Ons en die Onderwys

Johan van Lill kyk na selfgerigte leer en ‘n kongres hieroor wat later vanjaar plaasvind. Sy gaste is prof. Jako Olivier, dr. Sukie van Zyl en dr. Dorothy Laubsher, almal van die Noordwes-Universiteit se Navorsingseenheid Selfgerigte Leer.

Johan van Lill hoor hoe om leerders, onderwysers en onderwysleiers te help om te oorleef, groei en floreer, en die rol wat professionele ontwikkeling hierin kan speel. Sy gaste is dr. Francois Naude, 'n onderwyskundige, en prof. Josef de Beer van die Noordwes-Universiteit se eenheid vir Selfgerigte Leer.

Johan van Lill kyk na onderwysmentorskap. Wat is die praktiese uitdagings om dit in 'n skool te laat werk? Sy gaste is dr. Francois Naude, ‘n onderwyskundige, en prof. Josef de Beer van die Noordwes Universiteit se eenheid vir Selfgerigte Leer.

Johan van Lill praat met Melissa Bekker en Alicia Bestbier, opvoedkundige sielkundiges, oor hoe om groepwerk en samewerking in die klaskamer te bevorder.

Johan van Lill met Jaco Kruger en Erika Lion-Cachet, onderwysleiers van SAHETI Skool in Johannesburg, oor leierskapsuitdagings in skole binne die konteks van die wêreld waarin ons tans leef, en hoe die nuwe normaal leierskap in skole beïnvloed.

Johan van Lill praat met Mariesa Candiotes, 'n onderwyskundige by die Skole Ondersteuningsentrum, en Marne Pedro, ‘n onderwyser, oor hoe om kreatiewe angs in die klaskamer te hanteer en hoe om nuuskierigheid by leerders te bevorder.

Johan van Lill praat met Charlotte Fourie, ’n dosent in inligtingstegnologie by die Wolkskool, en prof. Jean Greyling van die Nelson Mandela Universiteit oor die voorgestelde kurrikulum vir kodering en robotika.

Johan van Lill praat met Melodie de Jager, 'n ontwikkelingskenner, en Wilna van Rooyen, 'n voorskoolse onderwyskundige, oor die belangrike aspekte waarop gefokus moet word in vroeë kinderontwikkeling.

Johan van Lill praat met twee opvoedkundige sielkundiges, Tanya van der Walt en Natalie Pretorius, oor wenke vir onderwysers en onderwysleiers om beter na hulle self te kyk, en wat die uithouvermoë behels om konstante verandering te hanteer.

Johan van Lill praat met De Waal Ritter en Lauren Clarke, kenners van skoolgeboue en leerruimtes, oor hoe funksionele leerruimtes van die toekoms lyk, en wat jy in jou skool kan doen om ruimtes te optimaliseer.

Johan van Lill praat met Sukie van Zyl van die Noordwes-Universiteit se Eenheid vir Selfgerigte Leer oor hoe onderwysers leerders kan bemagtig om verantwoordelikheid vir hulle eie leerproses te neem. Verwagtinge speel ‘n belangrike rol, en opvoeders en ouers moet ‘n kopskuif maak dat sekere vaardighede eintlik belangriker is as akademiese prestasie.

Johan van Lill praat met prof. Josef de Beer en prof. Neal Petersen van Noordwes-Universiteit se eenheid vir selfgerigte leer oor die rol wat inheemse kennis in selfgerigte leer speel. Daar word tans heelwat geargumenteer dat tradisionele houers van inheemse kennis as goeie selfgerigte leerders beskou kan word, en inheemse kennis sou ook baie goed kon inpas by die Suid-Afrikaanse kurrikulum.

Johan van Lill kyk na kritiese denke by kinders. Sy gaste is drie kenners wat al diep spore in die joernalistiek getrap het, Ingrid Jones, Marenet Jordaan en George Claassen. Hulle gesels oor hoe onderwysers leerders kan help om meer krities om te gaan met wat hulle sien, hoor en beleef in die media.

Johan van Lill praat met Danie van Wyk van die DAK Netwerk, Conrad Steenkamp van die Afrikaanse Taalraad, teoloog, skrywer en antropoloog Willa Boezak, en David Jantjies van die Moedertaalprojek, oor hoe onderwysers moet dink oor onderrig in Afrikaans. Hoe berei ek my leerders voor om situasies te hanteer wanneer hulle nie kan of mag kommunikeer in hulle moedertaal nie?

Johan van Lill praat met Julian Jansen, joernalis en oudonderwyser, oor die uitdagings wat skole en gemeenskappe beleef oor die groot hoeveelheid kinders wat sonder pa’s grootword.

Johan van Lill praat met onderwyskundige Daan Potgieter, bestuurshoof van die Afrikaanse Onderwysnetwerk, oor wat hulle alles beplan vir die jaar wat voorlê. Hulle gesels onder andere oor ‘n lees- en wiskundeprojek, onderwysleierskap en moedertaalonderwys.

Johan van Lill praat met Valentyn van der Merwe, hoof van innovasie van die Skoleondersteuningsentrum, oor die ondersteuning wat skole benodig veral in aanlyn-scenarios.

Johan van Lill praat met dr. Francois Naude oor die vaardighede waarop onderwysers nou in skole moet fokus om kinders gereed te maak vir die toekoms.

Johan van Lill praat verder met Paul Colditz en Jaco Deacon oor die driejaarlikse beheerliggaamsverkiesings by skole. Hulle fokus op die verkiesing en hoe die proses moet verloop.

Johan van Lill praat met Paul Colditz en Jaco Deacon oor die driejaarlikse beheerliggaamsverkiesing wat in Maart en April in alle openbare skole plaasvind. Wat is die rol van die beheerliggaam in ‘n skool se funksionering, en wie kan daarop dien?

Johan van Lill praat met prof. Ignatius Gous oor hoe jy jou brein skerp kan hou, en wat die beste manier is om die brein te laat rus.

Johan van Lill praat met prof. Ignatius Gous oor ‘n mens die brein nuwe dinge aanleer. In die tyd waarin ons leef, moet ons amper elke dag ‘n nuwe truuk aanleer om vir leerders skool te hou, en dit plaas ons brein onder erge druk.

Johan van Lill praat met onderwyskundige Susan van den Heever oor die uitdagings van groot klasse, en gee wenke oor hoe onderwysers dit kan hanteer.

Johan van Lill praat met onderwyskundige en wiskundeskrywer, Marese Oberholzer, oor die belangrikheid van praktiese wiskunde in die klaskamer.

Johan van Lill fokus op die uitdagings wat in 2021 in die onderwys voorlê. Onderwyskenners dr. Paul Colditz en Riana Vos verduidelik waarop daar vanjaar gefokus moet word.