Driesestig

Herman Watney praat oor die waarde daarvan om onafhanklike sekerheidsraad te kry. Sekerheid is 'n wyer begrip as sekuriteit.

Gifberg se naam het 'n interessante oorsprong. Johan Rademan het Mike Spies bo-op die berg in die Suide van Namakwaland ontmoet, waar die Gifbergpas aan die voet van die Knersvlakte bestyg kan word. Leipoldt en rooibostee kom ook onder die loep.

Die egpaar, Flip en Tilla de Wet, albei 74 jaar oud, is al 18 jaar lank voltydse langpad-toerders wat op alle lengte- en breedtegrade van Suid-Afrika al hulle tentpenne ingeslaan het. Mariska Spoormaker het hulle op Pofadder in die hande gekry. Tilla vertel waar dit alles begin het.

Die Universiteit van Johannesburg se kunsgalery het die afgelope week ‘n toekenning ontvang van Besigheid SA vir innovering. UJ het meer as net ‘n 3D-galery geskep. ‘n Platvorm is ontwikkel waar interdisiplinêre projekte en video-argiewe aan globale gehore beskikbaar gestel is. Jacqui January vertel meer…

Dr. Arnike Redelinghuys vertel van vroue se gesondheidsuitdagings tydens die Covid-19-pandemie.

Daphne Untiedt vertel vir Johan Rademan en Martelize Brink van Mtunzini as toerismebestemming.

Dirna Grobbelaar praat oor die belangrikheid van flos.

Prof. JP Smit van HGG Finansiële Groep praat oor die slaggate waarin 'n onderneming kan beland, en hoe om dit te vermy.

Argitek Gerrit Jordaan vertel hoe groen-ontwerp in stede toegepas word.

Paralimpiese gouemedalje-wenner Anruné Weyers gesels met Johan Rademan en Martelize Brink oor haar ervaring in Japan.

Oudspringbokkaptein Wynand Claassen praat oor Middelburg se skool wat ook vir sjef Jan-Hendrik van der Westhuizen en kunstenaar Louis Janse van Vuuren opgelewer het.

Izak van der Merwe vertel vir Johan Rademan en Martelize Brink van vanjaar se bome van die jaar, en nuwe beskermde bome.

Carina Louw and Natasha Jaume is genooi om hulle modeontwerpe te gaan wys in Parys in Frankryk. Hulle is die enigste Suid-Afrikaners wat deelneem aan 'n Fokus op Afrika-uitstalling, wat plaasvind in die aanloop tot Parys-modeweek.

Ses jaar gelede was dit so hittete of operasangeres Brittany Smith van North Pine se sangdrome het aan skerwe gelê. Ja, 2015 was ‘n rowwe jaar toe sy met endotrageale tuberkulose, net 4 cm onder haar stembande, gediagnoseer is. Vandag is sy dankbaar dat die draaie wat haar lewenspad geloop het, haar beter en sterker gemaak het. Op die ou end het sy op haar voete geland, en nou stap sy die pad vore...

Stephanie Muller vertel vir Johan Rademan en Martelize Brink van die Blaauwberg Natuurreservaat, wat nou tot ‘n provinsiale erfenisgebied verklaar is.

Kliniese sielkundige dr. Konrad van Staden praat oor uitbranding, en hoe dit sowel werknemers as werkgewers affekteer. Hy wys op die gevaarligte waarvoor jy op uitkyk moet wees, veral in 'n tyd soos hierdie midde in 'n voortslepende pandemie.

‘n Sjef van Amerika het jare gelede baie gewig afgeskud, en daarna besluit om van werk te verander, want hy het geglo hy sal alles weer optel. Verskeie sjefs en kokke sukkel met hulle gewig weens hulle werk. Mynhardt Joubert het by 176 kg gedraai. Hy is halfpad deur sy mikpunt, en verduidelik hoe jy gewigsverlies onderhou terwyl jou werk soveel verlyding inhou.

Wynand Human vertel van die guanoplatforms aan die kus van Namibië, vanwaar dié gesogte organiese bemesting volhoubaar geoes word.

Lionel Byrn gesels oor tuinuitleg in komplekse om ‘n unieke spasie te skep.

Carol Botha is reeds van kleins af 'n groot aanhanger van sterrekyk. Sy vertel vir Haidee Muller-Isaacs van die wenfoto wat sy van die maan geneem het, en hoe sy graag kinders oor sterre en planete leer. Haidee het by haar nuwe tuiste in die aftreeoord Ametis in die Strand gaan kuier.

Prof. Johannes Froneman vertel vir Martelize Brink van ‘n digitale museum oor Afrikaanse mediamense en van die groot nuusstories wat hulle die afgelope eeu en langer aan ons gebring het.

Jeanette Kruger en dr. Deon Weyers gesels met Martelize Brink oor 'n inisiatief wat tweedehandse bra's insamel, wat deur ZABRA versprei word in hoërskole, onder andere in Soweto en Alexandra.

Maryne Steenekamp vertel vir Martelize Brink van die waarde van kort kursusse in kreatiewe modeontwerp.

Dr. JJ van Zyl gesels met Johan Rademan en Martelize Brink oor die waarde van radioaktiwiteit in die wetenskap soos by rotsdatering, elektristeitopwekking en mediese toepassings.

Danielle Coetsee vertel van Cap Classique se 50 jaar in Suid-Afrika.