Ons en die Onderwys

Ons en die onderwys 25 Mei 2014

Johann van Lill woon die openingsgeleentheid van Verskabaret in die Kunstekaap by. Hier word matriekleerders op 'n innoverende manier aan die wêreld van digkuns bekendgestel. Miranda Jonas, vakadviseur vir Afrikaans Huistaal en Eerste Addisionele Taal gee wenke oor hoe onderwysers gedigte met leerders kan aanpak.

Ons en die onderwys 18 Mei 2014

Daar is vyf leierskapsbeginsels wat van 'n gewone onderwysleier, 'n besondere en uitnemende leier maak. Dr. Pieter Barnard van die organisasie Neuroleader verduidelik hierdie leierskapsbeginsels.

Ons en die onderwys 11 Mei 2014

Selfmisleiding by 'n onderwysleier kan groot bestuursprobleme binne 'n skool tot gevolg hê. Dit kom voor wanneer leiers nie bewus is daarvan dat hulle moontlik self die probleem in die bestuurspan is nie. Dr. Pieter Barnard van Neuroleaders verduidelik hoe onderwysleiers onderwysers minder soos objekte kan behandel en hoe gemaak met iemand op jou personeel wat nutteloos voel?

Dit bly 'n uitdaging vir hoofde en onderwysleiers om die skoolpersoneel se talent te bestuur en in te span tot voordeel van die leerders, die skool en die gemeenskap. Dr. Pieter Barnard van die organisasie Neuroleader verduidelik hoe jy jou personeel se sterk punte kan ontwikkel en hoe om te verhoed dat jou onderwysers gedemotiveer raak.

Ons en die onderwys 4 Mei 2014

Ons en die onderwys 27 April 2014

Haat, vooroordeel, stereotipering, zenofobie, boelie en diskriminasie kom nog gereeld voor in Suid-Afrikaanse klaskamers. Stan Henkeman en Lucrethia Arendse van die Instituut vir Geregtigheid en Versoening is besig met 'n projek ONDERRIG RESPEK VIR ALMAL waarin onderwysers opgelei word om by leerders respek vir mense van verskillende kulture te ontwikkel.

Ons en die onderwys 20 April 2014

Johan van Lill woon 'n slypskool by vir onderwysleiers oor waardegedrewe skole. Dr. Jeanette de Klerk-Luttige verduidelik hoe die praktiese uitvoering van 'n karakter-opvoedingsprogram in skole kan werk en die vereistes waaraan so 'n program moet voldoen.

Ons en die onderwys 13 April 2014

Hoe kan onderwysers klaskamers inrig om meer 'breinvriendelik' te wees? Dr. Andre Vermeulen van Neurolink verduidelik die rol wat oog-, hand-, voet- en breindominansie in leer speel en hoe om vir verskillende breinvoorkeure by leerders voorsiening te maak.

Ons en die onderwys 6 April 2014

“Alle kinders het vandag die reg tot alternatiewe assessering en dit neem vinnig toe in hoofstroomskole, maar ouers en onderwysers is dikwels onkundig hieroor”, sê die onderwysers van Jan Krielskool.

Ons en die onderwys 30 Maart 2014

Spurgeon Wilson van die Rachel's Angels mentorskapprogram sê dat die baanbrekerprogram sedert 2007 ʼn reddingstou is vir talle hoërskoolleerders wat andersinds nooit die kans sou hê om verder te studeer nie.

Meagan Van Der Merwe, ʼn spraak- en taalterapeut, verduidelik wat terapie behels en hoe ouers hulle kinders hiermee kan help.

Ons en die onderwys 23 Maart 2014

Ons en die onderwys 16 Maart 2014

Wiskundehuiswerk in Graad 1 kan ʼn kopseer óf ʼn genot wees. Die Wiskundekenner, Marise Oberholser, sê ouers kan d.m.v. pretaktiwiteite die kleinspan help om abstrakte begrippe onder die knie te kry.

Die kleinspan in Graad R sê nie maklik nee vir speletjies met sand, verf en water nie. Modderhandjies en -voetjies is dus ideaal vir leer. Sό sê wiskundekenner, Marise Oberholser.

Vir die meeste mense is wiskunde ʼn bangmaak-woord. Die wiskundefoendie, Marise Oberholzer, weerlê talle mites hieroor. Sy sê ouers kan d.m.v. sorteersspeletjies ʼn haas uit die hoed pluk!

Fiona van Kerwel en Shireen Crotz is twee staatmakers van die Universiteit Stellenbosch se Woorde Open Wêrelde-projek. Dit is ʼn lees- en kultuurbevorderingsprojek vir leerders van alle ouderdomme.