Todos os podcast | Pensando en ti

Na voráxine das compras de Nadal pedímoslle aos nosos oíntes que nos recomenden establecementos de proximidade onde mercar. Queremos tecer unha rede de pequenos comercios onde adquiri-los agasallos de¡as festas.

Os oíntes falan do que ven nas redes sociais. Cóntannos se son adictos ao seu uso; se ven moitas falsidades nas publicacións; se teñen medo dos efectos que poden producir nos seus fillos... E Pepe Capelán traenos unha lenda de mouros de Ourense

A que momento da nosa vida nos gustaría volver? Con que persoa nos quereriamos reencontrar? Programa dedicado á nostalxia e tamén a saber o que xogan os nosos oíntes á lotaría.

Propoñémoslle aos oíntes falar de medios de transporte. Cales adoitan utilizar? Téñenlle medo a algún tipo de vehículo? Cales son as súas teimas á hora de viaxaren? Practican algún deporte de motor?

Caeron as temperaturas e vai moito frio. Diso falamos hoxe. En que lugar pasaron os oíntes máis frio? Algunha vez as baixas temperaturas puxéronos en perigo? Como se afán a vivir en sitios onde o termómetro adoita marcar menos de cero graos?

Retamos aos oíntes a contarnos episodios da súa vida que manteñen ocultos: amores agochados, accións das que se avergoñaron, ilegalidades...

No Día Internacional da Informática preguntámoslles aos oíntes se están plenamente integrados no mundo dixital ou se están quedando atrás nesta "revolución". Tamén se conmemora o Día Internacional da Dignidade dos nen@s e adolescentes traballadores. A que idade comezaron a traballar os oíntes? Facíano voluntariamente ou por necesidade? Cobraron as súas primeiras tarefas?

Os concursos da televisión son cita obrigada para milleiros de persoas que os seguen con devoción, case con adicción. Hoxe falamos cos oíntes dos concursos e convidámolos a participar nun.

Convidamos ao programa ao xornalista da TVG Alberto Mancebo. Con el e cos ointes falamos de Portugal, pais onde foi correspondente; de libros, porque acaba de publicar "Indolente"; e da depresión, enfermidade que padeceu.

Existe a perfección? Coñeces alguén que roce a perfección no seu traballo? Hoxe falamos sobre este asunto mentres escollemos a nosa panxoliña para o Nadal.

Nunha semana de voráxine consumista pedímoslle aos oíntes que opinen sobre os descontos que ofrecen as grandes cadeas comerciais: sobre as compras anticipadas de Nadal e a tendenza a mercar cousas que non precisamos. Como contrapunto tamén falamos de solidariedade; da colaboración con ONGs e da desconfianza que estas organizacións lles xeran a algunhas persoas

Galicia xa conta con 17 restaurantes con estrela Michelín. Hoxe escoitamos historias gastronómicas. Que opinan dos menús degustación? Son máis de pratos tradicionais ou gústalles a innovación na cociña? Tiveron algunha mala experiencia nun restaurante?. Ademáis estreamos a versión que fixeron Iván Ferreiro e Guadi Galego do "Fairytales os New York" dos Pogues.

O programa está dedicado á xente mala: aos malos de corazón, aos que se comportan mal, aos que non poden evitar facer pequenas maldades... E Pepe Capelán cóntanos lendas de Ourense con protagonistas malvadas.

Pendentes das consecuencias da borrasca Bert, que atravesa Galicia, falamos de cogomelos. É tempo de recoller este agasallo outonal do monte e pedímoslle aos oíntes que nos conten onde o buscan, como os seleccionan e tamén de que maneira os cociñan.

Co gallo do Día da Televisión queremos lembrar momentos icónicos da TVG coa axuda dos nosos oíntes e de Isi que, por certo, sofre síndrome de abstinencia por non poder tomar café.

Os nomes que máis se poñen na década actual en Galicia son: Mateo, Martín, Noa e Sofía. Hoxe falamos de nomes; dos máis habituais e dos máis estranos; dos que se repiten xeración tras xeración e dos que hai que repetir varias veces para que os entenda o interlocutor.