Driesestig

Marie-Louise Burden vertel vir Martelize Brink van Taiwan waar sy al byna 15 jaar woon.

Haidee Muller-Isaacs gesels met advokaat Christénus van der Vijver, ’n afgetrede senior staatsaanklaer, wat betrokke was by hoëprofiel sake soos dié van Allan Boesak en

Britte vind plesier in toustaan! Dis deesdae ‘n sosiale aktiwiteit wat mense gebruik om ander te ontmoet, en dan groepe te stig om saam te gaan toustaan, byvoorbeeld by die opening van nuwe winkels.

Veearts dr. Ginelle Vivier praat oor mondhigiëne, waarna om te kyk, en die behandelingsopsies vir honde en katte.

Olivia Lamprecht vertel vir Martelize Brink hoe Hein eers by haar kwaai pa moes verby kom. Hy is nege jaar ouer as sy.

Oor die naweek is 30 vlugte met 6 000 passasiers in Litaue vertraag, weens smokkelsigarette wat met klein lugbalonne oor die grens van Belarus af in die rigting van Vilnius-lughawe gewaai het.

Hannes van Wyk gesels oor sy werk en die navorsing wat nodig is om ‘n sukses te maak van wat hy doen, hetsy as akteur of aanbieder.

Koskonsultant Heleen Meyer praat oor hoe om jou kos te geur sodat jy minder sout gebruik.

Tony en José Farinha het jare gelede Kaap toe gekom uit Madeira in Portugal. Vir 35 jaar het hulle die gewilde One Shop Superette in Oakdale, Bellville, bedryf. José het 'n ruk gelede die tuig neergelê, en nou het Tony uiteindelik besluit dis tyd om die deure te sluit. Haidee Muller-Isaacs het daar gaan inloer op die heel laaste dag om te hoor wat die getroue klante oor Tony en sy span te sê het....

In China gons dit oor tandtatoeëring. Tandartse sê om te kerf aan ‘n tand, verswak dit, so moet liewer nie.

Lize Beekman vertel van haar nuwe album, Tussen hier en daar, en haar eie reis en proses tot die skep van die musiek.

Blaine Jones en Joanie Voss gesels in die aanloop tot Joanie se matriekdans. Sy is ‘n wenner in die RSG en Elizabeth Galloway se Matriekdansprojek.

Mariette Pieterse vertel vir Martelize Brink hoe jy vernuwing in ‘n verhouding kan bring. Sy lig vier belangrike komponente uit.

‘n Tweejarige dogtertjie in Nepal is gekies om ‘n lewende godin te wees. Sy sal dié posisie beklee tot puberteit ‘n einde daaraan bring.

Granate is ’n woestyn- of semiwoestyn-vrug, en aard volgens granaatboer Gerhard Meyer uitstekend in die Klein Karoo, vanwaar dit na veral die Midde-Ooste uitgevoer word. Johan Rademan het met hom by NAMPO Kaap se saamtrek in Bredasdorp gesels.

Natasha Lyon vertel van Suid-Afrikaanse heuning wat by ‘n simposium in Kopenhagen te proe was, waar 142 lande verteenwoordig was. Die heuning het verskillende biome in Suid-Afrika verteenwoordig.

Stefan Gerber vertel vir Martelize Brink van die alternatiewe gebruike van wol, soos klankdigting, lugsuiwering en vuurvasting.

‘n Indiese hof het die staat aangesê om handskriflesse deel van die mediese skoolkurrikulum te maak. Volgens die hooggeregshof is ’n leesbare mediese voorskrif is 'n fundamentele reg.

Chantel Boonzaaier gesels met Martelize Brink van Rhodes-eiland af in Griekeland, waar sy as sangeres werk.

Diederik Geldenhuys van Riversdale is bekend in dié streek vir sy interessante blomkuns. Hy is gaande oor inheemse plante, en sy vingers is natuurlik grasgroen. Hy sê plante laat sy gees vry sweef in 'n andersoortige wêreld. Haidee Muller-Isaacs het hom raakgeloop op Heidelberg, waar hy haar ook van sy twee geliefde donkiekinders vertel het.

Die owerhede in Windhoek is ontevrede nadat ‘n partytjie in die Gammams-begraafplaas gehou is. Daar was ‘n sitplekplan, ‘n kattebakpartytjie en koelhouers vol drank.

Veearts dr. Elizna Boag vertel vir Martelize Brink van kossoorte wat toksies is vir honde en katte.

Marion Holm vertel van RSG se nuwe middagvervolgverhaal, en haar rol as Greta le Roux.

Ansie Nieuwenhuis vertel vir Martelize Brink dat sy Jan se stem oor die foon herken het, omdat sy elke aand hom en sy orkes hoor oefen het.

‘n Stoeier en sterkman van Egipte het twee skepe van 1 050 ton gesleep aan ‘n tou tussen sy tande!