Tropela Podcastak

Ibanek (@piban) Alpeetako lehen etaparen laburpena egiten digu mini podcast honetan. Etapa Zakarinek (KAT) irabazi du eta faboritoen artean indartsuen Porte (BMC) agertu da Froomekin (SKY) batera.

Ibanek (@piban) 2016eko Frantziako Tourraren 16. etaparen laburpena entzungai duzue podcast honetan. Saganek (TNK) gutxigatik bada ere etapa garaipena lortu du. Oraingoan bai utzi duela bigarren postua atzera!

Egoitzek (@elizaso) gaurko etapa menditsuan zer gertatu den laburbiltzen du mini podcast honetan. Espero bezala ihesaldi jendetsu bat osatu dela kontatzen digu hiru euskaldun bertan izan direlarik: Haimar Zubeldia (TFS), Romain Sicard (DEN) eta Ion Izagirre (MOV). Azkenean ihesaldiko Pantano (IAM) izan da etapa garaipena lortu duena. Sailkapen nagusian aldaketa nabarmenik ez.

Egoitz (@elizaso) arduratu da Frantziako Tourreko 14. etapa honen laburpena egiteaz. Cavendishek (DDD) Tour honetan lortu duen laugarren etapa garaipenaz mintzo da. Etapa honetan tropelak ihesaldia uneoro kontrolpean izan du eta espero bezala esprinta izan da.

2016ko Frantziako Tourreko 13. etapa, edizio honetako lehen erlojuaren kontrako saioa. Hemen Ibanek (@piban) egindako laburpena.

Egoitzek (@elizaso) 12. etapa polemikoaren laburpen kritikoa egiten du mini podcast honetan. De Gendt (LTS) nagusitu da gaurkoan Mont Ventouxen amaitu behar zuen etapan. Gertakariak gertakari, azkenean Froomek (SKY) Tourreko lider izaten jarraitzen du.

Ibanek (@piban) prestatu du Tourreko 11. etaparen podcast berri hau. Gaurko etapak esprinta izateko diseinatua zela zirudien, baina azkenean Sagan (TNK), Bodnar (TNK), Froome (SKY) eta Thomasek (SKY) gidoia aldatzea pentsatu dute.

Ibanek (@piban) atseden eguna pasa eta gero jokatu den 10. etapari errepasoa egiten dio podcast honetan. Oraingoan Matthews (OBE) txirrindulari australiarra nagusitu da beste 3 taldekiderekin ihesaldian sartuta. Nola ez, euskaldunak ere tartea gaurkoan Mikel Landa (SKY) eta Gorka Izagirre (MOV) txirrindulariekin.

Raulek (@raulperezmartin) hartu du Pirinioetako Tourraren pasoari bukaera eman diot mini podcast hau. Raulek maisuki hiru egun hauek utzitakoa "argazkitan" bildu digu gogoeta eta guzti.

Egoitzek (@elizaso) erreleboa jaso du 8. etaparen mini podcast hau grabatzeko. Bertan SKYren lana eta Froomen garaipena aipatzen du, Keldermanen gertakaria eta nola Majka haserretu egin den mendiko puntuak lapurtu dizkiotelako. Bihar jokatuko da Pirinioetako azken etapa.

Ibanek (@piban) 2016ko Frantziako Tourraren 7.etaparen (2016-07-08) kronika egiten digu mini podcast berri honetan. Etapa honetan ere ihesaldian euskaldun bat izan da, Gorka Izagirre (MOV) hain zuzen ere Van Avermaet (BMC) liderraz gain.

Ibanek (@piban) Tourreko 6. etaparen kronika biltzen digu mini podcast honetan. Argazkia: @BicyclingMagazine

Ibanek (@piban) hartu du mini podcast hau grabatzeko ardura. Bertan Tour honetako lehen mendate ertainetako etapari errepasoa ematen dio. Pereirok irabazi zuen Tour hura ekarri du gogora izan ere 15 minutuko tartea izan du ihesaldiak. Ihesaldian gaur ere euskaldun bat izan da, Romain Sicard (DEN).

Podcast honetan erreleboa Ibanek (@piban) hartzen dio Egoitzi. Gaurko etapa, Tourreko luzeena, ihesaldian osatu da tartean Markel Irizar euskalduna zelarik. Hala ere esprinterrek interesa zuten ihesaldia zapuzteko. Gaur ere lehia estua esprinterren artean etapa garaipena lortzeko.

Tourreko 3. etapa tropelak lasai eraman duela kontatzen digu Egoitzek podcast berri honetan. Fonseca eta Voecklerrek izan dute ihesaldia osatzeko parada baina esprinta izango zela argi zen. Bertan, lehia ikusgarria bezein estua ikusi dugu eta azkenean Cavendishek etapa garaipena lortu du gutxigatik bada ere.

Tour honen laburpentxoen bigarren podcasta da hau. Bertan Egoitzek (@elizaso) nola Saganek etapa garaipena eta lidergoa ezustean lortzen dituen kontatzen digu. Hori bai, Stuyven gaztearen lehiakortasunaz ere ez da ahazten. Hautagaien artean denbora galdu dutenak zein izan diren ere aipatzen dira.

Podcast honetan Egoitzek (@elizaso) 1.etaparen analisia egiten du: Cavendishen garaipena eta lidergoaz gain Contadorrek izan duen erorikoaz. Tourra hasi besterik ez da egin eta dagoeneko gertakariak eta zer kontatuak ditugu. Ea egunero horrelako etapa interesgarriak ikusten ditugun!

Tropelaren 112. podcasta da hau. Iban Perez (@piban) eta Egoitz Lizasok (@elizaso) 2016ko denboraldiko lasterketarik garrantzitsuenaz aritzen dira, Frantziako Tourraz. Kinielari errepasoa egiten diote multzo guztiak banan bana aztertuz ohiko moduan. Aurtengoan 8 euskaldun izango dira Frantziako lasterketan.

Tropelaren 111. podcasta da hau. Bertan Eneko Garate (@egarate), Iban Perez (@piban) eta Egoitz Lizasok (@elizaso) 2016ko denboraldiko lehen itzuli handiaz aritzen dira, Italiako Giroaz hain zuzen ere. Kinielari errepasoa egiten diote kontutan izanda aspaldiko partez euskaldun bat lasterketaren lehian izateko hautagai izango dela.

Tropelaren 110. podcasta da hau. Bertan Eneko Garate (@egarate), Iban Perez (@piban) eta Egoitz Lizasok (@elizaso) Paris-Roubaix klasiko handiaz hitz egiten dute. Bertan kinielari errepasoa egiten diete ahaztu gabe egun hauetan Euskal Herriko Itzulian ikusten ari garena.

Tropelaren 109. podcasta da hau. Bertan Eneko Garate (@egarate), Iban Perez (@piban) eta Egoitz Lizasok (@elizaso) Euskal Herriko errepideetan jokatuko den lehen lasterketaz aritzen dira: 2016ko Euskal Herriko Itzulia. Solasaldi honetan Tropelak 11 urte betetzen dituela ere gogorarazten dute.

Tropelaren 108. podcasta da hau. Bertan 2016ko denboraldiko bigarren klasikoaren inguruan aritzen dira Eneko Garate (@egarate), Iban Perez (@piban) eta Egoitz Lizaso (@elizaso): 2016ko Flandriako Tourra. Solasaldi honetan denboraldiko klasiko handi honetako lehiaketan kontutan izan beharreko puntuak aipatzen dituzte.

Tropelaren 107. podcasta da hau. Bertan 2016ko denboraldiko bigarren itzuliaren inguruan aritzen dira Eneko Garate (@egarate), Iban Perez (@piban) eta Egoitz Lizaso (@elizaso): 2016ko Tirreno-Adriatikoa. Solasaldi honetan denboraldiko lehen lehiaketa honetan kontutan izan beharreko puntuak aipatzen dituzte.

Tropelaren 106. podcasta da hau. Bertan 2016ko denboraldiari hasiera emango dion Paris-Niza lasterketa eta gure kinielaz aritzen dira Eneko Garate (@egarate), Iban Perez (@piban) eta Egoitz Lizaso (@elizaso). Solasaldi honetan denboraldiko lehen lehiaketa honetan kontutan izan beharreko puntuak aipatzen dituzte.

Iban Perezek (@piban), Imanol Lluciak (@ImanolLlucia) eta Egoitz Lizasok (@elizaso) 2015eko Espainiako Vueltako ibilbidea eta Tropelako kiniela aztertzen dute podcast honetan. Multzoak banan bana aztertuta aukeraketarako erabil daitezkeen irizpideak aipatzen dituzte.