Driesestig

HGG Finansiële Groep bied die reeks, Geldgids, aan om in dié tyd van geldverknorsing hoop te gee en kennis oor te dra. Linda van Greuning, direkteur van HGG-Trustdienste, lig ons toe oor die noodsaaklikheid van 'n geldige testament, en verduidelik verwante begrippe. Aan die vooraand van September (waarin Testamentweek ook tradisioneel val), nooi sy jou om gratis jou testament tussen 13 en 17 Septe...

Prof. Anita Bosch vertel van navorsing wat wys hoe daar teen vroue gediskrimineer word wanneer hulle hulle loopbane wil hervat nadat hul tuis gebly het om na kinders om te sien.

Ouerskap toets jou geduld, en het hordes uitdagings. En om ‘n enkelouer te wees, is ‘n perd van ‘n heel ander kleur… Jacqui January hoor van ‘n groep vroue wat enkelmammas ondersteun met praktiese, emosionele en finansiële hulp. Sy gesels met die stigter en berader van Solo Mammas, Ingrid Harper, en wou by haar weet hoe dit alles begin het.

Werner Voigt vertel vir Johan Rademan en Martelize Brink van 'n aangevulde realiteit-kunsuitstalling wat by Kirstenbosch gaan plaasvind.

Argitek Gerrit Jordaan gesels met Johan Rademan en Martelize Brink oor son en lig in stadsontwerp.

Dr. Ida Wilson praat oor die potensiaal van plantekstrak om as insekdoder gebruik te word.

Jacques Steyn vertel vir Johan Rademan en Martelize Brink van die Stellenbosch Tuinweek, en wat by die Jordan-wynplaas te sien is daardie week.

Lizette Volkwyn gesels met Johan Rademan en Martelize Brink oor hoe jy oneerlike kollegas hanteer.

Marian Ludewig vertel vir Martelize Brink van haar koekieversierkuns.

Prof. André Calitz van die Nelson Mandela Universiteit vertel vir Haidee Muller-Isaacs van sy 45 jaar in die rekenaarbedryf, en hoe dit oor die jare verander het.

Prof. Elmi Muller vertel vir Martelize Brink hoe Covid-19 orgaanoorplantingspraktyke beïnvloed het.

Ellen Oosthuizen vertel vir Martelize Brink hoe die geleentheid- en konferensiebedryf beïnvloed is deur Covid-19.

Martelize Brink gesels met Koos Kombuis oor sy loopbaan, en wat hy in die grendeltyd gedoen het om aan die gang te bly.

André Marais vertel vir Martelize Brink van sy verbintenis met boeke en 'n opwip-boekwinkel met radikale leesstof wat hy tans bedryf.

Michelle Pretorius vertel vir Martelize Brink van die Saldanhabaai akwakultuur-ontwikkelingsone.

Dr. JJ van Zyl gesels met Johan Rademan en Martelize Brink oor die maan, die dag en nag daar, temperature en verskynsels soos bloedmaan.

Ilse Terblanche is van die Kusadiana Trust in Gqerberha. Hulle fokus is om jongmense te befonds sodat hulle ambagte kan beoefen. Haidee Muller-Isaacs het met haar gepraat.

HGG Finansiële Groep bied die reeks, Geldgids, aan om in dié tyd van geldverknorsing hoop te gee en kennis oor te dra. Casper Marais en Leras Uys deel hul ervaring en sakekundigheid in die gesprek. Casper is 'n direkteur van HGG Finansiele Groep se Konsult-sake-eenheid en Leras is 'n professionele rekenmeester en 'n direkteur van HGG Finansiele Groep asook die hoof van die groep se Paarl-kantoor....

Rachel Viljoen vertel vir Johan Rademan en Martelize Brink van akoestiek in die ontwerp van teaters.

Hoe het die Khoi en San in die veld, van die veld geleef? En wat van die kinders wat soms sonder ouerbewaking gespeel en gehardloop het in die veld? Jacqui January kyk na van die slim gebruike van plante vir oorlewing.

Marion Maasch du Toit vertel vir Johan Rademan en Martelize Brink hoe sy as een van 89 Duitse weeskinders op 8 September 1948 in Kaapstad aangekom het om deur Suid-Afrikaners aangeneem te word.

Anmiray Opperman is van die Ashbury-gemeenskap in Montagu. Dit is haar hartsbegeerte om besoekers aan dié Roete 62-dorpie in die Klein Karoo per fiets te laat wiel na die kultuurhistoriese ervaring waar jy o.a. die dramatiese sy van Anmiray leer ken, maar ook ouma se geregte op die tafel met jou gedeel word. Johan Rademan het met haar kennis gemaak.

Alice Vosloo en Hannes Oosthuizen gesels met Johan Rademan en Martelize Brink oor orgaanskenking. Hannes het 'n deel van sy lewer aan sy pa geskenk.

Haidee Muller-Isaacs gesels met Michael Janse van Rensburg, direkteur vir museums, erfenis en geografiese name in die Wes-Kaap. Hy verduidelik hoekom museums steeds ‘n belangrike rol speel, en hoe ons moet keer dat dit nie wit olifante word nie.

Willem Boshoff vertel vir Johan Rademan en Martelize Brink hoe inheemse bome op Tafelberg se bas gestroop word vir traditionele medisyne en rituele.