Todos os podcast | Pensando en ti

O 20 de novembro é o Día Mundial da Infancia. Hoxe escoitamos historias de nen@s, lembranzas da infancia, sucesos que nos marcaron na nosa nenez.

O 22 de novembro celébrase o día de Santa Icía, patroa dos músicos. Por iso no programa falamos da relación dos oíntes coa música. Tocan algún instrumento? Que representa a música na súa vida? Fixeron algunha tolería por asistir a un concerto?. Por certo, o conto de Pepe Capelán tamén ten unha temática musical.

Preguntámoslles aos oíntes en que invisten o seu tempo de ocio, a que dedican os minutos, as horas ou os dias que non teñen que traballar ou ocuparse dos demáis. Queremos coñecer afeccións ocultas ou estranas.

Quen non fixo algunha vez unha colección? Moedas, selos, xoguetes... Neste programa falamos das afeccionados a coleccionar cousas como Isi que garda "recordatorios de funerais" ou bonecas Nancy.

Os nosos oíntes prepáranse para o frio porque xa cheira a inverno. Hoxe falamos de olores. Que aromas nos agradan máis? Que cheiros nos dan noxo?

A revista Nature publica un artículo que sinala como momentos críticos da vida dunha persoa os 44 e os 60 anos. Preguntámoslle aos oíntes se sentiron "a crise dos 40"; se chegar a esa idade supuxo un cambio importante para eles. Ademáis, en Galicia hai alo menos 139 mil persoas maiores de 65 anos que viven soas. queemos saber como é vivir só.

Con quen adoitas desfogar? Esa é a pregunta que hoxe lle facemos aos oíntes. Un dos que nos escoita habitualmente, José María, antigo responsable do popular bar "Descanso", visítanos no estudo. Pepe Capelán tamén viu acompañado para contarnos as súas historias. Con el está Su Alvariñas, a "presidenta" do seu club de fans.

Día de San Martiño, festa do Magosto. Como o celebran os nosos oíntes? De que xeito preparan as castañas?. Ademáis falamos co noso colaborador Andrés Breijo dos calotes na factura eléctrica.

Tolerías. Hoxe falamos das cousas ou das persoas que nos levan a perder o sentido e facer cousas que se escapan do racional. Isi Rodríguez descubriranos a biografía dunha figura histórica que levaba o alcume da "tola": Xoana I de Castela.

Necesitamos recuperar o sorriso despois de dias tráxicos. Hoxe os oíntes comparten experiencias felices.

A noite de eleccións nos Estados Unidos danos pé a falar de como nos afecta o que alí ocorra. Os nosos oíntes opinan tamén do desastre natural de Valencia e seguimos escoitando testemuños de malas e boas relacións entre veciños.

Unha persoa quéixase de que os seus veciños escoitan o programa a un volume excesivo e non a deixan durmir. Preguntámoslle aos oíntes polas relacións na súa comunidade veciñal. Pepe Capelán traenos hoxe contos populares que teñen como protagonista un animal.

Os oíntes explican no programa como están vivindo (sentindo) a traxedia de Valencia.

Achegámonos ao día dos difuntos e por iso propoñémoslle aos oíntes falar hoxe de cousas relacionadas coa preparación da morte. Son os oíntes máis de enterro ou de incineración? Gardan cinzas de parentes na súa casa? Alguén manifestou a súa vontade de que se organice un acto especial na súa despedida deste mundo?

Pepe Capelán explica a orixe da festa do Samaín e os nosos oíntes comentan tódolos aspectos relacionados con esta celebración. Falaremos de cemiterios, do prezo das flores, de cabazas, da nova tradición de disfrazarse e das tradicións doutros paises. Ademáis preguntamos: foi unha falta de respecto que o Real Madrid non acudise á gala de entrega do premio Balón de Ouro?

A familia do "Pensando en ti" comparte trucos para aforrar. Como facer que a roupa dure máis? Como gastar menos cando cociñamos? O noso colaboraor André Breijo contaranos como aforrar na factura da calefacción.