Spektrum

Dit is nog nie duidelik wat die aanklagte is teen die 23-jarige Chloe Collins van Kraaifontein wat in die Midde-Ooste aangehou word nie. Sy is reeds meer as drie maande lank in aanhouding in Oman. 'n Prokureur en woordvoerder van die Collins-gesin, Simone **Carolissen, sê dit is 'n onmoontlike situasie en dat hulle nie genoeg ondersteuning van die regering kry nie. Annelene Moses berig.

'n Dapper vrou van die Oos-Kaapse dorp, Colchester langs die Sondagsrivier, het bewys dat een passievolle vrou 'n verskil kan maak in 'n gemeenskap. Ronel van Niekerk is bekend as die "hondevrou", maar sy gee ewe veel om vir mens en dier. Dit is haar doel om te sorg dat al die diere in die naburige informele nedersetting in gesonde toestand moet wees. Veronica Fourie doen verslag.

'n Groep talentvolle tieners van Ocean View in die Kaapse Skiereiland beoefen verskillende dansvorme as 'n manier om weg te bly van maatskaplike euwels soos bendes en dwelmmisbruik. Die groep staan bekend as Limitless 360 en volgens die stigter, Maruwaan Moses, doen hulle die naam gestand deur kreatiewe maniere te vind om bo hulle omstandighede uit te styg.

Die departement van Openbare Werke, gaan na verwagting vandag Hoofman Khoisan SA, en sy afvaardiging by die Uniegebou in Pretoria verwyder. Die groep is nou reeds sowat 8 maande lank voor die Uniegebou, met 'n lys eise wat hulle aan president Cyril Ramaphosa oorhandig het, toe hy nog destyds adjunk president was. Hoofman Khoisan SA, sê hulle gaan nerêns heen, totdat hulle ordentlike antwoorde het...

Die droom om eendag oorsee te kan gaan, kan binnekort bewaarheid word nadat die 63-jarige informele sakevrou, tannie Poppie van As, genooi is om roosterbrood oorsee te gaan bak. Van As wat ook bekend staan as die "Roosterbrood-konginin van die Karoo," bak en verkoop roosterbrood langs die N-1 in Laingsburg in die Wes-Kaap.

Zephany Nurse, wat in 2015 met haar biologiese familie herenig is nadat dit bekend geword het dat sy as twee-dae oue baba gesteel is, bring môre 'n dringende aansoek in die Hooggeregshof in Pretoria om 'n hofbevel wat haar identiteit beskerm, te lig. Sy bring die aansoek sodat sy haar storie kan vertel in 'n boek wat eersdaags gepubliseer sal word.

Vroue tussen die ouderdom van 20 en 40 se uitgawes teenoor haar inkomste, is gewoonlik 56 persent meer as mans s'n. Vroue dink ook met hulle harte eerder as met hulle koppe. Dit is volgens 'n studie wat deur 'n skuld-adviseuringsmaatskappy, Debtsafe gedoen is onder sowat 1000 respondente. 28% van vroue in die groep sê hulle spandeer hulle maandelikse inkomste op hulle afhanklikes eerder as om na h...

Plaasaanvalle in die Oos-Kaap is besig om toe te neem. Dit is luidens statistiek van die LUR vir Veiligheid en Vervoer in antwoord op 'n vraag van 'n DA-lid van die provinsiale Wetgewer, Bobby Stevenson. Die LUR, Weziwe Tikana, het bekend gemaak dat daar 48 plaasaanvalle die afgelope boekjaar was, in vergelyking met die 39 voorvalle in die vorige jaar. Stevenson sê drie jaar gelede het die syfer o...

Die Wes-Kaapse minister van menslike nedersettings, Tertius Simmers sê munisipaliteite moet agterplaas bewoners se behuisingsbehoeftes prioritiseer. Die Gatvol Capetonian beweging het gister in verskeie gebiede in Kaapstad betoog. Hulle beweer dat die plaaslike regering nie huise aan agterplaas bewoners toeken nie. Minister Simmers sê elke burger het die reg om vreedsaam te betoog.

Die woordkunstenaar, Danneline Ramsden, beywer haar vir Namakwalandse Afrikaans en die Nama-taal. Ramsden sê sy is baie spyt omdat sy nie op skool reeds die Nama-taal kon aanleer nie, en kan net van die woorde deel maak van 'n Afrikaanse sin. Hierdie vrouemaand gesels Annelene Moses met hierdie borrelende woord-vrou oor waar haar liefde vir inheemse tale gebore is.

Mynbouproduksie het in Junie, jaar op jaar met vier komma twee persentasiepunte verminder. Seisoenaal aangepaste syfers het toegeneem met drie komma drie persent in Junie teenoor Mei die jaar. Dr Chris Harmse van Rebalance fondsbestuurders sê goud was die grootste bydraer tot die jaar op jaar daling.

Die minister van gesondheid, Dr Zweli Mkhize, sê die instelling van die Wetsontwerp op Nasionale Gesondheidsversekering sal die land 'n stap nader bring aan die implementering van die skema. Dr Mkhize het meer besonderhede oor die wetsontwerp in Pretoria bekendgemaak. Die direkteur van die Bhekisisa-sentrum vir gesondheidsjoernalistiek, Mia Malan gee haar indrukke oor die wetsontwerp.

'n Plaaslike kunstenaar, David Scott (beter bekend as "The Kiffness"), het gister opslae op sosiale media gemaak met 'n inskrywing op sy Facebook blad. In die inskrywing sê Scott dat indien die SAUK nie die geld wat aan hom verskuldig is betaal nie, sal hy weier dat sy musiek op enige van die uitsaaier se radio stasies gespeel word. Scott het aan Annelu le Roux vertel dat hy onlangs daarvan bewus...

Indië het vandag 'n beslissende stap geneem, om sy greep op die Kashmir-streek te versterk. Die land het vandag aangekondig dat hy Artikel 370 - wat 'n mate van onafhanklikheid aan Jammu en Kashmir verseker - terugtrek. Tien-duisende weermaglede is na die gebiedontplooi, en toegang tot die internet is beperk. Marlinee Fouche het meer

Amerikaners is in rou gedompel nadat minstens 29 mense gister doodgeskiet is in onderskeidelik Ohio en Texas. Hoewel die motief in Ohio nog onduidelik is, is die aanvaller in Texas in hegtenis geneem vir plaaslike terreur. Hy't openlik erken dat sy aanval op Spaans-Amerikaanse inwoners gemik is. President Donald Trump word intussen uit verskeie oorde gekritiseer dat hy migrantehaat aanvuur, en sod...

Nagenoeg 2000 mense het op 'n gewelddadige wyse oor die afgelope ses maande op die Kaapse Vlakte gesterf. Die weermag is verlede maand ontplooi om die polisie te ondersteun. Bykans elke naweek begrawe 'n ma haar kind, en die geweld ken geen einde nie. Annelene Moses berig.

Die organisasie Moms Move for Justice hou 'n optog na die Parlement. Een van die moeders van Hanover Park op die Kaapse Vlakte, Avril Andrews, sê ma's kan nie afsluiting kry nie omdat hofsake jare lank sloer. Andrews se seun, Alcardo is in 2015 vermoor en die saak word vandeesmaand weer aangehoor. Sy het aan Annelene Moses gesê sy is nie alleen in haar stryd om geregtigheid nie.

As jy gewonder het hoekom sommige sosiale media-gebruikers hulle profielfoto's na oranje verander het, hier is jou antwoord. Dit het alles begin by 'n jong sosiale media-aktivis, Sherazaad Liesering van Boksburg aan die Gautengse Oos-Rand. Liesering sê die oranje kleur en die hutsmerk Justice For The Cape Flats, is in solidariteit met die gemeenskappe van die geweldgeteisterde Kaapse Vlakte.

54 Veldwagters is die afgelope jaar in Afrika dood terwyl hulle gewerk het. Vandag is Wêreld Veldwagter -dag en op die dag word daar hulde gebring aan die mense wat daagliks deel is van die stryd om die natuur te beskerm. Afgetrede Generaal- Majoor, Johan Jooste hoof van spesiale projekte by SANPARKE sê om 'n veldwagter te wees is nie maklik nie.

In 'n hofsaak tussen Dunlop en die vakbond Numsa na 'n staking wat geweldadig geword het, het die hof bevind dat die werkgewer moet verseker dat werknemers wat wel oor inligting beskik wat wandade aan die lig kan bring, die werker se veiligheid moet verseker. Praktyksleier by die arbeidswetdepartement van Webber Wentzel, Jan Olivier sê dat die hele konsep van afgeleide wangedrag 'n baie moeilike g...

'n Biokinetikus van Stellenbosch, Johanni Taljaard is pas aangewys as die tweede sterkste vrou op die kontinent. Sy het Suid-Afrika by die Statebond-gewigoptel kompetisie in Samoa verteenwoordig, waar sy 'n gewig van honderd-drie-en-tagtig kilogram opgetel het.

Die burgerregte organisasie Afriforum en die Marloth -Park Belastingbetalers- Vereniging sê hulle gaan die beplande oprigting van 'n steenkoolmyn op die grens van die Nasionale Kruger Wildtuin teenstaan. Die Singo Consulting beperk en Manzolwandle steenkoolmyn sal sowat 18 000 hektaar groot wees. Die Afriforum Omgewingsbewaring hoof, Lambert de Klerk sê die regte konsultasie proses is nie deur die...

Die Suid-Afrikaanse Menseregtekommissie wil die grondwetlikheid van munisipale verordeninge laat toets nadat die Kaapstad Metro begin het om boetes aan hawelose mense uit te reik. Volgens die verordeninge kan haweloses boetes opgelê word vir die maak van vure, rommelstrooiery en as hulle voetganger-verkeer belemmer. Die drie oortredings kan onderskeidelik boetes van duisend-500-rand, 500-rand of 3...

Bouwerk aan Afrika se eerste plastiek-paaie het vroeër die week in die Oos-Kaap begin, nadat maande van toetse afgehandel is. Marlinee Fouche berig die samestelling van die pad is uniek aan die omgewing waarin dit gebou word, en kan in die toekoms 'n merkwaardige rol speel in die stryd teen palstiekbesoedeling. Sowat 3 ton plastiek gaan vir die projek gebruik word.

Die onlangse bohaai oor die toepassing genaamd FACEAPP wat glo beslag sou lê op al jou fotos wat jy daarop laai en ander inligting, moet selfoon gebruikers laat regopsit. Die gebruik van die toepassing wat jou laat sien hoe jy gaan lyk as jy eendag oud is, het soos 'n veldbrand onder gebruikers op sosiale media versprei, tot dit aan die lig gekom het dat die fynskrif van die toepassing die vervaar...