Tierra de barrenaus

Primer programa monografico sobre la banda valenciana Obrint Pas, que estioron en activo dende 1993 dica 2013. En ixe tiempo editoron tres maquetas, seis albums d'estudio y un directo, antimás de fer conciertos por tot lo planeta. Obrint Pas deixó un gran legau mosical y politico que remeraremos en lo programa Repasamos toda la suya discografía, traducimos beluna d'as suyas cancions y recordamos u...

En iste nuevo programa torna ta Tierra de barrenaus Radio la educadora medioambiental Tamara Marzo pa charrar d'un animal que dispareixió d'Aragón habe sieglos, pero que ye tornau y pareixe que pa quedar-se-ie: lo castor. En la segunda parte, tos presiento un nuevo relato, que empecipia en un concierto de Zoo. La mosica d'o programa la mete un grupo que torna dimpués d'estar-se un anyo sabatico, y...

Rufierta pa fer ixa transición entre dos anyos. Lo 2020, l'anyo d'a pandemia d'a covid 19, y lo 2021 que encara no sabemos que nos tien guardau u que'n faremos, d'ell. Quatre personas nos chuntamos pa charrutiar bell rato sobre iste anyo tant raro y mirando-nos una miqueta ent'o futuro, prebando de columbrar que ye por venir. Primer programa d'un anyo que asperamos que siga muito bueno pa todas y...

En 1591, Aragón se rebeló contra lo rei Felipe II. Las conseqüencias estioron grieus. Chuan de Lanuza, lo mozo, Chusticia d'Aragón y muitos atros liders d'a rebelión estioron executaus y las leis aragonesas cambiadas pa que la monarquía tenese mas control sobre las institucions nuestras. Mas de quatre sieglos dimpués, Aragón pierde por cada día mas la suya identidat, personalidat y cultura propia....

En iste aviento trobamos muito a faltar lo Salón d'o comic de Zaragoza. Tot y que bell acto sí que s'ha salvau, lo mes d'o comic se queda bien radiu por motivos evidents, asinas que en Tierra de barrenaus prebamos de que no s'ixuplide que iste ye lo mes d'as aficionadas a iste arte. Charramos con Elena, qui nos recomienda tres comics protagonizaus por bad-ass girls. En la segunda parte nos visita...

Ya que no podemos salir d'o termin municipal, aproveitemos pa conoixer-lo. Zaragoza ye una ciudat bien gran que antimás ha absorbiu qualques lugars d'a suya redolada. Contamos con tres rius y con diferents y repolius ecosistemas que sorprenden a-saber-lo. La educadora ambiental Tamara Marzo Rins torna a visitar-nos pa charrar-nos-ne y proposar-nos rutas caminando y en bici por la nuestra ciudat. E...

En iste nuevo Tierra de barrenaus radio nos ocupamos d'o futuro. En la primer parte charramos con Dabi y Iván, las dos personas que son dezaga de Parola paroleta, una serie de videos feitos pa entretener en aragonés a ninas y ninos. Una iniciativa sobrebuena que conoixeremos de man d'istos dos activistas d'a luenga. En la segunda parte, reprenemos lo tema educativo pa charrar con Elena, profesora...

Un anyo mas Ruben, Dabi, Tamara y yo mesmo nos chuntamos pa analisar la gala d'entrega d'os Premios d'a Mosica Aragonesa. Iste anyo se celebró por primer vegada en Uesca, en lo Palacio de Congresos, dimpués d'haber-se cancelau por la pasa quan s'iba a fer lo pasau 14 de marzo en lo Teatro Olimpia. Mas de dos horas de radio en aragonés charrando sobre todas las artistas que pasoron por una gala mar...

Programa monografico sobre la educación centrando-nos en las particularidatz d'iste curso academico a on que la pasa ha feito cambiar muitas cosas, deixando atras que caldría cambiar igual. Quatre personas (Rubén, María, Fernando y Tamara) pasan por los microfonos explicando las suyas envistas como parte d'a comunidat educativa, y ubrindo a-saber-los debatz bien intresants.

Empecipia una nueva temporada de Tierra de barrenaus radio, alto u baixo de vez que empecipian los nuevos cursos d'aragonés en tot lo país. Charramos con Serchio, lo nuevo coordinador d'amostranza de Nogara, qui nos explicará cómo han rematau los cursos 19/20 y qué ofierta formativa tienen pa iste nuevo curso. En la segunda parte charramos de Alerta Roja Hacemos eventos, una iniciativa que mira de...

Fin de temporada! Como totz los anyos me chunto con Ruben y Dabi y nos fotemos dos horetas charrando de mosica y fateras. En lo preto d'o verano, con firme calor y la biera que calga pa refrescar-nos, tornamos pa fer un programa que asperamos que transmita tot lo bien que nos lo pasamos fendo-lo. U que lo menos podatz disfrutar d'as nuestras propuestas mosicals.

La temporada de Tierra de barrenaus no puet rematar sin que torne Arale y Tierra de varrenadas. Nos chuntamos de nuevas pa repasar los calaixos de cancions que han iu sonando en ista temporada y trigar-ne las tres zagueras, d'os calaixos de "Antes mas", "blasfema" y "versión".

Lo naiximiento de l'aragonés, la suya evolución como luenga d'o reino y una d'as d'a Corona d'Aragón, y l'empecipie d'a suya decadencia y sustitución por lo castellano centran la entrevista d'a primer parte d'o programa. Guillermo Tomás Faci nos presienta lo suyo libro "El aragonés medieval. Lengua y estado en el reino de Aragón", publicau por Prensas Universitarias de Zaragoza. En la segunda part...

En la primer parte d'o programa charramos d'o nuevo libro de Brian Mott "Nuevas voces de Aragón" a on que femos un viache por diferents testimonios orals de l'aragonés y lo catalán replegaus entre 1968 y 2018. Juan Pablo Martínez, miembro d'a editorial Transiberiano, que lo ha publicau, nos presienta ista obra a on que se reflexa la riqueza lingüistica y lo patrimonio que tenemos en lo país. En la...

Recuperando la normalidat plegamos en lo programa vinteno d'a temporada. Torna ta Tierra de barrenaus, lo rapero Krevi solenco pa presentar lo suyo nuevo disco Os Chardins de Shalimar, cantau de tot en aragonés con bella colaboración en catalán y euskera. Antimás, un nuevo relato ambientau en lo tiempo d'o confinamiento. En la parte mosical, una nueva "canción blasfema" y una banda bien buena pero...

Ya practicament plegando a la nueva normalidat plega un nuevo Tierra de barrenaus feito de conchunta con la chent que ascuitatz lo programa. Elena, Dabi, Fer y Tamara proposan quatre temas mosicals bien diferents. Quanto a los textos, en iste programa tendremos traduccions de Isaac Rosa, Eduardo Galeano, Elena Álvarez y Dulce Chacón. Un programa pa desescalar-nos como cal, y pasando un buen rato e...

Dende Zaragoza femos un viache coronavirico por atros puestos pa compartir las experiencias d'o viviu istos dias. Chorche parlará dende Barcelona, Armando dende Segovia, Chuserra dende Ondarroa y Elena de Montalbán, pa conoixer las realidatz arredol d'o periodismo, l'amostranza, lo mundo rural, lo sector agroganadero, l'embarazo y las situacions politicas en Castiella, Euskal Herria y Catalunya.

Nuevo programa grabau en confinamiento a on que alterno lectura de textos y las recomendacions mosicals que hetz ninviau beluna d'as personas que sentitz lo programa. Igual como l'anterior, muita variedat y orichinalidat

Dimpués de bell dia sin emitir, torna Tierra de barrenaus. Un programa feito de conchunta con belunas d'as colaboracions que me hetz ninviau las vuestras propuestas mosicals y de textos. Programa de tot home made debiu a la crisi d'o virus, asinas que disculpas por la calidat.

En lo 15eno programa d'a temporada charramos con Guillérmo Tomás, un d'os coordinadors d'a obra "Cultura y poder del Estado en la Corona de Aragón. Historiadores e historiografía en los siglos XIII - XVI" publicada fa bell mes por Prensas Universitarias de Zaragoza. Con ell conoixeremos cómo se recontaba la historia d'Aragón en ixe periodo. En la segunda parte, Cherardo nos presentará lo disco O z...

En lo 14eno programa torna Armando pa charrar d'o viache que fació ta Polonia, a on que podió visitar bell campo de concentración d'a II Guerra Mundial. En la segunda parte, tos proposo cinco libros bien utils pa treballar con l'aragonés en totz los suyos aspectos: gramatica, vocabulario, historia, grafía... La parte mosical la fan una nueva canción "lololo" y un gran grupo con decadas d'historia...

Programa adedicau a las nominacions a los XXI Premios d'a Mosica Aragonesa. Repaso y comento las 14 categorías, metendo beluna d'as cancions que ha protagonizau la scena mosical aragonesa de 2019. La gala a on que se conoixerán las ganadoras se celebrará lo 13 de marzo en Uesca

Arriba una d'as fiestas mas populars y con mas tradicions d'o país: lo carnaval. Por toda la nuestra tierra nos trobamos con celebracions a-saber-las de toda mena. En iste programa Dabi, Cherardo, Trallas y yo compartimos experiencias, viaches y disvraces d'os carnavals que hemos viviu y planteyamos bell debat arredol d'istas fiestas.

La fredor no puet con Tierra de barrenaus. Torna t'o programa Ruben, qui nos charra d'o disco Comanchería, de Los Chikos del Maíz. Nos presienta la banda y lo suyo nuevo treballo y parlamos d'o concierto que facioron en noviembre en Zaragoza. En la segunda parte, tos foi cinco recomendacions culturals pa pasar millor istos diyas d'hibierno: cinta, comic, libro, serie y exposición. No t'aburrirás....

Barrenau Session. Empecipia un nuevo anyo y inauguramos formato de Barrenau session, programas a on que tos presentaré bella propuesta mosical. La primer, con una triga de bandas que sonarán en 2020 por tener nuevo disco y / u fer chira. Me n'he deixau a-saber-las, pero tiempo tendremos de ir anyadindo-ne.