Driesestig

Dit is nie net desperate katte wat desperate spronge maak nie, maar ook hulle eienaars. Johan Rademan het uitgevind dat die kat wel weer kom.

Sjef Pieter Malan gesels met Martelize Brink oor olyfolie as geurmiddel en bestandeel.

‘n Man is vir langer as twee jaar tronk toe gestuur nadat hy ‘n handsak met ’n Farbergé-eierstel ter waarde van £2,2 miljoen gesteel het, sonder om te besef wat dit is en hoeveel dit werd is. Hy het dit vir kokaïene geruil.

Dr. Beryl Botman, vrou van die ontslape oudrektor van die Universiteit Stellenbosch, Russel Botman, vertel vir Haidee Muller-Isaacs meer oor haar lewe na dese, ‘n nuwe boek en ‘n splinternuwe projek.

Dieetkundige Valpré Huisamen praat oor jogurt, dermgesondheid en wanopvattings soos dat suiwel slym in die lugweg veroorsaak.

Pluimballe se pryse het die hoogte in geskiet. Die balle word met 16 gans- of eendvere van dieselfde vlerk gemaak. In China waar die meeste pluimballe vervaardig word, het gansboerdery dramaties afgeneem. Die Chinese eet nou baie meer vark. Nou laat die Pluimbal Wêreld Federasie sintetiese pluimballe in graad 3 en junior internasionale kompetisies toe.

Sy noem haarself 'n onrehabiliteerbare bibliofiel wat hartstogtelik oor Afrikaans is. Haidee Muller-Isaacs gesels met Ina Strydom, die stem agter RSG se Taaldinge.

Dr. Mandie Uys vertel vir Martelize Brink wat kan ons leer by die antieke Grieke en Romeine oor teater. Die Romeinse keiser, Nero, was ‘n ywerige akteur.

In China het mense klein woonstelle begin koop om geliefdes se as in te bêre, siende dat dit soveel goedkoper is as begraafplase. Dié praktyk is nou onwettig.

Hermanus Retief gesels met Martelize Brink oor die lewe in Katar, en hoe die konflik in die streek hulle daaglikse lewe beïnvloed. Dit is sy elfde jaar as onderwyser in die Midde-Ooste.

Ilze Nel-Marais vertel vir Martelize Brink van Suid-Afrika se uitdaging met etniese diversiteit en die min mense wat geregistreer is as stamselskenkers.

Chinese bure was haaks, toe begin die een woonstel se inwoners vir 10 ure elke dag spookstories speel oor ‘n luidspreker by die muur wat hulle deel met die bure met wie hulle onmin het.

Amor McLaren vertel van die uitdaging van hase en konyne, wat ongewenste troeteldiere word en deur eienaars vrygelaat word op plekke soos parke en sportvelde.

In die landbounuus: SA Landbou verwelkom die tydelike verlaging in die brandstofheffing. Die effek van die konflik in die Midde-Ooste op kunsmispryse. Bek-en-klouseer-nuus, en die jongste skatting vir somergraangewasse.

Dr. Willem Botha praat oor die komvandaan van Afrikaanse vrouename uit die Bybel, soos Salome, Naomi, Judith en Magdalena. Hy bespreek ook luisteraars se navrae oor Renche, Zelda en Marcia.

Twaalf ton KitKat-sjokoladestafies is gesteel. Dit is in Italië vervaardig, en was bestem vir Pole toe die 413,793 stafies met die voertuig voete gekry het.

Steffie le Roux gesels met Martelize Brink oor haar produksie, Ommitafel. Sy het haar ervarings om die tafel in ‘n karakter omskep. Dis ’n intieme musikale reis oor mense, maaltye en momente wat ons bind.

Julio Agrella gesels met Martelize Brink oor sy regsgraad, skryfwerk en roomysmaak by sy huisrestaurant, Bistro Celeiro, op die Sewepassepad tussen Hoekwil en Karatara in die voorheuwels van die Outenikwas.

Johan Stadler gesels met Martelize Brink oor sy stoompunk-kuns. Hy bou sy fantasiewêreld-kunswerke uit items wat hy by antiekewinkels en markte koop.

Mauritz Lotz gesels met Martelize Brink oor die verhoogproduksie, Plektrum, wat dié uitsonderlike kitaarspeler se lewensverhaal vertel.

Dr. Elisha van Heerden praat oor ‘n natuurliker aanslag tot skoonheid en ‘n uitgeruste voorkoms wat deesdae die ding doen.

Droomsindroom vertel vir Martelize Brink van die sukses van Hey Sonneblom, en hoe die groep ‘n familie-onderneming is. Die twee broers se ma is hulle bestuurder.

René Scribante vertel vir Martelize Brink van die Suid-Kaapse Vereniging vir Visuele Kuns en die 160 lede vant die Tuinroete en Karoo se uitstallings en bedrywighede.

Zoé vertel vir Martelize Brink sy het pas haar au pair-werk bedank, en is nou volstoom kreatief. Saam met sang en toneelspel, is daar ander kuns in die pyplyn.

Jantjie Jonker vertel vir Martelize Brink van sy pa se wingerdstokperdjie op Jakkalsvlei, wat gelei het tot die tuinroetewyn wat hulle op Herbertsdale maak.