillo d'o Campo acullió la decena edición d'a Fiesta d'o Chopo Capecero. En la segunda parte, charramos con lo perio...

Programa especialismo! Especial, porque ye la emisión D'estrela a estrela, una chornada a on que toda la programación de Radio Topo se fa en las luengas propias d'Aragón: aragonés y catalán. Y especial tamién porque ye lo cinquanteno programa de Tierra de barrenaus. Levo mas de 100 horas d'emisions en aragonés y me queda muito ferrete que dar. En iste programa charremos de viaches: Escocia, Chapón...

Nuevo programa de Tierra de barrenaus. Con una cronica bien personal de man de Tamara y yo mesmo d'o que viviemos istos Pilars. Antimás, nueva sección de man d'a EFA, a on que tractaremos diferents aspectos d'a gramatica de l'aragonés. En iste primer programa, charraremos d'os quantificadors con Juan Pablo. Y antimás, mosica, lo blog, la canción blasfema, ....

Empecipia la cinquena temporada de Tierra de barrenaus!!!! Charramos con Mario, sobre los cursos d'aragonés de Nogara. Cherardo traye O zaguer chilo 2, un nuevo disco con vinte cancions en aragonés, gravadas por vinte collas d'a scena mosical aragonesa. Krevi presienta lo suyo nuevo disco "Varios años después", y Tamara torna t'o programa pa charrar d'o Barranco d'as Almunias, un paisache repoliu,...

Quarta temporada que remata con l'especial Temazos, como siempre grabau con Dabi y Ruben. Quasi tres horas de mosicas, risas y fateras en aragonés. Dotze temazos trigaus, de las quatre decadas que hemos viviu y asperamos que tos fayan firme goyo.

Entrevista a Guillén Tomás sobre Johan Ferrandez d'Heredia, un d'os personaches mas importants y influyent d'o sieglo XIV aragonés. La suya obra literaria ye fundamental pa l'estudio d'a nuestra luenga. Con Chuserra Barrios charramos d'o blog "Os paisaches de..." an que parla d'os suyos viaches alredol d'o mundo y d'a luengas con que va interactuando. Pa acabar, me permito lo luxo de recomendar-to...

Nuevo programa de Tierra de barrenaus. Entrevisto a Miguel, de Purna, sobre lo festival Esfendemos a tierra, que se fa en Artieda iste mes de chulio. Dabi, de Nogara, charra sobre lo comunicau que va fer l'asociación arredol d'os pasos que ye dando la Dirección Cheneral de Politica Lingüistica pa creyar la no-academia de l'aragonés. Remata lo programa con una nueva Podrufierta, sobre la expectativ...