Driesestig

Kobie Abrie gesels op Wêreld Pleegsorgdag oor die stand van aanneming in Suid-Afrika.

Haidee Muller-Isaacs gesels met Melisha Maarman oor die groot harte van ‘n groep Suid-Afrikaners wat in Texas woon. Melisha was onlangs saam met 'n groep plaaslike jong sokkerspelers in Amerika, waar hulle aan die Dallas Cup deelgeneem het. Wat sy daar in Texas van haar eie land se mense beleef het, lê haar steeds na aan die hart. Sy vertel vir Haidee van hierdie ervaring daar doer in die verte.

Gerhard Swart vertel vir Martelize Brink hoe jy weet wanneer ‘n kuberkraker jou gekraak het.

Eben Olderwagen vertel vir Martelize Brink van sewe skaars kwaggas wat ‘n nuwe tuiste by Vergelegen gevind het.

Potspel word geassosieer met tavernas en kroeë, maar in Rosedale op Kariega is die egpaar Koos en Shereen Witbooi besig om te bewys dit leer jong kinders dissipline en maak van hulle beter leerders. Boonop hou dit hulle uit die strate en uit die moeilikheid. Mariska Spoormaker het meer gaan uitvind.

Elmari Murphy praat in Kinderbeskermingsweek oor die belangrikheid daarvan om hoop te skep.

Martelize Brink het op 'n onlangse besoek aan Groot Brakrivier met mense gesels wat weggooigoed nuwe gee as bruikbare produkte en kunswerke, soos 'n olifant wat uit skroot gemaak is en 1 000 kg weeg!

Jou tuin mag soos ‘n lushof lyk, maar weet jy of daar enige uitheemse of indringerplante is? Indringerplante is veral 'n onding omdat dit so maklik versprei en biodiversiteit kan vernietig. Tuiniers behoort die verantwoordelikheid te neem om vas te stel wat is inheems, uitheems en indringer in hulle tuine. ‘n Baaise natuurgids en plantkundige, Graeme Pienaar, help tuiniers hiermee. Mariska Spoorma...

Martelize Brink en Johan Rademan gesels met Henning van Aswegen, skrywer van die boek, Spioenmeesters, oor die 18 gevallestudies wat hy oor die wêreld van Suid-Afrika se spioene saamgevat het.

Haidee Muller-Isaacs kuier in verpleegster Lenore Combrink se kombuis vol liefde. Lenore vertel vir haar van makataan-mosbolletjies, vye inlê en haar passie vir die gemeenskap.

Uit die meer as twee-en-‘n-halfmiljoen inwoners van Katar is slegs 300 000 Kataarse burgers. Naas Rusland het dié land die tweede grootste gasveld ter wêreld. Dié skiereiland in die Persiese Golf is net 160 km lank en 80 km breed, maar dit is een van die rykste lande in die wêreld. Sokkeraanhangers weet dat die FIFA Wêreldbekersokker-eindtoernooi later vanjaar daar plaasvind. Johan Rademan het tyd...

Fransjohan Pretorius, emeritusprofessor in geskiedenis aan die Universiteit van Pretoria, gesels oor sy loopbaan in en passie vir geskiedenis wat reeds op laerskool begin het.

Terwyl almal asem ophou en hoop vir reën om die Baai van ‘n waterlose toestand te red, wonder mense wat die ekonomiese impak van die waterkrisis sal wees, nie net in die teenwoordige tyd nie, maar ook die toekoms, want só iets skrik seker potensiële beleggers af. Mariska Spoormaker het praat hieroor met MC Botha, ‘n raadslid van die Nelson Mandelabaai Sakekamer.

Vanjaar se tema vir Afrikadag is voeding. Ons hoor by ‘n pediatriese gastroenteroloog wat die stand van kindervoeding in Suid-Afrika en die res van Afrika is.

Emile Gouws is outisties. Hy was tot op 15 nie-verbaal. Hy is tans 'n spesialisonderwyser en is besig met die laaste jaar van sy doktorale studies.

Afrikadag word elke jaar op 25 Mei herdenk. Ons fokus vandag op Ethiopië, wat met nie minder nie as nege UNESCO-wêrelderfenisgebiede spog. Die hoofstad, Addis Abeba, is die hoogste stad in Afrika op 2 400 meter bo seevlak. Jacqui January het meer gaan uitvind oor die unieke kulturele gebruike in Ethiopië.

Admiraal André De Wet, Direkteur: Vlootmagvoorbereiding, vertel van die drie nuwe plaaslik vervaardigde vaartuie wat die SA Vloot bekendgestel het.

Martelize Brink gesels met Mariet Conradie van die Ditsong Kruger Museum oor hul stories-op-die-stoep-projek wat interaksie tussen die museum en gemeenskappe bevorder.

Vrydag 20 Mei 2002 was Byedag. Haidee Muller-Isaacs kuier by Michael Hammond se The Honey Room. Die oudmediafotograaf vertel hoe sy byestokperdjie nou sy heeltydse werk geword het. Hy vertel ook wat mense van heuning moet weet.

Akademiese spesialis Samara Cloete verduidelik wat kritiese denke is, en hoe ons dié vaardigheid kan aanleer.

Maggi Loubser vertel vir Martelize Brink hoe radiokoolstofdatering werk, wat bepaal hoe oud ‘n voorwerp is.

Rupert Koopman vertel van die ontdekkings wat gemaak is tydens vanjaar se City Nature Challenge.

Haidee Muller-Isaacs kuier by die Langerugskool, 'n spesiale skool vir leerders met spesifieke leerhindernisse (ja, hier word nie van leergestremdhede gepraat nie). Sy loer in by die klasse en kyk hoe van die leerders leer om te swys, piesangbrode tebak en selfs te oefen vir 'n opkomende konsert.

Fotograaf, kunstenaar en ontwerper Hein Botha gesels oor sy geskiedenis as posseëlontwerper en sy voorliefde vir die gebruik van geologie in sy kuns.

Kobus Louwrens vertel vir Martelize Brink van ‘n dokumentêre program oor klimaatsverandering in die Kaapse wynlande, om aandag op dié uitdaging te vestig.