Ons en die Onderwys

Hester Botha, Leonie Timmet en Cecelia Kleyn is grondslagfase onderwysers in Delft, Kaapstad. Hulle demonstreer hoe hulle lees onder die kleinspan bevorder.

Rieldanse, poësie of sang - Maria Slinger, die afrigter van die Griekwa Jeugkoor, sê dat die jongmense trotse ambassadeurs van die Griekwakultuur is.

Die Graad R-kurrikulum maak die kleinspan geleidelik vertroud met beginsels soos diversiteit en maatskaplike transformasie. Só sê Natasha Warrington van Krielie Kleuterskool en Eleanor Phillips van Newtown Primêr.

WECTAC Leadership Academy het nommerpas intervensie- en leierskapontwikkelingsprogramme vir leerders. Wayne Erasmus vertel hoe leerders met riskante gedrag verander in positiewe rolmodelle.

Anthea Adams gesels met die opvoedkundige sielkundige, dr. ST Potgieter, oor drie belangrike aspekte om jou doelwitte te bereik: selfkennis, hulpbronne en ʼn ondersteuningsnetwerk. Elmien Smit van Riebeeckvallei Spesiale Skool en Natalie Jacobs van Soetendal Primêr vertel van hulle doelwitte vir die nuwe skooljaar en hoe hulle beplan om dit te bereik.

Nielda Smith en Annarika Pienaar is twee van Hoërskool Diamantveld in die Noord-Kaap se top presteerders in die 2013 matriekeksamen. In die Wes-Kaap het Ruscka Ishmael en Cindy Matthee se puik prestasies bygedra tot Mondale Hoërskool in Mitchells Plain se derde beste plek in die provinsie.

Xolisa Guzula is ʼn taal- en geletterdheidskenner by die Nelson Mandela Instituut vir Onderwys en Landelike Ontwikkeling. Die instituut bevorder geletterdheid in landelike gebiede in die Oos-Kaap.

Musiekontwikkelingsprogramme soos die KunsteKaap Jeugorkes van Mbokweni-Wellington, is lewensveranderend vir die betrokkenes. Marlene le Roux en haar span vrywilligers bemagtig jongmense op verskeie maniere.

Marlene le Roux en Herman Solomons meen elkeen kan voortbou op oudpresident Nelson Mandela se liefde vir kinders en die onderwys en dit is een van die Kunstekaap Jeugorkes van Mbokweni-Wellington en die Wesbank Gemeenskap Musiekontwikkelingsskool se doelwitte.

Roelene Loots is onlangs deur die Wes-Kaapse Onderwysdepartement aangewys as die provinsiale wenner in die kategorie Beste Spesiale Onderrig-onderwyser. Roelene is by Weber Gedenk Primêr in Stellenbosch.

Wanneer dit by prestasie kom, het Laerskool Mikro in Kuilsrivier, Kaapstad, die X-faktor. Dis alles …

Ingrid Leukes van St. Raphael's Primêr in Athlone, Kaapstad, het onlangs met die louere weggestap as…

Dr. Louise van Rhyn se intervensieprogram, Partners for Possibility, maak op voetsoolvlak ʼn wesenlike bydrae tot die onderwys. ʼn Sterk vennootskapsooreenkoms tussen hoofde en sakeleiers is sleutelelemente van dié program.

Met sy dubbelbane in teenoorgestelde rigtings is Koebergweg een van die gevaarlikste paaie in die Wes-Kaap. Anthea het gaan inloer by Laerskool Ysterplaat, wat oorkant dié pad geleë is, om meer uit te vind oor hulle padveiligheidbewusmakingsveldtog.

Anthea Adams was by Laerskool Durbanville wat net soos die res van die wêreld, Mandeladag behoorlik gevier het. Sy sit ook die kollig op ʼn bestuursprogram vir departementshoofde en hoofde, die Principals Management Development-program.

Bykans 9 000 onderwysers in die Wes-Kaap het tydens die Junie-vakansie kurrikulum-opleiding bygewoon. Dié opleiding berei onderwysers voor vir 2014 wanneer die derde en laaste implementeringsfase van die Nasionale Kurrikulum Beleidsverklaring (NKBV) oftewel CAPS in Graad 7 tot 9 en Graad 12 plaasvind.

Kenners praat oor opvoedingsontwikkeling en interessante en omstrede sake in die onderwys.

Kenners praat oor opvoedingsontwikkeling en interessante en omstrede sake in die onderwys.

Is jy ʼn gegradueerde wat jou kundigheid en talente wil inspan om ʼn verskil te maak in skole en gemeenskappe? Die Teach South Africa-program werf jong gegradueerders wat spesialiseer in vakke soos Wiskunde, Wetenskap, Tegnologie of Engels en plaas hulle in skole wat sukkel om die mas op te kom in dié vakke.

Aandagtekort-hiperaktiwiteitsversteuring (ADHD) affekteer leerders se vordering op skool. Dr. Thereza Bothma van die Wes-Kaapse Onderwysdepartement verduidelik hoe ouers en onderwysers leerders wat met dié toestand gediagnoseer is, kan ondersteun.

Nasionale Jeugdag word landswyd op 16 Junie gevier en dis veral jongmense se passie, toegewydheid en onwrikbare geloof in dit wat reg is, wat erkenning kry. Leerders van die Hoërskool Zwartkop val in dié kategorie en hulle sukses is legendaries! Verteenwoordigers van hierdie uitblinker-skool gee jou ʼn kykie agter die skerms.

ʼn Nasionale Beroepsgerigte Sertifikaat wat by ʼn VOO-kollege verwerf word, is ʼn goeie opsie vir persone sonder Graad 10, 11 en 12. So sê Ivan Swart, die Kommunikasie- en Geleentheidsbeampte van Northlink Kollege.

Vyf klippies, Blikaspaai, Wolf-wolf hoe laat is dit? Bok-bok, sakresies en Kat-en-muis – die arbeidsterapeut, Heleen Johnson, sê tradisonele speletjies is bobaas vir fyn- en groot motoriese ontwikkeling.

Spelterapie het talle voordele soos dat dit leerders help om toekomstige moeilike situasies te hanteer. Anthea Adams praat hieroro met ‘n kliniese sielkundige, Michelle Nel.

Die Suid-Afrikaanse Onderwysersunie se ondersteuning gee dryfkrag aan inisiatiewe wat op nasionale en plaaslike vlak uitgerol word. Anthea Adams gesels hieroor met Chris Klopper, Uitvoerende Hoof van SAOU.