Dilli Dali

ലൈബ്രറിയേക്കാൾ വലുതായ ലൈബ്രേറിയൻ വെള്ളിവെളിച്ചത്തിൽ നിന്നും മാറിനിന്ന് ഗവേഷകരെ വെളിച്ചത്തിന്റെ വേദികളിലേക്ക് ആനയിച്ച വി .വേലപ്പൻ നായർ പി കെ ബാലകൃഷ്ണൻ 'ജാതിവ്യവസ്ഥയും കേരളചരിത്രവും' എന്ന പുസ്തകത്തിന്റെ അവതാരികയിൽ തുല്യ കർത്തൃത്വം ആദരിച്ചു നൽകിയ ചരിത്രകുതുകി. നിരവധിയാളുകളുടെ ഓർമ്മകളിലെ പ്രിയമാനസൻ ലോകത്തിലെ എല്ലാ നല്ല ലൈബ്രേറിയന്മാർക്കും വേണ്ടി ഒരു പോഡ്കാസ്റ്റ് .

കോവിഡ് കണ്ട ലോകത്തെ വാസ്തുവിദ്യ പ്രശസ്ത വാസ്തുകാരൻ (Architect ) ഡോ . ബെന്നി കുര്യാക്കോസ് സംസാരിക്കുന്നു . മഹാമാരികൾ ഇതിനുമുൻപും വാസ്തുവിദ്യയെ സ്വാധീനിച്ചിട്ടുണ്ടോ ?, ലോകനഗരങ്ങളും , ഗ്രാമങ്ങളും , ഓഫിസുകളും , പാർപ്പിടങ്ങളും എങ്ങനെ മാറാൻ പോകുന്നു ? എന്താണ് ഇന്ത്യയിലെ വസ്തുനിഷ്ഠ സാഹചര്യം ? വാസ്‌തുരംഗത്ത് പ്രവർത്തിക്കുന്നവർ ശ്രദ്ധിക്കേണ്ട കാര്യങ്ങൾ എന്തൊക്കെ ? ലാറി ബേക്കറിന്റെ വാസ്തുദർശനത്തിന്റെ പ്രസക്...

ചിന്താവിഷ്ടയായ സീതയെ കുറിച്ച് ഒരു പോഡ്കാസ്റ്റ് സച്ചിദാനന്ദൻ സംസാരിക്കുന്നു എവിടെയാണ് ആശാന്റെ സീതയുടെ വേരുകൾ ? വാത്മീകിരാമായണത്തിലോ അതോ ശ്രീ നാരായണഗുരുവിലോ ? രാമനിലെ വൈരുദ്ധ്യങ്ങൾ , സീതയിലെ ഗൗരിയും കാളിയും , രാമനിലെ സീതയും , സീതയിലെ രാമനും ...സച്ചിദാനന്ദൻ ആഴത്തിൽ അന്വേഷിക്കുന്നു. രാമന്റെയോ സീതയുടെയോ പക്ഷം ചേരാതെ ആശാന്റെ സീതയെ സമീപിക്കുവാൻ കഴിയുമോ ? രാമായണത്തിലെ വർണ്ണാശ്രമങ്ങൾ ? ഇന്നത്തെ ഇന്ത്യയിൽ ച...

1924 ലും 1928 ലുമാണ് ടാഗോർ ചൈന സന്ദർശിച്ചത് . ചൈനീസ് കമ്മ്യൂണിസ്റ്റ് പാർട്ടിക്ക് മൂന്നുവയസ്സുള്ളപ്പോൾ യുവവിപ്ലവകാരികൾ കവിയുടെ പ്രസംഗങ്ങൾ തടസ്സപ്പെടുത്തി. ഇന്ത്യയും ചൈനയും കിഴക്കൻ ലോകവും ഒരു സംസ്കാരമാണെന്നും സഹവർത്തിക്കണമെന്നും ടാഗോർ ആഗ്രഹിച്ചു. ഇന്ത്യാ -ചൈന തർക്കം മൂർച്ഛിച്ചിരിക്കുന്ന ഈയവസരത്തിൽ ദില്ലി -ദാലി ടാഗോറിന്റെ ചൈനാ യാത്ര ഓർത്തെടുക്കുന്നു. ദേശകാലങ്ങൾക്കു മേലെ അതിർത്തികളിലെ  വന്മതിലുകള...

2020 ലോകസംഗീതദിനം ഒരു പുരാതന തമിഴ് ഈണത്തിൽ കാരൈക്കുറിച്ചി പി അരുണാചലം തീർത്ത അഭൗമ സംഗീതം

പഥേർ പാഞ്ചാലിയുടെ പ്രശസ്തിയുടെ ആദ്യകാലങ്ങൾ അന്വേഷിക്കുന്നു . ബംഗാളിന്റെ ഗ്രാമീണ -നഗരയിടങ്ങൾ റേ യിൽ എങ്ങനെ ? ബംഗാളി മധ്യവർഗത്തിന്റെ ആവിർഭാവവും പഥേർ പാഞ്ചാലിയും . Modernity Vs Modernism സത്യജിത് റേ യിൽ സത്യജിത് റേ ജന്മശതാബ്ദി പോഡ്കാസ്റ്റ്: 2 / 1 2 ചലച്ചിത്രകാരൻ  വിപിൻ വിജയ് സംസാരിക്കുന്നു

ഒരു കാർട്ടൂണും കൃഷ്ണമേനോനും ചൈനയും വിശ്രുത കാർട്ടൂണിസ്ററ് ഡേവിഡ് ലോ 1954 ൽ  ചെയ്ത ഒരു കാർട്ടൂണിൽ വി കെ കൃഷ്ണമേനോനും മാവോ സെ ദുങ്ങും ഒരുമിച്ചു വന്നു . ഇന്നത്തെ ഇന്ത്യാ -ചൈനാ തർക്കവേളയിൽ ഒരു അമേരിക്ക -ചൈനാ തർക്കത്തിൽ കൃഷ്ണമേനോൻ നടത്തിയ ഇടപെടൽ ഓർമ്മ വന്നപ്പോൾ ഒരു പോഡ്കാസ്റ്റ്

പതിനാറാം നൂറ്റാണ്ടിലെ ഭക്തി കവി മീരയുടെ ഒരു ഭജൻ ആണ് ഈ പോഡ്‌കാസ്റ്റിന്റെ പ്രതിപാദ്യകേന്ദ്രം . ശോഭ ഗുർത്തു അസാമാന്യമായി പാടിക്കൊണ്ടിരുന്ന മനോഹര ഗാനം . ഈ പാട്ട് ഉയർത്തുന്ന ചിന്തകൾ   വിവിധ വിതാനങ്ങളിലാണ് കേൾവിക്കാരനിൽ പ്രവർത്തിക്കുന്നത് . മീരയുടെ ജീവിതകഥ , ഭക്തിപ്രസ്ഥാനത്തിലെ സ്ത്രീകവിജീവിതങ്ങൾ, ഉസ്താദ് അല്ലാദിയ ഖാന്റെ സംഗീതപാരമ്പര്യത്തിൽ ഈ മീര ഭജന്റെ സ്ഥാനം... സച്ചിദാനന്ദന്റെ കവിതയിൽ  ...

പ്രമുഖ നിരൂപകനും അധ്യാപകനുമായ ഇ പി രാജഗോപാലൻ മാഷ് കാസർകോട്ടെ നീലേശ്വരത്തിരുന്ന് ദില്ലി -ദാലിയോട് രസകരമായ ഒരു ചോദ്യത്തിന് മറുപടി പറയുകയാണ് .... എന്താണ് തെക്കൻ കേരളം വടക്കൻ കേരളത്തിലെ  മലയാളിക്ക്.... പ്രധാനമായും അദ്ദേഹം പറയുന്നത് :  എവിടെയാണ് തെക്ക് തുടങ്ങുന്നത്,   തെക്കൻ കേരളം എന്നു കേൾക്കുമ്പോൾ മനസ്സിൽ വരുന്ന സൂചകങ്ങൾ എന്തൊക്കെയാണ് ?, അധികാരസ്ഥാപനങ്ങളും വിവിധ മലയാളി സംസ്കാരങ്ങള...

ജോർജ്‌ ഫ്ലോയിഡിനെ മാത്രം അമേരിക്കയിലെ ഇന്ത്യാക്കാർ ഓർത്താൽ പോരാ , സുരേഷ് റായ് പട്ടേലിനെയും ഓർക്കണം ...കറുത്തവനാണ് എന്ന് കരുതി വെള്ളക്കാരൻ പോലീസ് കഴുത്തൊടിച്ച് , എഴുന്നേൽക്കാൻ വയ്യാതെ ജീവിക്കുന്ന ഇന്ത്യാക്കാരൻ. അമേരിക്കയിലെ ഒറിഗോണിൽ പോർട്ട് ലാൻഡിൽ കാൽ നൂറ്റാണ്ടായി ജീവിക്കുന്ന മലയാളി രാജേഷ് ആർ വർമ്മ വിശദമായി സംസാരിക്കുന്നു . എഴുത്തുകാരനായ രാജേഷ് പറയുന്നത് ഹിംസയുടെ സ്ഥാപനങ്ങൾ വളരുമ്പോൾ  അമേരിക്ക...

വൈകുന്നേരം സിംലനഗരത്തിലെ വഴിയരികുബെഞ്ചിൽ ഇരിക്കുമ്പോൾ തോന്നും ഏതോ കുഞ്ചാക്കോ സിനിമാ ഷൂട്ടിങ് ലൊക്കേഷനിലെ  സെറ്റിൽ ഇരിക്കുകയാണെന്ന്.  ബെന്റിക് പ്രഭുവായി പ്രേം നസീർ ഇപ്പോൾ കുതിരപ്പുറത്തു വരുമെന്നു തോന്നും. അതിനരികെയുള്ള ജാക്കു കുന്നിലാണ് AO Hume താമസിച്ചിരുന്നത്. ആ വീട് 2004 ൽ സന്ദർശിച്ചതിന്റെ ഓർമ്മയാണ് ഈ പോഡ്കാസ്റ്റ് .  ആളൊഴിഞ്ഞ ചില്ലുമേട . ഇന്ത്യൻ നാഷണൽ കോൺഗ്രസ്സ് എന്ന ആശയം പിറന്ന വ...

ഇന്ന് MF ഹുസൈൻ ചരമദിനം . ആ കലാജീവിതം എന്താണ് നമ്മോട് പറഞ്ഞുകൊണ്ടിരിക്കുന്നത് ? ചിത്രകാരനും ശിൽപിയും കലാസംഘാടകനുമായ റിയാസ് കോമു പറയുന്നു ,  യൂറോപ്യൻ നിറം പടർന്നുകിടന്നിരുന്ന ഇന്ത്യൻ ചിത്രകലാകാലത്തിൽ കാളിദാസനേയും കുമാരസ്വാമിയേയും കൂട്ടുപിടിച്ച് കലഹിച്ച ജീവിതമായിരുന്നു അതെന്ന്. എത്തുന്നടിത്തിരുന്ന് വരച്ച് സമ്പന്നമായ സർഗ്ഗജീവിതം... ചിത്രശിലാലാവണ്യത്തോടെ  റിയാസ് കോമു നടത്തുന്ന അനുസ്മരണം . &nb...

ഇന്ത്യയുടെ സായുധസന്നാഹത്തെയും പ്രതിരോധകാര്യങ്ങളേയും പതിറ്റാണ്ടുകളായി സൂക്ഷ്മമായി പഠിച്ചു വരുന്ന മുതിർന്ന പത്രപ്രവർത്തകൻ ആർ . പ്രസന്നനുമായി എസ് . ഗോപാലകൃഷ്ണൻ നടത്തുന്ന അഭിമുഖ സംഭാഷണമാണ് ഇന്നത്തെ പോഡ്കാസ്റ്റ്. പ്രധാനമായും നാലു  വിഷയങ്ങളെ കുറിച്ചാണ് ഈ സംഭാഷണം . ഇന്ത്യയും ചൈനയും തമ്മിൽ ജൂൺ ആറിന് നടന്ന  ചർച്ചയിൽ എന്താണ് സംഭവിച്ചത് ?,  ഇന്ത്യ കരുതുന്നത് Line of Actual Control 3488 കിലോമീറ...

മലപ്പുറം മാനിഫെസ്റ്റോ : എന്റെ മലപ്പുറം  വി മുസഫർ അഹമ്മദ് ഒരു മനേക ഗാന്ധി പറയുന്നതു കേൾക്കുമ്പോൾ വാടേണ്ടവരല്ല 1921 നെ അഭിമുഖീകരിച്ച മലപ്പുറം എന്ന് അഗാധ ചരിത്രസ്പർശിയായ പോഡ്‌കാസ്റ്റിൽ മുസഫർ അഹമ്മദ് പറയുന്നു . 54 കൊല്ലങ്ങൾ മലപ്പുറംകാരനായി ജീവിച്ച മുസഫർ തലയുയർത്തി മലപ്പുറത്തിനുവേണ്ടി സംസാരിക്കുന്നു. ഇന്ത്യാ സ്വാതന്ത്ര്യ സമര ചരിത്രം ഉറങ്ങാത്ത മലപ്പുറത്തെ പറമ്പുകൾ ,   കിണറുകൾ , കുന്നുകൾ ....

കോഴിക്കോട് സർവ്വകലാശാലയിലെ Multi Media Research Center ഡയറക്ടർ ആയ ദാമോദർ പ്രസാദുമായുള്ള ദീർഘ സംഭാഷണത്തിന്റെ രണ്ടാം ഭാഗമാണിത് . ആദ്യ ഭാഗത്തിൽ അദ്ദേഹം പ്രധാനമായും പ്രതിപാദിച്ചത് സമൂഹത്തിലെ  ഡിജിറ്റൽ വിഭജനം, ഓൺലൈൻ ക്ലാസ്സ്മുറി സാമൂഹ്യഇടമാണോ , കോർപറേറ്റ് കൈകടത്തലുകളെ എങ്ങനെ പ്രതിരോധിക്കാം , എന്താണ് തുറന്ന സ്ത്രോതസ്സുകൾ തുടങ്ങിയ വിഷയങ്ങൾ ആയിരുന്നു . രണ്ടാം ഭാഗത്തിൽ പ്രതിപാദിക്കുന്ന വിഷയങ്ങൾ ഒന്ന്...

പണ്ട് ധർമ്മപുത്രർ പറഞ്ഞ ഒരു നുണയെക്കുറിച്ചു നമുക്കറിയാം . മഹാഗുരുവായ , അജയ്യനായ , ദ്രോണരെ വീഴ്ത്താൻ ആനയെ കൊന്ന് നുണ പറഞ്ഞ കഥ. നുണ-ക്കുഴി എന്ന വാരിക്കുഴിയിലാണ് ആനയെ പണ്ടേ നാം വീഴ്ത്തിയത്. കേരളത്തിലെ അവസാനത്തെ വാരിക്കുഴിയിൽ പറഞ്ഞത്  കുഞ്ഞുവീഴാതിരിക്കുവാൻ ഒരമ്മയാന നടത്തിയ പോരാട്ടം ജി അരവിന്ദൻ ചിത്രീകരിച്ചിട്ടുണ്ട്. ആ 'അമ്മ നടത്തിയ പോരാട്ടം ഒരു ഇലിയഡിലോ ഭാരതത്തിലോ നാം കാണില്ല . എന്റെ കൗമാരത്തിൽ ഞ...

മാറുന്ന നമ്മുടെ ക്ലാസ്സ് മുറികൾ എന്ന പരമ്പരയിൽ ദാമോദർ പ്രസാദ് സംസാരിക്കുന്നു : ഒന്നാം ഭാഗം Damodar Prasad is Director, Multi-Media Research Center, Calicut University  ഒന്ന് : സമൂഹത്തിലെ ഡിജിറ്റൽ വിഭജനം എന്ന വാദത്താൽ ഒരു വിദ്യാഭ്യാസവിപ്ലവത്തെ തള്ളിക്കളയാമോ? ഡിജിറ്റൽ വിഭജനത്തിന് രാഷ്ട്രീയ -ഭരണ പരിഹാരമല്ലേ വേണ്ടത് ? രണ്ട് : ഒരു പെൺകുട്ടിയുടെ ആത്മഹത്യ ഉന്നയിക്കുന്ന യഥാർത്ഥ പ്രശ്നം എന്താണ് ? മൂന്...

ഞാൻ കുമാരനാശാൻ ആകുമ്പോൾ അഭിനയാനുഭവം കെ പി കുമാരൻ സംവിധാനം ചെയ്ത കുമാരൻ ആശാന്റെ ജീവചരിത്ര  ചലച്ചിത്രമായ ഗ്രാമവൃക്ഷത്തിലെ കുയിലിൽ ആശാനായി അഭിനയിച്ചത് പ്രശസ്ത കർണ്ണാടക സംഗീതജ്ഞൻ ശ്രീവത്സൻ ജെ മേനോൻ ആണ് . കവിയും വന്ദ്യവയോധികനായ സംവിധായകനും തന്റെ ജീവിതത്തെ അടിമുടി സ്വാധീനിച്ചു എന്ന് നന്ദിപൂർവം ശ്രീവത്സൻ ജെ മേനോൻ പറയുന്നു. സംവിധായകൻ തന്നെ തെരഞ്ഞെടുക്കാനുണ്ടായ കാരണം ,കുമാരൻ ആശാനാകാൻ ചെയ്ത ഗൃഹപാഠങ്ങൾ...

കേരളം കോവിഡിനെ പ്രതിരോധിക്കുന്നതിനെ കുറിച്ച് അഭിമാനിക്കുകയോ അപമാനിക്കുകയോ അല്ലെങ്കിൽ ഇടനില സ്വീകരിക്കുകയോ  ചെയ്യുന്നവർ ഇന്ത്യൻ ഹൃദയഭൂമിയിൽ എന്താണ് സംഭവിക്കുന്നത് എന്നതുകൂടി സൂക്ഷ്മമായി അറിഞ്ഞിരിക്കണം . ഉത്തർ പ്രദേശ് , ബീഹാർ എന്നിവിടങ്ങളിൽ മൂന്നരപ്പതിറ്റാണ്ട് പത്രപ്രവർത്തനം നടത്തിയ വെങ്കിടേഷ് രാമകൃഷ്ണൻ സുദീർഘമായി വിലയിരുത്തുന്നു, ഹിന്ദി ഹൃദയഭൂമിയുടെ കോവിഡ് കാലം. ഇത്രയും ഗൃഹപാഠം ചെയ്ത് ഈ പോഡ്കാ...

എം പി വീരേന്ദ്രകുമാർ സ്മൃതിഭാഷണം : ഡോ . പി കെ രാജശേഖരൻ വൈവിദ്ധ്യാത്മകവും വൈരുദ്ധ്യാത്മകവുമായ ഒരു ജീവിതത്തെ മുപ്പതുകൊല്ലത്തെ മാതൃഭൂമിയിലെ പരിചയത്തിന്റെയും സ്നേഹാദരങ്ങളുടേയും വെളിച്ചത്തിൽ രാജശേഖരൻ നോക്കിക്കാണുന്നു. അസാധാരണമായ ഓർമ്മശക്തിയും വായനാവേഗവുമുള്ളയാൾ , പത്രസ്ഥാപനത്തിൽ ആരായിരുന്നു ? പത്രമുടമ  പൊതുരംഗത്ത് വന്നപ്പോൾ  എങ്ങനെ വ്യത്യസ്ഥനായി ? അടിയന്തിരാവസ്ഥക്കാലം, മതവാദത്തിന്റെ ഇക്കാലം ത...

ഒരു തീവണ്ടിയാപ്പീസിൽ അമ്മയുടെ മൃതദേഹത്തിൽ ഒന്നുമറിയാതെ അമ്മയെ തെരയുന്ന കുഞ്ഞിന്റെ ദൃശ്യം മറ്റൊരു ടി വി സീരിയൽ കാണുന്ന ലാഘവത്തിൽ കാണാൻ കഴിയുന്ന മരവിപ്പിലേക്ക് വീണ മധ്യവർഗ്ഗമാണ് നാം. രാഷ്ട്രമീമാംസ പ്രൊഫസറായ സഞ്ജിബ് ബറുവ എഴുതിയ ഒരു ലേഖനം വായിച്ചപ്പോൾ ശ്രീ നാരായണ ഗുരു കടന്നുവന്നതാണ് ഇന്നത്തെ പോഡ്കാസ്റ്റ് . ലോകമുതലാളിത്തത്തിന്റെ മഹാപുരോഹിതൻ ആദം സ്മിത്ത് പോലും പറഞ്ഞത് സഹാനുഭൂതി ശാശ്വത പ്രകൃതി നിയമമാണെന്...

നമ്മുടെ ക്ലാസ്സ് മുറികൾ മാറുമ്പോൾ ലോകമാകമാനം നടക്കുന്ന ഒരു ചർച്ചയിലേക്കാണ് ദില്ലി -ദാലി ഇന്ന് കടക്കുന്നത്. ഈ സംവാദ പരമ്പരയിലെ ആദ്യലക്കത്തിൽ സംസാരിക്കുന്നത് പ്രൊഫസ്സർ സുമംഗല ദാമോദരനാണ് . ഡൽഹിയിലെ അംബേദ്‌കർ സർവകലാശാലയിൽ Economics and Development Studies ൽ പ്രൊഫസറായ സുമംഗല ദാമോദരൻ പ്രധാനമായും ഈ അഭിമുഖത്തിൽ ഊന്നൽ കൊടുക്കുന്നത് ഇനി പറയുന്ന പ്രശ്നങ്ങളിലാണ് പരമ്പരാഗത ക്ലാസ്സ് മുറികളുടെ ശക്തി -ദൗർബല്യങ്ങൾ...

ഞാനിട്ട വഴക്കുകൾ  സിവിക് ചന്ദ്രൻ സംസാരിക്കുന്നു നാലാം ക്‌ളാസിൽ പഠിക്കുമ്പോൾ അച്ഛനുമായി  ഇട്ട ഒരു വഴക്ക് ...പിന്നാലെ ജീവിതത്തിൽ ഇടേണ്ടി വന്ന ഒട്ടനവധി വഴക്കുകൾ സിവിക് ചന്ദ്രൻ ഓർത്തെടുക്കാൻ ശ്രമിക്കുന്നു ഈ പോഡ്‌കാസ്റ്റിൽ. അച്യുതമേനോനുമായി, കെ പി ആർ ഗോപാലനുമായി   സി ഉണ്ണിരാജയുമായി  , പുതുപ്പള്ളി രാഘവനുമായി , കെ എൻ രാമചന്ദ്രനുമായി, ഓ എൻ വി കുറുപ്പുമായി ,  എം എൻ വിജയനുമായി...

നിഴലിഴകളുടെ അഴക് ഴ:      ഒരക്ഷരവും മലയാളഭാഷയും എഴുത്തച്ഛൻ എന്ന പേരിൽ ഉണ്ടെങ്കിലും ഹരിനാമകീർത്തനം എഴുതിയപ്പോൾ അദ്ദേഹം ഉപേക്ഷിച്ച അക്ഷരം . രണ്ടാമൂഴക്കാരൻ 'ഴ '. പക്ഷേ എഴുതണമെങ്കിലും വഴുതണമെങ്കിലും മഴ എന്നു പറയണമെങ്കിലും പരശുരാമന് മഴു എറിയണമെങ്കിലും മലയാഴത്തിന് വേണ്ട 'ഴ ' മഴയത്ത് കുട്ടി ഒഴുക്കിയ കടലാസ്സു കപ്പൽ പോലെ ഒഴുകുന്ന 'ഴ ' വടക്കേ ഇന്ത്യയിൽ വരുമ്പോൾ തകഴി പേടിച്ചിരുന്ന ഒരക...

ഒരു പാദസരത്തിന്റെ രസയാത്ര ഒരു ഗാനത്തിലൂടെ ഗായകബുദ്ധനെ ഓർക്കുന്നു അദ്ദേഹം പാടുന്നതു കേൾക്കുമ്പോൾ ഒരു ചരിത്രസ്മാരകത്തിൽ നിൽക്കുന്നതുപോലെ തോന്നും നമുക്ക് . നിലനിൽക്കാതിരിക്കാൻ നിവൃത്തിയില്ലാത്തതു കൊണ്ടാണ് ഒരു ചരിത്രസ്മാരകം നിലനിൽക്കുന്നത് ..പാടാതിരിക്കാൻ നിവൃത്തിയില്ലാത്തതുകൊണ്ടാണ് അദ്ദേഹം പാടിക്കൊണ്ടിരുന്നത് . ഭൂകമ്പങ്ങളെ പരാജയപ്പെടുത്തിയ അഹംഭാവമല്ല , ഞാൻ ഇതാ പോകാൻ തയ്യാർ എന്ന വിനീതഭാവമാണ് ചരിത്രസ്മ...