Driesestig

Stéphan van der Watt vertel vir Martelize Brink van die lewe in Kobe, Japan, en hulle belewenis daar die afgelope 16 jaar.

Johnny Davids, ons oud-kollega by RSG, is onverwags van ons weggeneem. Johan Rademan gaan terug na die begin van die millenium toe RSG by die KKNK die ZING-wenners, Johnny en Vivian, op die verhoog verwelkom het. Hulle het per bus van Namibië deur die Noord-Kaap gery, en langs die Snyman-broers op die RSG-verhoog beland. Hulle eerste album is 20 jaar gelede opgeneem en vrygestel deur Snyman Musiek...

By die Delaware Marathon Hardloopfees is ‘n heldhaftige eindpoging op video vasgevang toe die voorloper Carson Mello te vroeg begin vier het. ’n Volspoed-eindpoging het Joshua Jackson met 0,02 van ‘n sekonde laat wen.

Cassie Carstens van BirdLife SA vertel vir Martelize Brink van ‘n waadvoël-migrasieprojek, waar GPS-monitors ingespan word om twee waadvoëlspesies se migrasieroetes na Europa en Asië te bepaal.

In die landbounuus: Die Suid-Afrikaanse Suikerrietkwekersvereniging; die jongste oor bek-en-klouseer; trekkerverkope; en 'n bedreigde voëlspesie.

Dr. Willem Botha praat oor Latynse name soos Francois, afgelei van Franciskus, en Hercules. Op navraag word Hugo en Hugh ook bespreek.

‘n Chinese motorvervaardiger het ‘n patent geregistreer vir ‘n toilet in ‘n voertuig. Dit word met jou stem geaktiveer en skuif dan onder die passasiersitplek uit.

Matt Prinsloo praat oor fynbosbolplante en ‘n goeie grondmengsel vir die bolle, veral buite ‘n Meditereense klimaatstreek.

Kos- en kultuurhistorikus Hetta van Deventer-Terblanche praat oor veelsydige vanielje.

Juanita Oostendorp vertel van haar dae as ‘n pastoriekind. Sy was lief vir Afrikaans, en het geleer dat woorde krag dra. Die gedigte het sommer lukraak posgevat in haar kop. Haidee het by haar gaan koffie drink.

Huiskopers in Engeland is verras met ’n daggakwekery tydens hulle eerste besoek aan hulle nuwe huis.

Francé Beyers en Liesl van der Walt vertel vir Johan Rademan van ‘n projek op Stellenbosch om die Eikestad se eikebome te herplant nadat die stomkopkewer onder die bome gemaai het.

Die Bosoorlog, ook bekend as die Grensoorlog, en sy nalatenskap is onlosmaaklik steeds met ons. Ongeveer 500 000 dienspligtiges is gedurende die 23 jaar van die oorlog deur die SA Weermag opgelei, en bykans elke huishouding is daardeur geraak. Om die jong soldate van destyds se onskatbare bydrae tot Suid-Afrika se geskiedenis te vier, asook om fondse vir sy werksaamhede in te samel, bied die SA We...

Dieetkundige Valpré Huisamen praat oor gesond eet op ‘n knap begroting.

Charles Smith van Australië het op 91 jaar en 209 dae die eerste keer oupa geword. Hy het nou die Guiness-wêreldrekord as die oudste man om die eerste keer oupa te word. Sy seun, Ashley, het op 55 pa geword.

Toutrekafrigter Morné Visser vertel vir Johan Rademan van HTS Drostdy se 560 kg-seunsspan wat op die nasionale kampioenskappe goud gewen het. Kaptein Francois Keyser en onderkaptein Brendon de Beer gesels oor hulle voorbereiding vir die wêreldkampioenskappe later vanjaar op Mosselbaai.

Dr. Mandie Uys vertel vir Johan Rademan van die Bisantynse Ryk wat gestig is toe die Romeinse Ryk in twee verdeel het.

Enkellopendes kom deesdae in pubs bymekaar, waar ‘n vriend of vriendin hulle met ’n PowerPoint-aanbieding bekendstel as iemand om mee uit te gaan. Hulle noem dit Date My Mate.

Riana van der Westhuizen vertel vir Ignatius Vlok hoeveel van die wêreld sy al gesien het in die 14 jaar wat sy op plesierskepe werk.

Kom ons noem dit ‘n versnit van tyd - 120 jaar en ‘n ou droom, afgerond met ‘n "doughnut".

Indië oorweeg dit om krokodille en giftige slange in riviere em moerse te ontplooi op die grens met Bangladesj waar heinings nie opgerig kan word nie.

Maryke Musson van uShaka Marine World in Durban vertel van vreemde seediere, soos blobvisse, koekiedrukkerhaaie, seeskapies, slympalings en dwergpypperdjies.

In vandag se landbounuus kyk ons na die jongste verwikkelinge met bek-en-klouseer, ‘n veediefstalsaak, die melkbedryf se statutêre heffingsaansoek, en finansiële ondersteuning vir kreefplase.

Dr. Willem Botha praat oor Latynse name soos Adriaan, Cornelius, Antonius, Marthinus en Markus.

In Japan vat die kantoorwerkers hulle stoele straat toe om teen mekaar te jaag. Spanne van drie jaag vir twee ure in ‘n aflosformaat.