Driesestig

Dawie Botha gesels met Martelize Brink in So is die land gebou oor vullisverwydering en wat met ons vullis gebeur.

Carol French van die St. Saviour gemeente op Oudtshoorn vertel die verhaal van kroonprins Louis-Napoléon en die Bonaparte familie se verbintenis met Oudtshoorn.

'n 12-jarige het ‘n konstruksievoertuig gesteel en vir ‘n uur lank vir die polisie weggery. Tien voertuie het in die slag gebly.

Belinda Abraham gesels met Martelize Brink oor die interaksie tussen robbe en mense en gee terugvoer oor die veskuiwing van 5 robbe vanaf Houtbaaihawe deur die Kaap Die Goeie Hoop DBV.

Die Khoi San - as beoefenaars van die jagters- en versamelaarskultuur, bewoon die ontoeganklikste gebiede soos die Kalahari-woestyn waar hulle met groot vernuftigheid aan die lewe bly. Die eeue oue inheemse kultuur erfenis word uit verskeie oorde opnuut opgeteken en bewusmaking word gekweek. Jacqui January het langs die Wes-Kus naby Darling by ‘n kultuur erfenis van Khoi en San gebruike met die to...

Marguerite Holtzhausen vertel vir Martelize Brink van die rol van organisasies in terme van die breek van die siklus van geweld deur bewysgebaseerde praktyke.

Brittanje het die rommel optel wêreldbeker gewen. SpoGomi is rommel optel as sport en die eerste wêreldbeker het onlangs in Japan plaasgevind.

Ernest Mnyaka en Mariëtte Opperman gesels oor Ernest se digbundel, Die Boef is dood. Ernest is ’n petroljoggie, wat sy lewe in die tronk omgekeer het, en toe ’n Xhosa-digbundel daaroor geskryf het. Mariëtte het sy vorige onderhoud met Martelize Brink op RSG gehoor, en toe die bundel na Afrikaans vertaal.

Koshistorikus Hetta van Deventer-Terblache praat oor neutmuskaat en foelie, twee speserye van dieselfde plant.

Haidee Muller-Isaacs gesels met die tech-ghoeroe, Arlene Steyl. Sy het in 2019 die Forbes Woman Africa Technology and Innovation-toekenning gewen, en in dieselfde jaar op die voorblad van Forbes Women Africa gepronk. En, natuurlik is haar huis tech-slim. Arlene vertel ook hoe dit deesdae gaan met die tech-universiteit waar studente leer om te programmeer sonder enige dosente of klasgeld, 'n eerste...

‘n Blitsskare van 17 het $12 000 se skoene en klere uit ‘n winkel in Los Angeles weggedra.

Janelle Visagie en Rylan Lemmetuis vertel vir Martelize Brink van hul rolle in The Sound of Music, wat binnekort by Kunstekaap en Montecasino te sien is.

Daar is al baie gesê dat Nelson Mandelabaai Suid-Afrika se natuurhoofstad is met sy lieflike strande en en natuurreservate. Nou het die Baai se groen kroon nog ‘n paar juwele bygekry, en dit is die internasionaal erkende groenvlag-status, wat aan 11 van die metropool se staproetes toegeken is. Clyde Scott, munisipale natuurbewaringsbeampte, het met Mariska Spoormaker hiervan vertel.

Lydia Von Wielligh-Steyn vertel vir Martelize Brink wat die kernwapenverdrag behels waaruit Rusland onlangs onttrek het.

‘n Nederlander se twee meterlang groen mamba-troetelslang is soek, en die dorp is gewaarsku om weg te bly as hulle die slang teëkom.

Marika Opperman gesels oor inspirasie vir mense ouers as 40, en hoe haar Instagram-sukses daarin lê om natuurlik te wees.

Hoe lyk die politieke speelveld van die toekoms? Johan Rademan het nie politiek nie, maar óór die politiek met die skrywer en News24-redakteur, Adriaan Basson, gesels na aanleiding van die boek, Who will rule South Africa?

Julian Snyders van die bewaringsorganisasie, Wild Restoration, het Europese befondsing gekry om 50 000 dennebome van 280 hektaar grond in die Greyton-omgewing te verwyder, om sodoende inheemse plante te beskerm.

‘n Amerikaanse vrou, Kelsy Hatcher, verwag twee dogtertjies - elkeen in haar eie baarmoeder.

Dawie Botha gesels met Martelize Brink in So is die land gebou oor ingenieurs se gedragskode en korrupsie in die bedryf.

Haidee Muller-Isaacs kuier in die Paarl by die Springbokspan se hulpafrigter, Deon Davids. Hy vertel vir haar van sy grootworddae op Bredasdorp, sy ervaring in Frankryk by die Wêreldbeker, en die rol wat Rassie Erasmus in sy loopbaan gespeel het.

Alex Botha gesels met Martelize Brink oor die Transgender Dag van Herinnering en die behoefte aan statistiek oor geweld teen trans persone.

Neil Jones het met sy 2010 Lotto wengeld afgetree, ‘n profesionele graad potspeltafel gekoop en begin oefen. Op 59 het hy die Engelse span gehaal en ‘n brons medalje by die Europese Blackball Kampioenskappe verower.

Veearts dr. Nico du Preez praat oor gevare vir troeteldiere in die somer, van bysteek tot oorinfeksie nadat hulle geswem het.

Maryke Musson deel uit Ysland haar ervaring van die duisende aardbewings, dorpsontruiming en die dreigende vulkaniese uitbarsting.