Driesestig

Die dertienjarige Rylan Lemmetuis het al verskeie sangkompetisies gewen - plaaslik en internasionaal. In Julie 2024 het hy die top vyf by die Wêreldkampioenskap vir Uitvoerende Kuns in Los Angeles, Amerika, gehaal.

Lohra de Waal vertel vir Martelize Brink van Nordiese stap. en die rol daarvan in rehabilitasie.

Die TikTok-lughaweuitdaging behels dat jy slegs 15 tot 20 minute voor jou vlug by die lughawe aankom, in plaas van die voorgeskrewe twee of drie ure.

Janke Kleynhans vertel van van die lewe in Leuven in België.

Melkboer Johan Gerber vertel vir Haidee Muller-Isaacs van sy grootwordplek, Hoekwil net noord van Wildernis. Hy maak tussen die boerdery deur tyd om in 'n boere-orkes te speel.

Phindile Zweni vertel vir Martelize Brink van SASAPO se vaardigheidsontwikkelingsprogramme vir gevangenes en oud-oortreders.

‘n Vrou in Amerika het ‘n ou baadjie vir liefdadigheid geskenk. Later het sy besef dat haar loterywenkaartjie vir $2,5-miljoen in daardie baadjie se sak is...

Gedink ’n skaap is net n skaap soos ’n dorper, merino of dormer? O nee, daar is ook die vierhoringskaap. ’n Skaap met vier horings, hier, in Suid-Afrika. Mariska Spoormaker het by John Melville, president van die Bloemskou, gepraat waar dié unieke Swanepoelskaap teen einde April te sien sal wees.

Johan Rademan vertel van SENDING VAN VER, RSG se nuwe Afrikaans 100 spesiale opwipmiddagvervolgverhaal van 23 episodes, waarvan hy die regie behartig het.

Elke Brink van PSG Wealth R21 op Stellenbosch praat oor jou beleggingstrategie in onstuimige markte.

Twee Galapagos-skilpaaie by die Philadelphia-dieretuin wat elk sowat 100 jaar oud is, het onlangs die eerste keer ouers geword.

Krish Lewis vertel van die pienk kwal-jellievisse wat tans so volop in Tafelbaai is.

Haidee Muller-Isaacs gesels met Suzanne Van Zyl oor die waarde van leesterapie vir oud en jonk.

Elke Brink van PSG Wealth R21 op Stellenbosch praat oor wat gebeur wanneer jy die beste dae op die mark misloop. As jy net die tien beste dae in die mark misloop oor ongeveer 25 jaar, is jou portefeulje omtrent 50% van wat dit kon wees!

‘n Amerikaanse maatskapppy wat babaprodukte vervaardig gaan oor nege maande borsmelkgeur roomys op die rak hê.

Kos-en kultuurhistorikus Hetta van Deventer-Terblanche praat oor sjokolade as 'n geurmiddel.

Mariska Spoormaker het kennis gemaak met ‘n pienk Karoo, toe sy gaan fietsry het op die plaas Nagtegaalsfontein buite Colesberg. In hierdie omgewing is die sonsondergange nie net rooskleurig nie, daar was ook die slag van Pink Hill tydens die Anglo-Boereoorlog. Daar is selfs ook die Pink Hill Karoo kliphuis. Cornel Strydom van Nagtegaalsfontein, skepper van die besonderse kliphuis, vertel.

‘n Standbeeld van Paddington Bear is gevandaliseer in die tuisdorp van die skepper van die karakter.

Haidee Muller-Isaacs gesels met Anelia Louw oor die werk wat Abundant Village doen om gemeenskappe te bemagtig.

Dieetkundige Valpré Huisamen praat oor die rol van elektroliete in die liggaam.

Die Oxford English Dictionary het ‘n paar Suid-Afrikaanse woorde wat nie ‘n Engelse ekwivalent het nie, opgeneem. Van die woorde is gatvol, zol en tjoekie.

Dolfie de Bruin was ’n straatkind, wie se ma hom verkoop het. Hy het in 'n grot geslaap op Mosselbaai, sy grootworddorp, toe wildvreemdes hulle oor hom ontferm het. Vandag is Dolfie die bestuurder by die Hoedjiesbaai Hotel op Saldanabaai, maar hy koester selfs nog groter drome. Hy vertel vir Haidee sy storie van hoop.

Salome Scheepers van Bushveld Crafts ontwerp en maak al haar lapprodukte met die hand. Sy voer dit onder andere na België uit.

André Diederichs van die Family Business Association of South Africa (FABASA) praat oor die belangrike rol van familieondernemings in die ekonomie, en hoe om konflik binne die ondernemings te beperk.

Eienaars van eiendom in ’n luukse woonstelblok in Australië het nie ‘n eie voertuig nodig nie. Hulle kan ‘n voertuig uit ‘n vloot Porsches bespreek.