ԹատրON

Այս էպիզոդում պատմում ենք «Թատրոն Տանիքում». բեմադրված «Կամելիազարդ տիկինը» ներկայացման մասին 🎭 Դասական ստեղծագործություն է, որի բեմականացումն այդ հարթակում դժվար էր պատկերացնել։ Բայց, ինչպես ասում են, ստեղծագործող մարդկանց համար անհնարին ոչինչ չկա։ Ներկայացման բեմադրող ռեժիսորը Մհեր Զաքարյանն է։   Ռեժիսորի մոտեցումը տարբերվում է՝ սիրային համարձակ տեսարաններով, լուսաձայնային էֆեկտներով, բեմական հ...

Հունվարի 10-ին և 11-ին «Թեք տեղ» հետազոտական թատրոնում առաջնախաղ էր՝ Նանոր Պետրոսյանը բեմականացրել էր պարսիկ պոետ Աթթար Նիշապուրիի «Թռչունների զրույցը» պոեմը։  Լույսի, ստվերի, ձայնի ու պատկերի խաղ էր այս ներկայացումը։ Մոտ մեկ ու կես ժամ այլ էինք՝ դերասան-թռչունների հետ աշխարհներով էինք անցնում, ներս նայում ու փորձում մեր սեփական շերտերը բացահայտել։ 

2025 թվական, հունվարի 8։ Ժամը 19.00։ Երևանի թատրոնի և կինոյի պետական ինստիտուտի ուսանողական թատրոնի միջանցքում եռուզեռ է՝ մարդիկ շտապում են դահլիճ՝ դիտելու «Լակոտը» ներկայացումը։ Սոս Սարգսյանին ճանաչում ենք որպես դերասան, ու քչերը գիտեն, որ նա նաև  գրում էր։ Պարզ լեզվով, անկեղծ, առանց ավելորդ հնարքների վարպետը խոսել է ամենաբարդի ՝ մարդու և նրա զգացածի մասին։ Ու երևի կարևոր է նշել՝ հայ մարդու մասին...

🎭Ռադիոբեմադրություն Էդուարդ Օլբի֊ «Ինչ էր պատահել գազանանոցում»  Բեմադրող ռեժիսոր- Արմինե Դանիելյան  Դերակատարներ -  Ավետիք Կալամդարյան                                       Վահե Ավագյան                                       Ինեսա Խաչատրյան Նախագծի հեղինակ - Արմինե Դանիելյան Հնչյունային ռեժիսոր-  Արսեն Հայրապետյան Նախագիծն իրականացրել է Հանրային ռադիոյի երիտասարդական ալիքը՝ Իմ ռադիոն

Այս ամիսների ընթացքում օրագիր էպիզոդների միջոցով ձեզ ներկայացրել ենք՝ ինչպես է ստեղծվում ռադիոբեմադրությունը։ Բոլոր ներկայացումների ճանապարհները տարբեր են եղել. յուրաքանչյուր ռեժիսոր ստեղծագործում էր յուրովի։ Օրագիր էպիզոդները և ամբողջական ներկայացումները հասանելի են im.radio.am կայքում և բոլոր փոդքասթ հարթակներում։  Իսկ սա այս ամսվա վերջին օրագիր էպիզոդն է. վերջին փորձերը, հույզերը, լարվածություն...

Այս անգամ օրագիր էպիզոդները տարբերվելու են նախորդներից։ Դուք ավելի շատ կլինեք փորձասենյակում և ամբողջ ընթացքին ավելի մանրամասն կծանոթանաք։  Հիշեցնեմ՝ չորրորդ ներկայացման ռեժիսորը ես եմ՝ Արմինե Դանիելյանը։ Ընտրել եմ ամերիկացի դրամատուրգ Էդուարդ Օլբիի «Ինչ էր պատահել գազանանոցում» ստեղծագործությունը։  Ուզում եմ ասել՝ դժվար է լինել նախագծի հեղինակը, ռեժիսորը,  միևնույն ժամանակ ստեղծագործել, մոնտաժել,...

ՌադիոթատրON-ի նախորդ երեք ներկայացումները հասանելի են imradio.am կայքում և բոլոր փոդքասթ հարթակներում։ Դե իսկ մենք սկսում ենք չորրորդ աուդիոներկայացման աշխատանքները։ 

Ռադիոբեմադրություն- Ասա՝ Ա՜ Մատեի Վիշնեկի «Պանդա արջերի պատմությունը ըստ սաքսոֆոնիստի, ով մի ընկերուհի ունի Ֆրանկֆուրտ քաղաքում» պիեսի մոտիվներով։  Բեմադրող ռեժիսոր - Մարինե Պետոյան Դերերում՝ Ռաֆայել Թալասյան Սրբուհի Բալայան Օլգա Սամվելյան Վահե Ավագյան  Նախագծի հեղինակ - Արմինե Դանիելյան Հնչյունային ռեժիսոր- Արսեն Հայրապետյան

Օրերն այնքան արագ են անցնում կամ մենք ենք լարված փորձեր անում։ Բոլորս ընթացքն ենք վայելում ու սպասում` վերջնարդյունքում ինչպիսին է լինելու մեր ռադիոներկայացումը։  Պիեսի անվան փոփոխություն արեցինք՝ անվանելով «Ասա` Ա՜»։ Մնացածը լսիր էպիզոդում։

Մարինեի հետ քննարկում էինք «Լիվինգսթոն անունով ճայը», «Ետ նայիր զայրացած», «Ձայն մարդկային» և այլ պիեսներ, դիտարկում էինք հայ ժամանակակից դրամատուրգիան, անգամ առաջարկեցի Կաֆկայի իմ սիրելի գործերից մեկը։ Ի վերջո, ընտրեցինք Մատեի Վիշնեկի « Պանդա արջերի պատմությունը ըստ սաքսոֆոնիստի, ով մի ընկերուհի ունի Ֆրանկֆուրտ քաղաքում»։ Իսկ ովքեր են դերակատարները՝ իմացեք լսելով մեր երկրորդ օրագիր էպիզոդը։

Սիրելի ռադիոլսողներ, թատրոնի սիրահարներ՝ սկսում ենք ՌադիոթատրON-ի երրորդ աուդիոբեմադրության ստեղծագործական աշխատանքները։  Ով է մեր երրորդ ռեժիսորը և ինչու ենք հենց նրան ընտրել՝ կիմանաք, եթե լսեք մեր առաջին օրագիր էպիզոդը։

Ռադիոբեմադրություն  Վիլյամ Սարոյան «Հե՜յ, ով կա այդտեղ» Դերերում Միքայել Նալբանդյան Մանե Չախալյան Համլետ Մկրտչյան                   Բեմադրող ռեժիսոր - Նառա Սարգսյան Հաղորդման հեղինակ - Արմինե Դանիելյան Հնչյունային ռեժիսոր- Արսեն Հայրապետյան  Նախագիծն իրականացրել է Հանրային ռադիոյի երիտասարդական ալիքը՝ Իմ ռադիոն։

Սա հունիս ամսվա մեր երրորդ օրագիր էպիզոդն է, դա նշանակում է՝ ամենակարևոր ու պատասխանատու փուլում ենք առջևում վերջնական ձայնագրությունն է։  Շատ հաճելի է լսել, կարդալ ձեր մեկնաբանությունները, դրանք ավելի են պարտավորեցնում ու ստիպում շարունակել ստեղծել նոր ու որակյալ  աուդիոբովանդակություն։   Այս ընթացքում ամենաշատն ինձ ասել եք, որ էպիզոդները կարճ են, փորձից հատվածները նույնպես։ Դրա համար այսօրվա եթե...

Պատրաստ ե՞ք, առաջիկա րոպեներին տեղափոխվելու ենք ռադիոթատրոնի ետնաբեմ։ Մինչ այդ, հիշեցնեմ՝ մեր երկրորդ ռեժիսորը Պատանի հանդիսատեսի թատրոնի դերասանուհի Նառա Սարգսյանն է։ Բեմադրելու է Վիլյամ Սարոյանի «Հեյ, ով կա այդտեղ» պիեսն իր ուսանողների հետ։

🤩 Մենք սկսում ենք մեր երկրորդ աուդիոբեմադրությունը. Ում հետ ենք անցնելու այս ստեղծագործական, բայց բարդ ճանապարհը, կիմանաք, եթե լսեք մեր օրագիր էպիզոդը։  🎭 Այս շաբաթ պատմում ենք՝ ով է ռեժիսորը, ինչ պիես է ընտրել և ովքեր են մեր դերասանները։

Ռադիոբեմադրություն Էռնեստ Հեմինգուեյ «Ծերունին և Ծովը» Դերերում   Հեղինակ - Դավիթ Գասպարյան                    Ծերունի- Հակոբ Հակոբյան                    Մանոլի- Էմմի Սարդարյան Բեմադրող ռեժիսոր` Հրանուշ Չիչակյան Հաղորդման հեղինակ` Արմինե Դանիելյան Հնչյունային ռեժիսոր ` Արսեն Հայրապետյան  Նախագիծն իրականացրել է Հանրային ռադիոյի երիտասարդական ալիքը՝ Իմ ռադիոն 

Այսօր մեր գլխավոր ու վերջին փորձն է, երևի դա է պատճառը, որ մի տեսակ լարված ենք։ Երեք ժամից ավելի ձայնագրության էինք, անցավ ակնթարթի պես։ Ռադիոյի լեգենդար շենքի ոչ պակաս լեգենդար ստուդիան վերածվեց թատրոնի և այն էներգետիկան, որը փոխանցեցին դերասանները մեզ ուղղակի ֆանտաստիկ էր։ Շատ հուզված ենք՝ Իմ ռադիոյում առաջին անգամ ռադիոներկայացում է բեմադրվել՝  Էռնեստ Հեմինգուեյ «Ծերունին և ծովը»։ 

Անցյալ շաբաթ ռադիոթատրոնի առաջին էպիզոդն էր և հուսամ լսեք եք, եթե ոչ՝ ուրեմն այս եթերից հետո, անպայման միացրեք ու լսեք, որպեսզի իմանաք՝ ով է մեր առաջին ռեժիսորը և ինչ ստեղծագործություն է բեմադրելու։  Այս էպիզոդում միասին կբահայտենք՝ ովքեր են դերակատարները և ինչպես է անցնում առաջին փորձը։

Պահպանելով ավանդույթները՝ Իմ ռադիոն սկսում է նոր նախագիծ` «ՌադիոթատրON»։ Երբևէ մտածել եք` ինչպես է անցնում աուդիոներկայացման ստեղծագործական ընթացքը` ռեժիսորի ընտրությունից մինչև վերջնական ձայնագրություն։  «ՌադիոԹատրON» փոդքասթը ներկայացնելու է ողջ ընթացքն ու կուլիսային գաղտնիքները։ Ամեն ուրբաթ օրագիր էպիզոդների միջոցով Արմինե Դանիելյանի հետ կտեսնենք՝ ինչպես է Իմ ռադիոյի փոքրիկ ստուդիայում ներկայաց...

Այս էպիզոդում կխոսեմ Կապանի դրամատիկական թատրոնի և «Կարուսել» բեմադրության մասին, կպատմեմ՝ ինչ ներկայացումներ ունեն խաղացանկում, արդյոք առաջիկայում առաջնախաղեր ունենալու են, ինչ դժվարություններ ունի թատրոնն այսօր և ոչ միայն։

Այս էպիզոդում պատմում եմ «Խաղարան» տիկնիկային թատրոնի և «Ի՞նչ գույն ունեն զգացմունքները» բեմադրության մասին. դժվար էր Հայաստանում ամեն ինչ սկսել զրոյից, արդյոք Արցախից կարողացան տիկնիկները բերել, որտեղ են այժմ խաղում ներկայացումները, ովքեր են այս պահին ստեղծագործում թատրոնում և ոչ միայն։ 

Այս էպիզոդում պատմում եմ վավերագրական թատրոնի և «Բաց Հարթակի» մասին. ինչպիսի պատմություններ են ընկած «Մամայի համար» ներկայացման հիմքում, ինչպես են այդ փաստերը հավաքել, պիես դարձրել ու բեմադրել, ովքեր կարող են ստեղծագործել այս հարթակում և ոչ միայն։

Այս էպիզոդում պատմում եմ Գաբրիել Գարիսա Մարկեսի և «Էստեբան» բեմադրության մասին. ինչով է պատմվածքը գրավել երիտասարդ ռեժիսորին, արդյոք փոփոխությունների ենթարկել է ստեղծագործությունը, ովքեր են դերակատարները, ինչ տրամադրություն փոխանցեց  բեմադրությունը և ոչ միայն։ 

Այս էպիզոդում պատմում եմ Գավառի Լևոն Քալանթարի անվան պետական թատրոնի և նոր առաջնախաղի մասին. ինչու է ռեժիսորն այդ պիեսն ընտրել, ովքեր են մարմնավորում կերպարներին, արդյոք առաջիկայում նոր բեմադրություններ ունենալու են,  ինչ դժվարություններ ունի թատրոնն այսօր և ոչ միայն։ 

Այս էպիզոդում պատմում եմ Խամաճիկների պետական թատրոնի և «Փոքրիկ իշխանը» ներկայացման մասին,  կպատմեմ՝ ինչով է առանձնանում թատրոնի այս տեսակը, ով է ներկայացման ռեժիսորը, ովքեր են ստեղծագործում թատրոնում, արդյոք առաջիկայում ունեն առաջնախաղեր և ոչ միայն։